ಬೆಂಗಳೂರು: ಕಳೆದ ತಿಂಗಳು ಶುರುವಾದ ‘ಕಾಲಾಯ ನಮಃ’ ಚಿತ್ರದ ಸಂದರ್ಭದಲ್ಲಿ ಕೋಮಲ್ ಒಂದು ಮಾತು ಹೇಳಿದ್ದರು. ಮೂರ್ನಾಲ್ಕು ಚಿತ್ರಗಳನ್ನು ಹೊಸದಾಗಿ ಒಪ್ಪಿದ್ದು, ಒಂದರ ಹಿಂದೊಂದು ಪ್ರಾರಂಭವಗುತ್ತದೆ ಎಂದು ಅವರು ಹೇಳಿದ್ದರು. ಅದರಂತೆ ಕೋಮಲ್ ಅಭಿನಯದಲ್ಲಿ ಇನ್ನೊಂದು ಹೊಸ ಚಿತ್ರ ಘೋಷಣೆಯಾಗಿದೆ. ಅದೇ ‘ರೋಲೆಕ್ಸ್’.
ಇದನ್ನೂ ಓದಿ: ಕನಸುಗಳ ಬೆನ್ನತ್ತಿದ ಛಲಗಾರನ ಸಾಹಸಗಾಥೆ ‘ವಿಜಯಾನಂದ’
‘ರೋಲೆಕ್ಸ್’ ಎಂಬ ಹೆಸರು ಕೇಳುತ್ತಿದ್ದಂತೆಯೇ ಮೊದಲು ನೆನಪಿಗೆ ಬರುವುದು ‘ವಿಕ್ರಮ್’ ಚಿತ್ರದಲ್ಲಿನ ಸೂರ್ಯ ಅವರ ರೋಲೆಕ್ಸ್ ಪಾತ್ರ. ಆ ಪಾತ್ರಕ್ಕೂ, ಈ ಚಿತ್ರಕ್ಕೂ ಯಾವುದೇ ಸಂಬಂಧವಿಲ್ಲದಿದ್ದರೂ, ಚಿತ್ರಕ್ಕೆ ‘ರೋಲೆಕ್ಸ್’ ಎಂಬ ಹೆಸರನ್ನು ಇಡಲಾಗಿದೆ. ಈ ಹೆಸರಿನ ಮಹತ್ವವೇನು? ಕೋಮಲ್ ಈ ಚಿತ್ರದಲ್ಲಿ ಏನಾಗಿರುತ್ತಾರೆ? ಅವರ ಪಾತ್ರವೇನು? ಮುಂತಾದ ಎಲ್ಲಾ ಪ್ರಶ್ನೆಗಳಿಗೂ ಇನ್ನಷ್ಟೇ ಉತ್ತರ ಸಿಗಬೇಕಿದೆ.
ಇದಕ್ಕೂ ಮುನ್ನ ‘ಬಿಲ್ ಗೇಟ್ಸ್’ ಚಿತ್ರವನ್ನು ನಿರ್ದೇಶಿಸಿದ್ದ ಶ್ರೀನಿವಾಸ್ ಮಂಡ್ಯ, ಈ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಫೀನಿಕ್ಸ್ ಎಂಟರ್ಟೈನ್ಮೆಂಟ್ಸ್ ಸಂಸ್ಥೆಯಡಿ ಅನಿಲ್ ಕುಮಾರ್ ನಿರ್ಮಾಣ ಮಾಡುತ್ತಿದ್ದಾರೆ. ದೊಡ್ಡ ತಾರಾಗಣ ಇರುವ ಈ ಚಿತ್ರಕ್ಕೆ ರಾಕೇಶ್ ಸಿ ತಿಲಕ್ ಛಾಯಾಗ್ರಹಣ ಮತ್ತು ಜೆಸ್ಸಿ ಗಿಫ್ಟ್ ಸಂಗೀತವಿದೆ.
ಇದನ್ನೂ ಓದಿ: ಕಾಣಿಯೂರು ಮಠದಲ್ಲಿ ಕೃಷ್ಣಾನುಗ್ರಹ ಪಡೆದ ವಸಿಷ್ಠ ಸಿಂಹ-ಹರಿಪ್ರಿಯಾ
ಜನವರಿ ತಿಂಗಳಲ್ಲಿ ಈ ಚಿತ್ರ ಸೆಟ್ಟೇರಲಿದ್ದು, ಚಿತ್ರದ ಕುರಿತು ಮತ್ತಷ್ಟು ಮಾಹಿತಿ ಇನ್ನಷ್ಟೇ ಹೊರಬೀಳಬೇಕಿದೆ.