ದೀದಿ ನಾಡಿನ ಬೀಡಿ ಪ್ರಿಯರ ಬಾಯಲ್ಲಿ ಮೆಸ್ಸಿ ಮಾತು! ವೈರಲ್ ಆಯ್ತು ಮೆಸ್ಸಿ ಬೀಡಿ ಫೋಟೋ!

ನವದೆಹಲಿ: ಇತ್ತೀಚೆಗೆ ನಡೆದ ಕೋಪಾ ಅಮೆರಿಕ ಫೈನಲ್ಸ್​ನಲ್ಲಿ ಅರ್ಜೆಂಟೀನಾ ವಿಜಯ ಸಾಧಿಸಿದೆ. ಅದೇ ಖುಷಿಯಲ್ಲಿ ಅಲ್ಲಿನ ಫುಟ್​ಬಾಲ್ ಆಟಗಾರ ಲಿಯೋನೆಲ್ ಮೆಸ್ಸಿ ಇದ್ದಾರೆ. ಸದ್ಯ ಅರ್ಜೆಂಟೀನಾದಲ್ಲಿ ಅವರದ್ದೇ ಸುದ್ದಿ ಓಡಾಡುತ್ತಿದೆ. ಹೀಗಿರುವಾಗ ಭಾರತದಲ್ಲೂ ಮೆಸ್ಸಿ ವೈರಲ್ ಆಗಿದ್ದಾರೆ. ಅದು ಹೇಗೆ? ಏನು? ಎನ್ನುವುದು ಮುಂದಿದೆ ನೋಡಿ..

ಭಾರತದಲ್ಲಿ ಸಿಗರೇಟ್​ನಂತೆಯೇ ಗ್ರಾಮೀಣ ಪ್ರದೇಶಗಳಲ್ಲಿ ಹೆಚ್ಚು ಬಳಕೆಯಲ್ಲಿರುವುದು ಬೀಡಿ. ಪಶ್ಚಿಮ ಬಂಗಾಳದ ಧುಲಿಯನ್ ನ ಆರಿಫ್ ಬೀಡಿ ಕಾರ್ಖಾನೆಯಲ್ಲಿ ಬೀಡಿ ತಯಾರಿಕೆ ನಡೆಯುತ್ತಿದೆ. ಈ ಕಾರ್ಖಾನೆ ಇತ್ತೀಚೆಗೆ ತನ್ನ ಬೀಡಿ ಪ್ಯಾಕೆಟ್​ನಲ್ಲಿ ಮೆಸ್ಸಿಯ ಫೋಟೋ ಹಾಕಿದೆ. ಅಷ್ಟೇ ಅಲ್ಲದೆ ಬೀಡಿ ಹೆಸರನ್ನೇ ಮೆಸ್ಸಿ ಬೀಡಿ ಎಂದು ನಮೂದಿಸಿದೆ. ಅದರ ಫೋಟೋಗಳನ್ನು ತೆಗೆದುಕೊಂಡಿರುವ ನೆಟ್ಟಿಗರು ಅದನ್ನು ಎಲ್ಲೆಡೆ ಹಾಕಿ ಟ್ರೋಲ್ ಮಾಡಲಾರಂಭಿಸಿದ್ದಾರೆ.

ವಿದೇಶಿ ಆಟಗಾರನ ಹೆಸರು ಮತ್ತು ಫೋಟೋ ಭಾರತದಲ್ಲಿ ಈ ರೀತಿ ಬಳಕೆಯಾಗಿರುವ ಬಗ್ಗೆ ಅನೇಕ ರೀತಿಯ ಚರ್ಚೆ ನಡೆಯುತ್ತಿದೆ. ಅವರೇನು ಈ ಬ್ರ್ಯಾಂಡ್​ ನೋಡುವುದಿಲ್ಲ ಎಂದು ಈ ರೀತಿ ಬಳಸಿಕೊಳ್ಳುತ್ತಿದ್ದಾರೆ ಎಂದು ಅನೇಕರು ಹೇಳುತ್ತಿದ್ದರೆ, ನಮ್ಮ ಭಾರತದಲ್ಲಿ ಮಾತ್ರ ಇಂತಹ ವಿಚಿತ್ರಗಳನ್ನು ನೋಡಲು ಸಾಧ್ಯ ಎಂದು ನೆಟ್ಟಿಗರು ಹೇಳಲಾರಂಭಿಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/delicious-dishes-like-chicken-restaurant-and-more-will-be-available-in-jail/

https://www.vijayavani.net/fully-vaccinated-and-not-sure-if-you-should-still-wear-masks/

https://www.vijayavani.net/five-star-hotel-on-gandhinagar-railway-station/