ಗುರುತು ಹಿಡಿಯಲಾರದಷ್ಟು ಬದಲಾದ್ರು ಸೌತ್​ ಬ್ಯೂಟಿ! ಏನಾಯಿತು ನಟಿ ಲಕ್ಷ್ಮೀ ಮೆನನ್​ಗೆ?

ಚೆನ್ನೈ: ಕಾಲಿವುಡ್​ ಬ್ಯೂಟಿ ಲಕ್ಷ್ಮೀ ಮೆನನ್​ ಎಸ್​.ಆರ್​. ಪ್ರಭಾಕರನ್​ ನಿರ್ದೇಶನದ ಹಾಗೂ ನಟ ಎಂ. ಶಶಿಕುಮಾರ್​ ನಟನೆಯ ಸೂಪರ್​ ಹಿಟ್ ಸುಂದರಪಾಂಡಿಯನ್​ ಸಿನಿಮಾ ಮೂಲಕ ತಮಿಳು ಚಿತ್ರರಂಗಕ್ಕೆ ಕಾಲಿಟ್ಟರು. ಆ ಬಳಿಕ ಕುಮ್ಕಿ, ಜಿಗರ್​ಥಂಡ, ಕೊಂಬನ್​, ಹಾಗೂ ಅಜಿತ್​ ಅಭಿನಯದ ವೇದಾಳಂ ಸಿನಿಮಾ ಸೇರಿದಂತೆ ಅನೇಕ ಬ್ಲಾಕ್​ಬಸ್ಟರ್​ ಸಿನಿಮಾಗಳಲ್ಲಿ ನಟಿಸುವ ಮೂಲಕ ಲಕ್ಷ್ಮೀ ಮೆನನ್​ ತಮ್ಮ ಖ್ಯಾತಿಯನ್ನು ಹೆಚ್ಚಿಸಿಕೊಂಡರು.

ಸಾಕಷ್ಟು ಸಿನಿಮಾಗಳಲ್ಲಿ ಬಿಜಿಯಾಗಿದ್ದ ಲಕ್ಷ್ಮೀ ಮೆನನ್​, ಕಳೆದ ಎರಡು ವರ್ಷಗಳ ಕಾಲ ಸಿನಿಮಾಗಳಿಂದ ಅಂತರ ಕಾಯ್ದುಕೊಂಡರು. ಕೊನೆಯದಾಗಿ ಅವರು ರಾಘವ ಲಾರೆನ್ಸ್​ ನಟನೆಯ ಚಂದ್ರಮುಖಿ-2 ಸಿನಿಮಾದಲ್ಲಿ ನಟಿಸಿದರು. ಪ್ರಸ್ತುತ ಯೋಗಿ ಬಾಬು ಜತೆ ಮಲೈ ಮತ್ತು ನಟ ಆದಿ ಜತೆ ಸಪ್ತಂ ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಇತ್ತೀಚೆಗಷ್ಟೇ ಸಪ್ತಂ ಚಿತ್ರದ ಟೀಸರ್ ಬಿಡುಗಡೆಯಾಗಿದ್ದು, ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

ಹೀಗಿರುವಾಗ ಲಕ್ಷ್ಮೀ ಮೆನನ್​ ಅವರ ಇತ್ತೀಚಿನ ಡ್ಯಾನ್ಸಿಂಗ್ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದೆ. ವಿಡಿಯೋ ನೋಡಿದ ಅಭಿಮಾನಿಗಳು ಶಾಕ್​ ಆಗಿದ್ದಾರೆ. ಏಕೆಂದರೆ, ತೆಳ್ಳಗೆ, ಬಳಕುವ ಬಳ್ಳಿಯಂತೆ ಇದ್ದ ಲಕ್ಷ್ಮೀ ಮೆನನ್​ ಇದೀಗ ಹೂಕೋಸು ರೀತಿಯಾಗಿದ್ದಾರೆ. ಅಂದರೆ, ದಪ್ಪವಾಗಿದ್ದಾರೆ.

ಲಕ್ಷ್ಮೀ ಮೆನನ್​ ಕೊಂಚ ತೂಕ ಹೆಚ್ಚಿಸಿಕೊಂಡಿದ್ದಾರೆ. ಹೀಗಾಗಿ ತಕ್ಷಣಕ್ಕೆ ಅವರನ್ನು ಪತ್ತೆಹಚ್ಚಲು ಆಗುವುದಿಲ್ಲ. ನಮ್ಮ ಸುಂದರಪಾಂಡಿಯನ್​ ಸಿನಿಮಾದಲ್ಲಿ ನಟಿಸಿದ ಲಕ್ಷ್ಮಿ ಮೆನನ್ ಇವರೇನಾ? ಎಂದು ಅಭಿಮಾನಿಗಳು ಆಶ್ಚರ್ಯ ವ್ಯಕ್ತಪಡಿಸುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/aishwarya-rajinikanths-2nd-marriage-do-you-know-who-the-groom-is

https://www.vijayavani.net/ramayana-yashs-adventure-for-ramayana-this-is-a-risk-that-even-prabhas-and-tarak-didnt-take