ಸಿಯಾಟಿಕಾ ನೋವು ಜೀವನದ ಮೇಲೆ ಬಹಳ ಪರಿಣಾಮ ಬೀರುತ್ತದೆ. ಸಿಯಾಟಿಕಾ ಎನ್ನುವುದು ಸಿಯಾಟಿಕ್ ನರಕ್ಕೆ ಉಂಟುಮಾಡುವ ನೋವು. ಸಿಯಾಟಿಕ್ ಎಂದರೆ ನಮ್ಮ ದೇಹದಲ್ಲಿರುವ ಅತ್ಯಂತ ಉದ್ದವಾದ ಹಾಗೂ ದಪ್ಪವಾದ ನರವಾಗಿದೆ. ಈ ನರವು ದೇಹದ ಹಿಂಬದಿಯಲ್ಲಿ ಸೊಂಟದಿಂದ ಕಾಲಿನವರೆಗೆ ಇರುತ್ತದೆ. ಸಿಯಾಟಿಕಾ ನೋವಿನ ಜತೆಗೆ ಬೆನ್ನು, ಕಾಲಿನಲ್ಲಿ ಜುಮ್ಮೆನ್ನಿಸುವ ಅಥವಾ ಮರಗಟ್ಟುವಿಕೆ ಅನುಭವವನ್ನು ಉಂಟುಮಾಡುತ್ತದೆ. ಈ ನೋವು ಕಾಣಿಸಿಕೊಂಡರೆ ನಡೆಯಲು, ಕುಳಿತುಕೊಳ್ಳಲು, ನಿಂತುಕೊಳ್ಳಲು ಕಷ್ಟವಾಗುತ್ತದೆ. ಈ ಸಮಸ್ಯೆ ಹೆಚ್ಚಾಗಿ 30 ರಿಂದ 40 ವರ್ಷದೊಳಗಿನವರಲ್ಲಿ ಕಂಡುಬರುತ್ತದೆ. ಸಿಯಾಟಿಕಾ ನೋವನ್ನು ಕಡಿಮೆ ಮಾಡಿಕೊಳ್ಳಲು ಕೆಲವೊಂದು ಯೋಗಾಸನಗಳು ಸಹಕಾರಿಯಾಗಿವೆ.
