ಸುಮಾರು 45 ಸೆಕೆಂಡುಗಳ ಯುಐ ಸಿನಿಮಾದ ರಿಲೀಸ್ ಅನೌನ್ಸ್ಮೆಂಟ್ ವಿಡಿಯೋವನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ. ವಿಡಿಯೋದಲ್ಲಿ ಆರಂಭವಾಗುತ್ತಿದ್ದಂತೆ ಸೇಬು ಬಳಿಕ ಬಾಣ, ವಿಷಸರ್ಪ, ರೈಲು, ಮನೆ ಮೇಲೆ ಕುಳಿತಿರುವ ಕಾಗೆ ಹಾಗೂ ರಾಜನ ಗೆಟಪ್ನಲ್ಲಿ ಉಪ್ಪಿ ಮಿಂಚಿದ್ದಾರೆ. ಈಗಾಗಲೇ ತನ್ನ ಟೈಟಲ್ನಿಂದಲೇ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿರುವ ‘ಯುಐ’ ಸಿನಿಮಾ ಬಿಡುಗಡೆಗೂ ಮುನ್ನವೇ ವಿಭಿನ್ನ ಪ್ರಚಾರದಿಂದ ಸಿನಿಪ್ರೇಕ್ಷಕರ ನಿರೀಕ್ಷೆಯನ್ನು ದುಪ್ಪಟ್ಟುಗೊಳಿಸಿದೆ. ಚಿಕ್ಕದು-ದೊಡ್ಡದು ಎನ್ನುವ ಹಾಡಿನ ಪ್ರೋಮೋ ಬಿಟ್ಟು ಅಭಿಮಾನಿಗಳ ತಲೆಯಲ್ಲಿ ಹುಳ ಬಿಟ್ಟಿದ್ದ ಉಪೇಂದ್ರ ಆ ಬಳಿಕ ಟೀಸರ್ ಮತ್ತು ಟ್ರೋಲ್ ಆಗುತ್ತೆ ಎನ್ನುವ ಹಾಡನ್ನು ರಿಲೀಸ್ ಮಾಡಿ ಎಲ್ಲರ ಗಮನ ಸೆಳೆದಿದ್ದರು.
