ಹೊಸದಾಗಿ 2 ಸ್ಕೂಟರ್ ಪರಿಚಯಿಸಿದ ಏಥರ್​ ಎನರ್ಜಿ; ಒಮ್ಮೆ ಚಾರ್ಜ್​ ಮಾಡಿದರೆ 115 ಕಿ.ಮೀ. ಮೈಲೇಜ್!​

ರಾಮ ಕಿಶನ್​ ಕೆ.ವಿ.
ಬೆಂಗಳೂರು: ದೇಶದ ಮುಂಚೂಣಿಯ ಎಲೆಕ್ಟ್ರಿಕ್​ ಸ್ಕೂಟರ್​ ತಯಾರಕ ಕಂಪನಿಯಾದ ಏಥರ್​ ಎನರ್ಜಿ ಆಕರ್ಷಕ ಫೀಚರ್​ ಹೊಂದಿರುವ 450ಎಸ್​ ಹಾಗೂ 450ಎಕ್ಸ್​ ಸ್ಕೂಟರ್​ ಅನ್ನು ಮಾರುಕಟ್ಟೆಗೆ ಪರಿಚಯಿಸಿದೆ.

ನೂತನ ವಾಹನವು ಆರಾಮದಾಯಕ ಪ್ರಯಾಣಕ್ಕೆ ಹೆಚ್ಚಿನ ಅವಕಾಶ ಕಲ್ಪಿಸಿದ್ದು, ಗಂಟೆಗೆ 90 ಕಿ.ಮೀ. ಟಾಪ್​ ಸ್ಪೀಡ್​ ನೀಡುತ್ತದೆ. ಡೀಪ್​ ವ್ಯೂ ಡಿಸ್​ಪ್ಲೇ, ವಿನೂತನ ಸ್ವಿಚ್​ ಗೇರ್​, ಫಾಲ್​ ಸೇಫ್​, ಎಮರ್ಜೆನ್ಸಿ ಸ್ಟಾಪ್​ ಸಿಗ್ನಲ್​ (ಇಎಸ್​ಎಸ್​) ಹೊಂದಿದೆ. ಗ್ರಿಡ್​ ಫಾಸ್ಟ್​ ಚಾರ್ಜರ್​ ವೇಗವಾಗಿ ಚಾರ್ಜಿಂಗ್​ ಮಾಡಬಹುದಾಗಿದೆ. 450 ಎಕ್ಸ್​ಗೆ ಹೋಲಿಸಿದರೆ 450ಎಸ್​ ಅನ್ನು ಸಾಕಷ್ಟು ನವೀಕರಿಸಲಾಗಿದೆ.

ಹೊಸದಾಗಿ ಮಾರುಕಟ್ಟೆಗೆ ಬಂದಿರುವ ಏಥರ್​ 450ಎಸ್​ ಆಕರ್ಷಕ ವಿನ್ಯಾಸ ಹೊಂದಿದ್ದು, ಯುವಜನರಿಗೆ ಹೆಚ್ಚು ಇಷ್ಟವಾಗುತ್ತದೆ. ಇತರ ಸ್ಕೂಟರ್​ಗಳಿಗೆ ಹೋಲಿಸಿದರೆ ನೋಡಲು ಸಣ್ಣದಾಗಿ ಕಂಡರೂ, ಇಬ್ಬರು ಸವಾರರು ಆರಾಮವಾಗಿ ಪ್ರಯಾಣಿಸಬಹುದು.

ಏಥರ್​ 450ಎಸ್​ ಸ್ಕೂಟರ್​ 3.9 ಸೆಕೆಂಡ್​ನಲ್ಲಿ 0-40 ಕಿ.ಮೀ. ವೇಗ ಹೊಂದುತ್ತದೆ. ಪೂರ್ಣಪ್ರಮಾಣದಲ್ಲಿ ಒಂದು ಬಾರಿ ಚಾರ್ಜ್​ ಮಾಡಿದರೆ 115 ಕಿ.ಮೀ. ಪ್ರಯಾಣಿಸಬಹುದು. ಜತೆಗೆ ಇದೇ ಮೊದಲ ಬಾರಿಗೆ ಆಟೋ ಬೆಟ್​ನೆಸ್​ ಡಿಸ್​ಪ್ಲೇ ಪರಿಚಯಿಸಿದ್ದು, 450ಎಸ್​ ಮತ್ತು 450ಎಕ್ಸ್​ ಎರಡೂ ವಾಹನಗಳು ಹೊಸ ಸ್ವಿಚ್​ ಗೇರ್​ ಹೊಂದಿವೆ. ಅಲ್ಲದೆ ಒನ್​ ಕ್ಲಿಕ್​ ರಿವರ್ಸ್​ ಮತ್ತು ಜಾಯ್​ ಸ್ಟಿಕ್​ ಹೊಂದಿದ್ದು, ಸವಾರರಿಗೆ ಹೊಸ ಅನುಭವ ನೀಡುತ್ತದೆ.

ಫಾಲ್​ ಸೇಫ್​ ಸೌಲಭ್ಯ ನೀಡಲಾಗಿದ್ದು, ಸವಾರರು ಆಯತಪ್ಪಿ ಬೀಳುವ ಸಂದರ್ಭದಲ್ಲಿ ಸ್ಕೂಟರ್​ ವೇಗ ಮತ್ತು ಆ್ಯಕ್ಸಲರೇಷನ್​ ಬದಲಾವಣೆಗೆ ನೆರವಾಗುತ್ತದೆ. ತಕ್ಷಣ ಇಂಜಿನ್​ ಆ್​ ಮಾಡಿ ಸ್ಕಿಡ್​ ಆಗುವುದನ್ನು ತಪ್ಪಿಸಲಿದ್ದು, ಇಂಡಿಕೇಟರ್​ ಲೈಟ್​ಗಳು ಆನ್​ ಆಗುತ್ತವೆ ಎಂದು ಕಂಪನಿಯ ಅಧಿಕಾರಿಗಳು ತಿಳಿಸಿದ್ದಾರೆ.

ಎಮರ್ಜೆನ್ಸಿ ಸ್ಟಾಪ್​ ಸಿಗ್ನಲ್​ ಅಳವಡಿಕೆ

ಯೂರೋಪ್​ ಕಾನೂನಿನಂತೆ ಹೊಸ "ಎಮರ್ಜೆನ್ಸಿ ಸ್ಟಾಪ್​ ಸಿಗ್ನಲ್​' ಅಳವಡಿಸಲಾಗಿದೆ. ಭಾರತೀಯ ಮಾರುಕಟ್ಟೆಯಲ್ಲಿ ಇದನ್ನು ಮೊದಲ ಬಾರಿಗೆ ಪರಿಚಯಿಸಲಾಗಿದ್ದು, ಅಪಘಾತಗಳನ್ನು ತಪ್ಪಿಸಲು ಅನುಕೂಲ ಕಲ್ಪಿಸಲಿದೆ. ಸವಾರ ಗಂಟೆಗೆ 50 ಕಿ.ಮೀ.ಗಿಂತ ಹೆಚ್ಚಿನ ವೇಗದಲ್ಲಿ ಸಾಗುವಾಗ ಪ್ಯಾನಿಕ್​ ಬ್ರೇಕ್​ ಹಾಕಿದರೆ ಬ್ರೇಕ್​ ಲೈಟ್​ಗಳು ನಿರಂತರವಾಗಿ ಆನ್​ ಆಗುವ ಮೂಲಕ ಇತರ ಸವಾರರಿಗೆ ಕಾಣುವಂತೆ ಎಚ್ಚರಿಕೆ ನೀಡುವ ಸೌಲಭ್ಯ ಹೊಂದಿದೆ.

ಹೊಸ ಏಥರ್​ 450ಎಸ್​ ಸ್ಕೂಟರ್​ ಮೂಲಕ ಹೆಚ್ಚಿನ ಸಂಖ್ಯೆಯ ಗ್ರಾಹಕರನ್ನು ತಲುಪಲು ಸಾಧ್ಯವಾಗಿದೆ. 450ಎಸ್​ 125ಸಿಸಿ ಹೊಂದಿರುವ ವಾಹನವು ಹೊಸ ಮೈಲುಗಲ್ಲು ಸಾಧಿಸಿದ್ದು, ಡೀಪ್​ ವ್ಯೂ ಡಿಸ್​ಪ್ಲೇ ಡ್ಯಾಶ್​ ಬೋರ್ಡ್​ ಹೊಂದಿದೆ. ಜತೆಗೆ ಸವಾರರಿಗೆ ಆರಾಮದಾಯಕ ಪ್ರಯಾಣ ಮತ್ತು ಹೆಚ್ಚಿನ ಸುರಕ್ಷತೆ ನೀಡುತ್ತದೆ. ಏಥರ್​ ಎನರ್ಜಿ ದೇಶಾದ್ಯಂತ 1,400ಕ್ಕೂ ಹೆಚ್ಚು ಕಡೆಗಳಲ್ಲಿ ಸಾರ್ವಜನಿಕ ಚಾರ್ಜರ್​ಗಳನ್ನು ಅಳವಡಿಸಿದೆ.
> ತರುಣ್​ ಮೆಹ್ತಾ, ಏಥರ್​ ಎನರ್ಜಿ ಸಹ ಸಂಸ್ಥಾಪಕ ಮತ್ತು ಸಿಇಒ

https://www.vijayavani.net/odisha-man-turns-electric-auto-into-solar-powered-vehicle

https://www.vijayavani.net/big-reduction-in-electric-two-wheelers-here-is-the-reason