ಮಾಲಿವುಡ್​ನ ಹಾಸ್ಯ ನಟ ಪೂಜಾಪ್ಪುರ ರವಿ ಇನ್ನಿಲ್ಲ

ತಿರುವನಂತಪುರಂ: ಮಾಲಿವುಡ್​ನ ಹಿರಿಯ ನಟ ಪೂಜಾಪ್ಪುರ ರವಿ(ರವೀಂದ್ರನ್​ ನಾಯರ್​) ಭಾನುವಾರ ನಿಧನರಾಗಿದ್ದಾರೆ. ಅವರಿಗೆ 86 ವರ್ಷ ವಯಸ್ಸಾಗಿತ್ತು. ವಯೋಸಹಜ ಖಾಯಿಲೆಯಿಂದ ಬಳಲುತ್ತಿದ್ದ ಅವರು ಇಡುಕ್ಕಿ ಜಿಲ್ಲೆಯ ಮರಾಯೂರಿನಲ್ಲಿರುವ ಅವರ ಸ್ವಗೃಹದಲ್ಲಿ ಇಹಲೋಕ ತ್ಯಜಿಸಿದ್ದಾರೆ.

ಎನ್​.ಕೆ. ಆಚಾರಿ ಅವರ ಕಲಾನಿಲಯಂ ಎಂಬ ರಂಗಭೂಮಿ ತಂಡದಿಂದ ಗುರುತಿಸಿಕೊಂಡಿದ್ದ ರವೀಂದ್ರನ್​, 1976ರಲ್ಲಿ ಅಮ್ಮಿಣಿ ಅಮ್ಮಾವನ್​ ಚಿತ್ರದ ಮೂಲಕ ಮಾಲಿವುಡ್​ಗೆ ಪಾದಾರ್ಪಣೆ ಮಾಡಿದ್ದರು. 800ಕ್ಕೂ ಅಧಿಕ ಚಿತ್ರಗಳಲ್ಲಿ ನಟಿಸಿರುವ ಅವರು ಹೆಚ್ಚಾಗಿ ಹಾಸ್ಯ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ಧಾರೆ.

ಇದನ್ನೂ ಓದಿ: ಕರಗಿದ ರೈಲ್ವೆ ಹಳಿಗಳು; ಲೋಕೋ ಪೈಲಟ್​ ಸಮಯಪ್ರಜ್ಞೆಯಿಂದ ತಪ್ಪಿತು ಭಾರೀ ಅವಘಡ

2016ರಲ್ಲಿ ಬಿಡುಗಡೆಯಾದ ಗುಪ್ಪಿ ಚಿತ್ರದಲ್ಲಿ ಅವರು ಕೊನೆಯದಾಗಿ ನಟಿಸಿದ್ದರು. ಮಲಯಾಳಂ ಸಿನಿ ಇಂಡಸ್ಟ್ರಿಯ ಬಹುತೇಕ ಕಲಾವಿದರ ಜೊತೆ ನಟಿಸಿದ್ದು, ಅವರ ನಿಧನಕ್ಕೆ ಮಾಲಿವುಡ್​ನ ನಟ-ನಟಿಯರು, ರಾಜಕೀಯ ಸೇರಿದಂತೆ ಅನೇಕ ಕ್ಷೇತ್ರದ ಗಣ್ಯರು ಕಂಬನಿ ಮಿಡಿದಿದ್ದಾರೆ.

https://www.vijayavani.net/those-who-say-they-understand-ramayana-completely-are-fools

https://www.vijayavani.net/dinesh-gundurao-slams-bjp-over-price-hike