ನಿಮ್ಮ ಮೇಕಪ್ ಹೀಗಿರಲಿ...
ಫೋಟೋಶೂಟ್ಗೆ ಡ್ರೆಸ್ ಎಷ್ಟು ಮುಖ್ಯವೋ, ಅದೇ ರೀತಿ ಹೇರ್ಸ್ಟೈಲ್ ಮತ್ತು ಮೇಕಪ್ ಕೂಡ ನಿಮ್ಮ ಲುಕ್ ಅನ್ನು ಮತ್ತಷ್ಟು ಸುಂದರವಾಗಿಸುತ್ತದೆ. ಹಾಗಾಗಿ ಮನಸ್ಸಿಗೆ ಬಂದಂತೆ ಹೆವಿ ಮೇಕಪ್ ಅಥವಾ ಯಾವುದೇ ಹೇರ್ಸ್ಟೈಲ್ ಮಾಡಿಕೊಳ್ಳುವ ಬದಲು, ನಿಮ್ಮ ಮುಖದ ಆಕಾರ ಮತ್ತು ವೈಶಿಷ್ಟ್ಯಗಳಿಗೆ ಹೊಂದುವ ನ್ಯಾಚುರಲ್ ಮೇಕಪ್ಗೆ ಆದ್ಯತೆ ನೀಡಿ. ಫೋಟೋಶೂಟ್ನ ಥೀಮ್ ಮತ್ತು ಡ್ರೆಸ್ಗೆ ತಕ್ಕಂತಹ ಸರಳ ಹೇರ್ಸ್ಟೈಲ್ ಆಯ್ಕೆ ಮಾಡಿಕೊಳ್ಳಿ. ಅದರಲ್ಲೂ ಫ್ರೀ ಹೇರ್ ಬಿಟ್ಟು ಫೋಟೋಶೂಟ್ ಮಾಡಿದರೆ ನಿಮ್ಮ ಲುಕ್ಗೆ ನ್ಯಾಚುರಲ್ ಮತ್ತು ಎಲಿಗಂಟ್ ಟಚ್ ಸಿಗುತ್ತದೆ.
ಬೇರೆ ಬೇರೆ ಪೋಸ್ಗಳಿರಲಿ
ಒಂದೇ ರೀತಿಯ ಪೋಸ್ಗಳಲ್ಲಿ ಫೋಟೋ ತೆಗೆಸಿಕೊಳ್ಳುವುದಕ್ಕಿಂತ ವಿಭಿನ್ನ ಪೋಸ್ಗಳಲ್ಲಿ ಫೋಟೋಶೂಟ್ ಮಾಡಿಸಿ. ಸೈಡ್ ಪೋಸ್, ವಾಕಿಂಗ್ ಪೋಸ್, ಕ್ಯಾಮೆರಾದಿಂದ ಸ್ವಲ್ಪ ದೂರ ನೋಡುತ್ತಿರುವ ಪೋಸ್, ಕುಳಿತುಕೊಂಡಿರುವ ಪೋಸ್ ಹಾಗೂ ನ್ಯಾಚುರಲ್ ಕ್ಯಾಂಡಿಡ್ ಕ್ಷಣಗಳನ್ನು ಸೆರೆಹಿಡಿಯಿರಿ. ಕೆಲವೊಮ್ಮೆ ಕ್ಯಾಮೆರಾವನ್ನು ನೇರವಾಗಿ ನೋಡದೆ, ಸಹಜವಾಗಿ ನಗುತ್ತಾ ಅಥವಾ ನಿಮ್ಮದೇ ಲೋಕದಲ್ಲಿ ಇರುವಂತೆ ಪೋಸ್ ನೀಡಿದರೆ ಫೋಟೋಗಳು ಇನ್ನಷ್ಟು ನ್ಯಾಚುರಲ್ ಮತ್ತು ಆಕರ್ಷಕವಾಗಿ ಮೂಡಿಬರುತ್ತವೆ.
ಲೊಕೇಶನ್ ಆಯ್ಕೆ ಉತ್ತಮವಾಗಿರಲಿ
ಫೋಟೋಶೂಟ್ನ ಲೊಕೇಶನ್ ಫೋಟೋದ ಒಟ್ಟಾರೆ ಲುಕ್ ಅನ್ನು ಬದಲಾಯಿಸಬಲ್ಲದು. ಪ್ರಕೃತಿ ಇಷ್ಟವಿದ್ದರೆ ಹಸಿರು ಗಿಡಮರಗಳು, ಉದ್ಯಾನವನ ಅಥವಾ ತೆರೆದ ಪ್ರದೇಶವನ್ನು ಆಯ್ಕೆ ಮಾಡಬಹುದು. ಸಾಂಪ್ರದಾಯಿಕ ಲುಕ್ಗೆ ಹಳೆಯ ಕಟ್ಟಡಗಳು, ದೇವಾಲಯದ ಸುತ್ತಮುತ್ತಲಿನ ವಾಸ್ತುಶಿಲ್ಪ ಸ್ಥಳಗಳು ಉತ್ತಮವಾಗಿವೆ. ಮಾಡರ್ನ್ ಲುಕ್ ಬೇಕಿದ್ದರೆ ಕೆಫೆ, ನಗರದ ರಸ್ತೆಗಳು, ನೂತನ ಕಟ್ಟಡಗಳು ಇರುವ ಜಾಗಗಳನ್ನು ಆಯ್ಕೆ ಮಾಡಬಹುದು.
ಫೋಟೋಶೂಟ್ಗೆ ಸಮಯ ನಿಗದಿಪಡಿಸಿ
ಫೋಟೋ ಚೆನ್ನಾಗಿ ಬರಲು ಲೈಟಿಂಗ್ ಬಹಳ ಮುಖ್ಯ. ಬೆಳಗ್ಗೆ ಅಥವಾ ಸಂಜೆ ಸೂರ್ಯನ ಬೆಳಕು ಮೃದುವಾಗಿರುವ ಸಮಯದಲ್ಲಿ ಫೋಟೋ ತೆಗೆದರೆ ಮುಖದ ಮೇಲೆ ಹೆಚ್ಚು ಕಠಿಣವಾದ ನೆರಳು ಬೀಳುವುದಿಲ್ಲ. ವಿಶೇಷವಾಗಿ ಸಂಜೆ ಸಮಯದಲ್ಲಿ ತೆಗೆದ ಫೋಟೋಗಳು ಸುಂದರವಾದ ವಾರ್ಮ ಲುಕ್ ನೀಡಬಹುದು. ಮಧ್ಯಾಹ್ನದ ತೀವ್ರ ಬಿಸಿಲಿನಲ್ಲಿ ಫೋಟೋಶೂಟ್ ತಪ್ಪಿಸಿ.
