ಹೌದು, ಇದು ಇತಿಹಾಸ. ಆದರೆ ವರ್ತ ಮಾನಕ್ಕೆ ಕೊಡಬೇಕಾದ ಶಿಕ್ಷಣ ಸಂಸ್ಕಾರದ ಮಾದರಿ. ಆದರೆ ದುರ್ದೈವ ಇಂದಿನ ಸುಶಿಕ್ಷಿತ ಸಮಾಜದಲ್ಲಿ ಹೆಚ್ಚು ಓದಿದವ ಹೆಚ್ಚು ಮೋಸ, ವಂಚನೆ ಮಾಡುತ್ತಾನೆ ಎಂಬ ನಿಷ್ಕರ್ಶೆಗೆ ಬರುವ ಕಾಲಘಟ್ಟದಲ್ಲಿ ನಾವಿರುವಾಗ ಯಾವ ಶಾಲಾ, ಕಾಲೇಜು ಕಲಿಸಲು ಸಾಧ್ಯವಾಗದ ಆ ನೈತಿಕ ಮೇರುಮಟ್ಟದ ಶಿಕ್ಷಣವನ್ನು ಶಿವಾಜಿ ಆ ಕಾಡು ಜನರಿಗೆ ಕಲಿಸಿದ್ದರು ಎನ್ನುವುದು ಪ್ರಸ್ತುತ ಕಾಲಮಾನದ ಸೋಜಿಗವೇ. ‘ವಿದ್ಯೆಯಿಂದ ಉಚ್ಚ ವಿಚಾರಗಳು ರಕ್ತಗತವಾಗಿ ಸ್ಪೂರ್ತಿ ಹೊಂದುವಂತಾಗಬೇಕು, ಪೌರುಷ ಉಕ್ಕುವಂತಾಗಬೇಕು, ಶೀಲ ಮೈದಾಳುವಂತಾಗಬೇಕು’ ಎನ್ನುವುದು ಶಿಕ್ಷಣ ದಿಂದ ನಾವು ಕಲಿಯಬೇಕಾದ ಮೌಲ್ಯ ಎಂಬುದನ್ನು ಸ್ವಾಮಿ ವಿವೇಕಾನಂದರು ಗುರುತಿಸಿ ದ್ದಾರೆ. ಇಂಥ ಸಂಸ್ಕಾರ ನೀಡುವ ಜವಾಬ್ದಾರಿ ಇಂದಿನ ಶಿಕ್ಷಣ ವ್ಯವಸ್ಥೆಯ ಮೇಲಿದೆ.
