ಪ್ರೀತಿ ಮತ್ತು ಕ್ರೂರತೆ ಸಹಬಾಳ್ವೆ ನಡೆಸಬಹುದೇ?; ಶ್ರೀನಿಧಿಗೆ ಪ್ರಶಾಂತ್​ ನೀಲ್ ಹೀಗೆ ಹೇಳಿದ್ದೇಕೆ?

ಬೆಂಗಳೂರು: ಈಗಾಗಲೇ ಬಹುತೇಕ ಶೂಟಿಂಗ್​ ಮುಗಿಸಿಕೊಂಡಿರುವ ಕೆಜಿಎಫ್​ ಸಿನಿಮಾ ತಂಡ, ನಾಯಕಿಯ ಜನ್ಮದಿನಕ್ಕೆ ಶುಭಾಶಯ ಕೋರಿದೆ. ಈ ವರೆಗೆ ಕಾಣಿಸಿಕೊಳ್ಳದ ಹೊರ ಫೋಟೋವೊಂದನ್ನು ಶೇರ್​ ಮಾಡಿಕೊಂಡು, ಬರ್ತ್​ಡೇಗೆ ವಿಶ್​ ಮಾಡಿದೆ ಚಿತ್ರತಂಡ.

ಇದನ್ನೂ ಓದಿ: ಎನ್​ಸಿಬಿ ವಿರುದ್ಧವೇ ಕೇಸ್​ ದಾಖಲಿಸಿದ ಸುಶಾಂತ್​ ಆಪ್ತ!

ಪ್ರೀತಿ ಮತ್ತು ಕ್ರೂರತೆ ಸಹಬಾಳ್ವೆ ನಡೆಸಬಹುದೇ? ಎಂಬ ಅರ್ಥದಲ್ಲಿ ಕ್ಯಾಪ್ಶನ್​ ನೀಡಿರುವ ನಿರ್ದೇಶಕ ಪ್ರಶಾಂತ್​ ನೀಲ್​, ಚಿತ್ರದ ನಮ್ಮ ನಾಯಕ ನಟಿಗೆ ಜನ್ಮದಿನದ ಶುಭಾಶಯಗಳು ಎಂದಿದ್ದಾರೆ.

ಇತ್ತೀಚೆಗಷ್ಟೇ ಉಡುಪಿ ಸುತ್ತಮುತ್ತ ಒಂದಷ್ಟು ಭಾಗದ ಶೂಟಿಂಗ್​ ಮುಗಿಸಿಕೊಂಡಿದ್ದ ಚಿತ್ರತಂಡ, ಸದ್ಯ ಹೈದರಾಬಾದ್​ನಲ್ಲಿ ಬೀಡು ಬಿಟ್ಟಿದೆ. ಇದಾದ ಬಳಿಕ ಮುಂಬೈನಲ್ಲಿ ಚಿತ್ರದ ಶೂಟಿಂಗ್​ ಮಾಡಿಕೊಳ್ಳಲಿದೆ.

ಇದನ್ನೂ ಓದಿ: ಇದೊಂದು ಪಾತ್ರವನ್ನು ತಾರಾ ಮಾಡಿರಲಿಲ್ಲವಂತೆ … ಯಾವುದು ಆ ಪಾತ್ರ?

ನಟ ಯಶ್​ಗೆ ಜೋಡಿಯಾಗಿರುವ ಶ್ರೀನಿಧಿ, ಮೊದಲ ಚಾಪ್ಟರ್​ಗಿಂತ ವಿಭಿನ್ನವಾಗಿ ಕಾಣಿಸಿಕೊಂಡಿದ್ದಾರೆ. ಚಾಪ್ಟರ್​ 2ರ ಲುಕ್​ನಲ್ಲಿ ಸೀರೆಯಲ್ಲಿ ಶ್ರೀನಿಧಿ ಎದುರಾಗಿದ್ದು, ಕುತೂಹಲ ಮೂಡಿಸಿದೆ.

https://www.vijayavani.net/prithviraj-tests-corona-positive/