ಏರ್​ಗನ್​ನಿಂದ ನಾಯಿಗಳ ಮೇಲೆ ದಾಳಿ ನಡೆಸಿದ ಮಹಿಳೆ: ಪ್ರಕರಣ ದಾಖಲಿಸಿದ್ರು ಪೊಲೀಸರು

ಬೆಂಗಳೂರು: ಬೀದಿ ನಾಯಿಗಳು ಮನೆ ಮುಂದೆ ಬೊಗಳುತ್ತವೆ ಎಂದು ಮಹಿಳೆ ನಾಯಿಗಳ ಮೇಲೆ ಏರ್​ಗನ್​ನಿಂದ ದಾಳಿ ನಡೆಸಿದ್ದು, ಕೊಡಿಗೇಹಳ್ಳಿ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.ಸಹಕಾರ ನಗರದ ನಿವಾಸಿ ಫಸನಾ ಅಲಿ ಎಂಬುವರು ದೂರು ನೀಡಿದ್ದಾರೆ.ಈ ಆಧಾರದ ಮೇಲೆ ಸಹಕಾರನಗರ ಶಾಂತಿವನ ಬಡಾವಣೆ ನಿವಾಸಿ ವೈಷ್ಣವಿ ಎಂಬುವರ ವಿರುದ್ಧ ಎಫ್​ಐಆರ್ ದಾಖಲಾಗಿದೆ.

ಫಸನಾ ಅಲಿ ಮಾ. 24ರಂದು ಮಧ್ಯಾಹ್ನ ಶಾಂತಿವನ ಬಡಾವಣೆಯಲ್ಲಿ ಬೀದಿನಾಯಿಗಳಿಗೆ ಆಹಾರ ಹಾಕಿದ್ದಾಗ ಅಲ್ಲಿನ ನಿವಾಸಿಗಳು ಅವರ ಜತೆ ಜಗಳವಾಡಿದ್ದರು. ನಾಯಿಗಳು ಇಲ್ಲೇ ಸುತ್ತಾಡುತ್ತಾ ಸ್ಥಳೀಯರ ಮೇಲೆ ದಾಳಿ ಮಾಡುತ್ತವೆ. ಮಕ್ಕಳು ಮನೆಯಿಂದ ಹೊರಬರಲು ಆತಂಕಪಡುತ್ತಾರೆ ಎಂದು ಬೆದರಿಸಿದ್ದರು. ಈ ಬಗ್ಗೆ ಬಿಬಿಎಂಪಿಗೆ ದೂರು ನೀಡಿ ಎಂದು ಫಸನಾ ಪ್ರತಿಕ್ರಿಯಿಸಿದ್ದರು.

ಇದರಿಂದ ಆಕ್ರೋಶಗೊಂಡ ವೈಷ್ಣವಿ, ಮನೆಯಲ್ಲಿದ್ದ ಏರ್​ಗನ್ ತಂದು ನಾಯಿಗಳ ಮೇಲೆ ದಾಳಿ ನಡೆಸಿದ್ದಾರೆ. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಸ್ಥಳೀಯರಿಂದ ಈ ಬಗ್ಗೆ ಮಾಹಿತಿ ಪಡೆದುಕೊಂಡಿದ್ದಾರೆ.

https://www.vijayavani.net/he-was-just-lion-there-bold-tortoise-climbs-over-king-of-the-jungle-that-was-in-its-way/