ಧರ್ಮಶಾಲಾ: ಇಲ್ಲಿನ ಹಿಮಾಚಲಪ್ರದೇಶ ಕ್ರಿಕೆಟ್ ಅಸೋಸಿಯೇಷನ್ ಮೈದಾನದಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳುರು ತಂಡವು ಪಂಜಾಬ್ ಕಿಂಗ್ಸ್ ವಿರುದ್ಧ 60 ರನ್ಗಳ ಜಯ ಸಾಧಿಸಿದ್ದು, ಪಂಜಾಬ್ ತಂಡವನ್ನು ಸೋಲಿಸುವ ಮೂಲಕ ಆರ್ಸಿಬಿ ತನ್ನ ಪ್ಲೇಆಫ್ ಆಸೆಯನ್ನು ಜೀವಂತವಾಗಿರಿಸಿಕೊಂಡಿದೆ.
ಮಹತ್ವದ ಪಂದ್ಯದಲ್ಲಿ ಸೋಲಿನ ಕುರಿತು ಮಾತನಾಡಿರುವ ಪಂಜಾಬ್ ಕಿಂಗ್ಸ್ ತಂಡದ ಅಸಿಸ್ಟೆಂಟ್ ಕೋಚ್ ಬ್ರಾಡ್ ಹ್ಯಾಡಿನ್, ಕ್ಯಾಚಸ್ ವಿನ್ಸ್ ಮ್ಯಾಚಸ್ ಎಂಬ ಪ್ರಸಿದ್ದ ನಾಣುಡಿಯನ್ನು ಉಲ್ಲೇಖಿಸಿ ಮಾತನಾಡಿದ್ದಾರೆ.
ಇದನ್ನೂ ಓದಿ: ಪಾಕಿಸ್ತಾನದ ಬಳಿ ಅಣು ಬಾಂಬ್ ಇದೆ, ಭಾರತ ಅವರನ್ನು ಗೌರವಿಸುವುದು ಸೂಕ್ತ: ಮಣಿಶಂಕರ್ ಅಯ್ಯರ್
ನಾವು ಪಂದ್ಯವನ್ನು ಸೋಲಲು ಮುಖ್ಯ ಕಾರಣ ಕೈಬಿಟ್ಟ ಕ್ಯಾಚ್ಗಳು ಎಂದು ಹೇಳಲು ಇಷ್ಟಪಡುತ್ತೇನೆ. ಕ್ಯಾಚ್ ಕೈಚೆಲ್ಲಿದ ಬ್ಯಾಟ್ಸ್ಮನ್ಗಳಿಬ್ಬರು ದೊಡ್ಡ ಮೊತ್ತ ದಾಖಲಿಸಿದರು. ಅಲ್ಲಿಯೇ ನಾವು ಆಟವನ್ನು ಸೋತೆವು. ಪಂದ್ಯದಲ್ಲಿ ಸೋತಿರುವುದು ನಮಗೆ ಹೆಚ್ಚು ನಿರಾಸೆಯನ್ನುಂಟು ಮಾಡಿದೆ. ಐಪಿಎಲ್ ಒಂದು ದೊಡ್ಡ ವೇದಿಕೆಯಾಗಿದ್ದು, ನಿಮ್ಮ ಕೌಶಲ್ಯವನ್ನು ಪ್ರದರ್ಶಿಸಲು ಇದು ಉತ್ತಮ ಅವಕಾಶವಾಗಿದೆ.
ಉಳಿದ ಪಂದ್ಯಗಳನ್ನು ಆಟಗಾರರು ಉಳಿದ ಎರಡು ಪಂದ್ಯಗಳನ್ನು ಒಂದು ದೊಡ್ಡ ಅವಕಾಶವಾಗಿ ನೋಡಬೇಕು ಮತ್ತು ಅಭಿಯಾನವನ್ನು ಉತ್ತಮವಾಗಿ ಮುಗಿಸಲು ಒಂದು ಮಾರ್ಗವನ್ನು ಕಂಡುಕೊಳ್ಳಬೇಕು ಎಂದು ಪಂಜಾಬ್ ಕಿಂಗ್ಸ್ ತಂಡದ ಅಸಿಸ್ಟೆಂಟ್ ಕೋಚ್ ಬ್ರಾಡ್ ಹ್ಯಾಡಿನ್ ಅಭಿಪ್ರಾಯಪಟ್ಟಿದ್ದಾರೆ.