ಎನ್​ಸಿಬಿ ವಿರುದ್ಧವೇ ಕೇಸ್​ ದಾಖಲಿಸಿದ ಸುಶಾಂತ್​ ಆಪ್ತ!

ಮುಂಬೈ: ಸುಶಾಂತ್​ ಸಿಂಗ್​ ರಜಪೂತ್​ಗೆ ಡ್ರಗ್ಸ್​ ಸಪ್ಲೈ ಮಾಡುತ್ತಿದ್ದ ಆರೋಪ ಎದುರಿಸಿರುವ ಅವರ ಆಪ್ತ ದೀಪೇಶ್​ ಸಾವಂತ್​, ಇದೀಗ ನಾರ್ಕೋಟಿಕ್ಸ್​ ಕಂಟ್ರೋಲ್​ ಬ್ಯೂರೋ (ಎನ್​ಸಿಬಿ) ವಿರುದ್ಧ ಕೇಸರು ದಾಖಲಸಿದಿದ್ದಾರೆ. ಅಷ್ಟೇ ಅಲ್ಲ, ತಮಗೆ 10 ಲಕ್ಷ ಪರಿಹಾರ ಕಟ್ಟಿಕೊಡಬೇಕು ಎಂದು ಅವರು ಹೇಳಿದ್ದಾರೆ.

ಇದನ್ನೂ ಓದಿ: ‘ನಮ್ಮಲ್ಲಿ ಕೂರ್ಗ್ ದಸರಾದ್ದೇ ದರ್ಬಾರು…’

ಎನ್​ಸಿಬಿ ವಿರುದ್ಧವೇ ದೀಪೇಶ್​ ದಾವೆ ಹೂಡಲು ಕಾರಣವೇನು ಎಂಬ ಪ್ರಶ್ನೆ ಸಹಜ. ತಮ್ಮನ್ನು ಎನ್​ಸಿಬಿ ಅವರು ಅನಗತ್ಯವಾಗಿ ಬಂಧನದಲ್ಲಿಟ್ಟುಕೊಂಡಿದ್ದಾರೆ ಎಂದು ದೀಪೇಶ್​ ವಾದ.

ಸುಶಾಂತ್ ಸಿಂಗ್​ ಜೂನ್​ 14ರಂದು ಮುಂಬೈನ ತಮ್ಮ ನಿವಾಸದಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದರು. ಅವರ ಅಸಹಜ ಸಾವಿನ ಕುರಿತಾಗಿ ಮೂರು ರಾಷ್ಟ್ರೀಯ ತನಿಖಾ ಸಂಸ್ಥೆಗಳು ತನಿಖೆ ನಡೆಸುತ್ತಿದ್ದು, ಈ ಪೈಕಿ ಎನ್​ಸಿಬಿ ಸಹ ಒಂದು. ಡ್ರಗ್ಸ್​ ವಿಚಾರದಲ್ಲಿ ತನಿಖೆ ನಡೆಸುತ್ತಿರುವ ಎನ್​ಸಿಬಿ ಅಧಿಕಾರಿಗಳು, ಸುಶಾಂತ್​ಗೆ ದೀಪೇಶ್​ ಡ್ರಗ್ಸ್​ ಪೂರೈಸುತ್ತಿದ್ದರು ಎಂಬ ಕಾರಣಕ್ಕೆ ಬಂಧಿಸಿದ್ದರು. ಈಗ ಇದೇ ವಿಷಯವಾಗಿ ದೀಪೇಶ್​ ಕೋರ್ಟ್​ ಮೆಟ್ಟಿಲೇರಿದ್ದಾರೆ.

ಸಾಮಾನ್ಯವಾಗಿ ಯಾರನ್ನೇ ಬಂಧಿಸಿದರೂ, 24 ಗಂಟೆಗಳಲ್ಲಿ ಮ್ಯಾಜಿಸ್ಟ್ರೇಟರ ಎದುರು ಹಾಜರುಪಡಿಸಬೇಕು. ಆದರೆ, ದೀಪೇಶ್​ ಅವರನ್ನು ಬಂಧಿಸಿ 36 ತಾಸುಗಳ ನಂತರ ಹಾಜರುಪಡಿಸಲಾಯಿತಂತೆ. ಇದು ಉಲ್ಲಂಘನೆ ಎಂದಿರುವ ದೀಪೇಶ್, ತಮ್ಮನ್ನು ತಪ್ಪಾಗಿ ಬಂಧಿಸಿದ್ದಿಕ್ಕೆ ಮತ್ತು ಈ ವಿಷಯದಲ್ಲಿ ಶಿಷ್ಟಾಚಾರ ಪಾಲಿಸದಿದ್ದಿಕ್ಕೆ ಕೋರ್ಟ್​ ಮೆಟ್ಟಿಲೇರಿರುವ ದೀಪೇಶ್​, ತಮಗೆ 10 ಲಕ್ಷ ಪರಿಹಾರ ಕೊಡಬೇಕು ಎಂದು ಕೇಳಿದ್ದಾರೆ.

ಇದನ್ನೂ ಓದಿ: ಸಲಗ’ ಆಯ್ತು ಈಗ ಪ್ರೇಮಕಥೆ ನಿರ್ದೇಶನಕ್ಕೆ ಸಜ್ಜಾಗ್ತಿದ್ದಾರೆ ‘ದುನಿಯಾ’ ವಿಜಯ್

ಸದ್ಯಕ್ಕೆ ಈ ದಾವೆಯ ಬಗ್ಗೆ ಎರಡು ವಿಚಾರಣೆಗಳು ನಡೆದಿದ್ದು, ಎನ್​ಸಿಬಿ ಅಧಿಕಾರಿಗಳು ಉತ್ತರಿಸಲು ಇನ್ನಷ್ಟು ಕಾಲಾವಕಾಶ ಕೇಳಿದ್ದಾರೆ.

https://www.vijayavani.net/tara-joins-the-team-of-ratnan-prapancha/