ವಿಜಯವಾಣಿ-ದಿಗ್ವಿಜಯ ಎಂದರೆ ನನಗೆ ಮನೆ ಥರ ಎಂದ ಹರ್ಷಿಕಾ, ವಿಜಯಾನಂದ ಚಿತ್ರದ ಕುರಿತು ತಮ್ಮ ಅನಿಸಿಕೆಗಳನ್ನು ವ್ಯಕ್ತಪಡಿಸಿದರು. ಒಂದು ಚಿತ್ರವನ್ನು ಹಿಟ್ ಮಾಡಲು ಏನೇನೋ ಕಲ್ಪನೆಗಳನ್ನು ತುರುಕುವ ಪ್ರಯತ್ನ ಮಾಡಲಾಗುತ್ತದೆ. ಆದರೆ ವಿಜಯಾನಂದದಲ್ಲಿ ಆ ರೀತಿಯ ಕಲ್ಪನೆಗಳಿಲ್ಲ ಎಂದ ಹರ್ಷಿಕಾ, ಇದು ಕನ್ನಡದ ಮೊದಲ ಬಯೋಪಿಕ್. ಕನ್ನಡದಲ್ಲಿ ಮೊದಲನೆ ಬಯೋಪಿಕ್ ಬರುತ್ತಿರುವುದು ಖುಷಿಯ ವಿಚಾರ. 'ಕೆಜಿಎಫ್', 'ಕಾಂತಾರ' ಸಿನಿಮಾ ಪ್ಯಾನ್ ಇಂಡಿಯಾ ಸೌಂಡ್ ಮಾಡಿವೆ. 'ವಿಜಯಾನಂದ' ಕೂಡ ಹಾಗೇ ಸದ್ದು ಮಾಡಬೇಕು ಎಂದು ಹಾರೈಸಿದರು. ಈಗ ದಕ್ಷಿಣ ಭಾರತೀಯ ಚಿತ್ರರಂಗ ಎಂದರೆ ಕನ್ನಡ ಚಿತ್ರರಂಗ ಎಂಬಂತಾಗಿದೆ, ಅಷ್ಟರಮಟ್ಟಿಗೆ ಕನ್ನಡ ಚಿತ್ರರಂಗ ಬೆಳೆದಿದೆ ಎಂದು ಅವರು ತಮ್ಮ ಅಭಿಪ್ರಾಯ ಹಂಚಿಕೊಂಡರು.
