ದೀರ್ಘಾಯುಷ್ಯ ನಿಮ್ಮದಾಗ್ಬೇಕಾ..? ಹಾಗಾದರೆ ಈ ಸಿಂಪಲ್​​ ಟಿಪ್ಸ್​ ಫಾಲೋ ಮಾಡಿ..

ಸಾಮಾನ್ಯವಾಗಿ ದೊಡ್ಡವರಿಗೆ ನಮಸ್ಕರಿಸಿದಾಗ ಶತಾಯುಷಿಯಾಗು, ದೀರ್ಘಾಯುಷ್ಯ ನಿನ್ನದಾಗಲಿ ಎಂದು ಆಶೀರ್ವಾದ ಮಾಡುತ್ತಾರೆ. ಆದರೆ ಬದಲಾದ ಆಧುನಿಕ ಜೀವನ ಶೈಲಿ ಮಾನವನ ಆಯಸ್ಸನ್ನು 100 ವರ್ಷದಿಂದ 50-60 ವರ್ಷಕ್ಕೆ ಇಳಿಸಿಬಿಟ್ಟಿದೆ. ದೀರ್ಘಾಯುಷಿ ಆಗಲು ಏನು ಮಾಡಬೇಕು..? ದೀರ್ಘಾಯುಷ್ಯ ಪಡೆಯಲು ಕೆಲವು ಸರಳ ನಿಯಮಗಳನ್ನು ನಿಮ್ಮ ಜೀವನದಲ್ಲಿ ಪಾಲಿಸಿ.

ಇದನ್ನು ಓದಿ: ಮೆದುಳನ್ನು ಚುರುಕಾಗಿ ಕಾರ್ಯನಿರ್ವಹಿಸುವಂತೆ ಮಾಡಬೇಕೆ.. ಈ 5 ಹುರಿದ ಪದಾರ್ಥ ತಿನ್ನಲು ಇಂದಿನಿಂದಲೇ ಆರಂಭಿಸಿ

ಇತ್ತೀಚಿನ ಅಧ್ಯಯನವೊಂದರ ವರದಿಯ ಪ್ರಕಾರ 2021ರಲ್ಲಿ ಪ್ರಪಂಚದಲ್ಲಿ 5,73,000ರಷ್ಟು ಶತಾಯುಷಿಗಳು ಇದ್ದಾರೆ. 2050ರ ವೇಳೆಗೆ 100 ವರ್ಷ ದಾಟಿದವರು ಸುಮಾರು 3.5 ಮಿಲಿಯನ್​ಗೆ ಏರುತ್ತಾರೆ ಎಂದು ಅಂದಾಜಿಸಲಾಗಿದೆ. ಅಲ್ಲದೆ, ಈ ಅಧ್ಯಯನದ ವರದಿಯಲ್ಲಿ ಒಬ್ಬ ವ್ಯಕ್ತಿ ದೀರ್ಘಾಯುಷಿ ಆಗಲು ಈ 4 ಸರಳ ಅಭ್ಯಾಸಗಳನ್ನು ಪಾಲಿಸಿದರೆ ಸಾಕು ಎಂದು ತಿಳಿಸಲಾಗಿದೆ.

• ಆಹಾರ : ಆರೋಗ್ಯಕರ ದೀರ್ಘಾಯುಷ್ಯವನ್ನು ಉತ್ತೇಜಿಸುವಲ್ಲಿ ಕಟ್ಟುನಿಟ್ಟಾದ ಆಹಾರ ಪದ್ಧತಿ ಪ್ರಮುಖವಾಗಿದೆ. ತರಕಾರಿ, ಸೊಪ್ಪು, ಹಾಲು, ಧಾನ್ಯಗಳನ್ನು ಒಳಗೊಂಡ ಆಹಾರವನ್ನು ಸೇವಿಸುವುದರಿಂದ 100 ವರ್ಷ ಬದುಕಬಹುದು ಎನ್ನಲಾಗಿದೆ. ಇದರ ಜತೆಗೆ ಮುಖ್ಯವಾಗಿ ಧೂಮಪಾನ, ತಂಬಾಕು ಮತ್ತು ಮದ್ಯ ಸೇವನೆಯಿಂದ ದೂರ ಇರುವುದು ಒಳ್ಳೆಯದು. ಧೂಮಪಾನ, ಮದ್ಯಪಾನ, ತಂಬಾಕು ಸೇವನೆ ನಿಮ್ಮ ಮಾನಸಿಕ ಮತ್ತು ದೈಹಿಕ ಯೋಗಕ್ಷೇಮ ಎರಡಕ್ಕೂ ಹಾನಿಕಾರಕವಾಗಿದ್ದು, ಅಕಾಲಿಕ ಮರಣವನ್ನು ತಂದೊಡ್ಡಬಹುದು. ಹೀಗಾಗಿ ಈ ದುರಾಭ್ಯಾಸಗಳನ್ನು ತ್ಯಜಿಸುವುದರಿಂದ ಅಪಾಯವನ್ನು ಕಡಿಮೆ ಮಾಡಬಹುದು.
• ಉತ್ತಮ ನಿದ್ರೆ: ದೀರ್ಘ ಮತ್ತು ಉತ್ತ ಜೀವನ ಅಂತ ಬಂದಾಗಲೆಲ್ಲಾ ನಿದ್ರೆ ಪ್ರಮುಖವಾದ ಪಾತ್ರವನ್ನು ವಹಿಸುತ್ತದೆ. ನಿದ್ರೆ ದೀರ್ಘಾಯುಷ್ಯದ ಗುಟ್ಟು ಎಂದರೆ ತಪ್ಪಗಲಾರದು. ತೃಪ್ತಿದಾಯಕ ನಿದ್ರೆ ಮಾಡುವವರು ದೀರ್ಘಕಾಲದ ಕಾಯಿಲೆಗಳಿಲ್ಲದೆ 50 ರಿಂದ 75 ವರ್ಷದವರೆಗೆ ಬದುಕುತ್ತಾರೆ. ಕಡಿಮೆ ನಿದ್ರೆಯ ಅವಧಿ ಸಾವಿನ ಅಪಾಯವನ್ನು ಹೆಚ್ಚಿಸುತ್ತದೆ.
• ಕಡಿಮೆ ಔಷಧಿ ಸೇವನೆ: ಜಗತ್ತಿನ ಬಹುತೇಕ ಶತಾಯುಷಿಗಳ ದೀರ್ಘಾಯುಷ್ಯದ ಹಿಂದಿರುವ ಕಾರಣ ಕಡಿಮೆ ಔಷಧಗಳ ಬಳಕೆ ಎಂದು ಎಪಿಕ್ರಾನ್​ ಅಧ್ಯಯನದ ಸಂಶೋಧನೆಗಳು ತಿಳಿಸಿವೆ. ಕಟ್ಟುನಿಟ್ಟಾದ ಆಹಾರ ಕ್ರಮದ ಜತೆಗೆ ಕಡಿಮೆ ಔಷಧಗಳನ್ನು ಬಳಕೆ ಮಾಡುವುದರಿಂದ ಧೀರ್ಘಾಯುಷಿಗಳಾಗಿ ಜೀವನ ನಡೆಸಬಹುದು ಎಂದು ಹೇಳಲಾಗುತ್ತದೆ.
• ಗ್ರಾಮೀಣ ಜೀವನಶೈಲಿ: ನಗರ ಪ್ರದೇಶಗಳಿಗೆ ಹೋಲಿಸಿದರೆ ಗ್ರಾಮೀಣ ಜೀವನಶೈಲಿ ಮಾನವನನ್ನು ಹೆಚ್ಚು ಕಾಲ ಬದುಕಲು ಸಹಾಯ ಮಾಡುತ್ತದೆ. ಅಧ್ಯಯನವೊಂದರ ಪ್ರಕಾರ ಪ್ರಪಂಚದ ಶೇಕಡಾ 75ಕ್ಕಿಂತ ಹೆಚ್ಚು ಶತಾಯುಷಿಗಳು ಗ್ರಾಮೀಣ ಪ್ರದೇಶಗಳಲ್ಲೇ ವಾಸಿಸುತ್ತಿದ್ದಾರೆ. ಶುದ್ಧ ಗಾಳಿ, ನೀರು, ಆಹಾರ ಸೇವನೆ ಮಾನವನ ಜೀವಿತಾವಧಿಯನ್ನು ಹೆಚ್ಚಿಸುತ್ತದೆ.

https://www.vijayavani.net/upendra-directed-movie-ui-released-on-october-team-official-announcement