ಬ್ಲಾಕ್ ನಲ್ಲಿ ‘ಕೆಜಿಎಫ್ 2′ ಟಿಕೆಟ್! ಬೆಲೆ ಕೇಳಿದರೆ ಶಾಕ್ ಆಗುತ್ತೀರಿ...

ಬೆಂಗಳೂರು: ದೇಶದ ಮೂಲೆ ಮೂಲೆಯಲ್ಲೂ ‘ಕೆಜಿಎಫ್ 2′ ಕ್ರೇಜ್ ಇದ್ದರೂ, ಸಿನಿಮಾದ ನಟ ರಾಕಿಂಗ್ ಸ್ಟಾರ್ ಯಶ್ ಹಾಗೂ ಚಿತ್ರತಂಡ ಮಾತ್ರ ತಮ್ಮ ಸಿನಿಮಾದ ಪ್ರಚಾರವನ್ನು ನಿಲ್ಲಿಸದೆ ಮಾಡುತ್ತಿದ್ದಾರೆ. ಇನ್ನು, ವಿದೇಶಗಳಲ್ಲೂ ಈ ಸಿನಿಮಾದ ಕ್ರೇಜ್ ತುಂಬಾನೆ ಇದೆ. ಅದರಲ್ಲಿಯೂ, ಏಪ್ರಿಲ್ 3 ರಿಂದ ಈ ಸಿನಿಮಾದ ಟಿಕೆಟ್ ಬುಕ್ಕಿಂಗ್ ಆರಂಭವಾಗಿದ್ದು, ಈ ಸಿನಿಮಾದ ಮೇಲೆ ಅಭಿಮಾನಿಗಳಿಗೆ, ಸಿನಿಪ್ರಿಯರಿಗೆ ಇರುವ ಕ್ರೇಜ್ ಎಷ್ಟು ಎಂಬುದು ಟಿಕೆಟ್ ಸೇಲ್ ಕಂಡರೆ ಗೊತ್ತಾಗುತ್ತಿದೆ. ಏಪ್ರಿಲ್ 14 2022 ರಂದು ವಿಶ್ವಾದ್ಯಂತ ಈ ಸಿನಿಮಾ ರಿಲೀಸ್ ಆಗಲಿದೆ. ಏಪ್ರಿಲ್ 2 ರಂದು UK ನಲ್ಲಿ ಸಿನಿಮಾಗೆ ಟಿಕೆಟ್ ಬುಕ್ಕಿಂಗ್ ಆರಂಭವಾಗಿದ್ದು, ಕೇವಲ 12 ಗಂಟೆಗಳಲ್ಲಿ ಚಿತ್ರದ 5 ಸಾವಿರ ಟಿಕೆಟ್‌ಗಳು ಮಾರಾಟವಾಗಿವೆ.

ಅಂದಹಾಗೆ, ಸಿನಿಮಾ ರಿಲೀಸ್​ಗೂ ಮುಂಗಡವಾಗಿ UK ನಲ್ಲಿ ಇಷ್ಟು ಟಿಕೆಟ್‌ಗಳನ್ನು ಬಿಕ್ಕಿಂಗ್ ಪಡೆದಿರುವ ಮೊದಲ ಭಾರತದ ಸಿನಿಮಾ ‘ಕೆಜಿಎಫ್: ಚಾಪ್ಟರ್ 2′ ಎನ್ನಲಾಗಿದೆ. ಬಳಿಕ ಚಿತ್ರ ನೋಡಲು ಆನ್​ಲೈನ್​ನಲ್ಲಿ ಟಿಕೆಟ್ ಬುಕ್ಕಿಂಗ್ ಅನ್ನು ಏಪ್ರಿಲ್ 7 ರಂದು BookMyShow ನಲ್ಲಿ ಉತ್ತರ ಭಾರತದ, ತಮಿಳುನಾಡಿನ, ಕೇರಳದ ಅಭಿಮಾನಿಗಳಿಗೆ ತೆರೆಯಲಾಗಿತ್ತು. ಉತ್ತರ ಭಾರತ, ತಮಿಳುನಾಡು, ಕೇರಳದಲ್ಲು ಈ ಸಿನಿಮಾದ ಟಿಕೆಟ್ ಸೇಲ್ ಭರ್ಜರಿಯಾಗಿಯೇ ನಡೆಯುತ್ತಿದೆ. ಸಿನಿಮಾ ಉತ್ತರ ಭಾರತದಲ್ಲಿಯೂ ದಾಖಲೆ ಬರೆದಿದೆ. ಹೌದು, ಟಿಕೆಟ್ ಬುಕ್ಕಿಂಗ್ ಆರಂಭವಾದ ಕೇವಲ 12 ಗಂಟೆಗಳಲ್ಲಿ 1 ಲಕ್ಷಕ್ಕೂ ಅಧಿಕ ಟಿಕೆಟ್​ಗಳು ಸೋಲ್ಡ್​ಔಟ್ ಆಗಿದೆ ಎಂಬ ಮಾಹಿತಿ ಹರಿದಾಡುತ್ತಿದೆ. ಅಂದರೆ, ಕೇವಲ 12 ಗಂಟೆಗಳಲ್ಲಿ ಸಿನಿಮಾ ಬರೋಬ್ಬರಿ 3.35 ಕೋಟಿ ರೂಪಾಯಿ ಪ್ರೀ–ಬಿಸ್ನೆಸ್ ಮಾಡಿದೆಯಂತೆ.

ಇಂದು ಅಂದರೆ ಏಪ್ರಿಲ್ 10 ರಂದು, ಆಂಧ್ರಪ್ರದೇಶದಲ್ಲಿ ಮತ್ತು ತೆಲಂಗಾಣದಲ್ಲಿ ಹಾಗೂ ಕರ್ನಾಟಕದಲ್ಲಿ ‘ಕೆಜಿಎಫ್: ಚಾಪ್ಟರ್ 2′ ಬುಕಿಂಗ್ ಆರಂಭವಾಗಿದೆ. ಇನ್ನು, ಈ ಮೂರು ರಾಜ್ಯಗಳಲ್ಲಿ ಸಹ ಸಿನಿಮಾದ ಟಿಕಟ್ ಸೇಲ್ ಸಿಕ್ಕಾಪಟ್ಟೆ ಜೋರಾಗಿಯೇ ಇದೆ. ಆದರೆ, ಕರ್ನಾಟಕದಲ್ಲಿ 'ಕೆಜಿಎಫ್ 2' ಟಿಕೆಟ್ ಬೆಲೆ ಗಗನಕ್ಕೇರಿದ . ಹೌದು, ಚಿತ್ರಮಂದಿರಗಳಲ್ಲಿ ಈ ಸಿನಿಮಾದ ಟಿಕೆಟ್ ಗಳು ಬಹುತೇಕ ಎಲ್ಲಾ ಕಡೆ ಸೋಲ್ಡ್ ಔಟ್ ಆಗಿವೆ. ಹಾಗಾಗಿ, ಬ್ಲಾಕ್ ನಲ್ಲಿ ಬೇಕಾ ಬಿಟ್ಟಿ ದರದಲ್ಲಿ ಕೆಜಿಎಫ್ 2 ಸಿನಿಮಾದ ಟಿಕೆಟ್ ಮಾರಾಟವಾಗುತ್ತಿದೆ. ಅಂದಹಾಗೆ, ಬೆಳಗಿನ ೪ ಗಂಟೆ ಶೋಗೆ ಡಿಮ್ಯಾಂಡ್ ಸಹಜವಾಗಿಯೇ ಹೆಚ್ಚು ಇರುತ್ತೆ.

ಇದರಿಂದ, ಬ್ಲಾಕ್​ನಲ್ಲಿ ಒಂದು ಟಿಕೆಟ್ ಗೆ 1 ರಿಂದ 2 ಸಾವಿರ ರೂಪಾಯಿಗೆ ಮಾರಾಟ ಮಾಡಲಾಗುತ್ತಿದೆ. ಸಿನಿಪ್ರಿಯರಿಗೆ ಸಹಜವಾಗಿ ಮೊದಲ ದಿನ ಸಿನಿಮಾ ನೋಡಬೇಕು ಎಂಬ ಆಸೆ ಇರುತ್ತೆ. ಆದರೆ, ಈ ಟಿಕೆಟ್ ಬೆಲೆ ಕಂಡು ಹಲವರಿಗೆ ಬೇಸರವಾಗುತ್ತಿದೆ. ಬೆಂಗಳೂರಿನ ಶ್ರೀನಿವಾಸ್ ಚಿತ್ರಮಂದಿರ ಹಾಗೂ ಸ್ವಾಗತ್ ಚಿತ್ರಮಂದಿರದ ಟಿಕೆಟ್ ಗಳು 1 ಹಾಗೂ 2 ಸಾವಿರ ರೂಪಾಯಿಗೆ ಮಾರಾಟವಾಗುತ್ತಿವೆ. ಆಂಧ್ರದಲ್ಲಿಯೂ ಮತ್ತು ತೆಲಂಗಾಣದಲ್ಲಿಯೂ ಸಿನಿಮಾದ ಟಿಕೆಟ್ ಬೆಲೆ 1000 ರದ ಗಡಿ ದಾಟಿದೆ ಎನ್ನಲಾಗುತ್ತಿದೆ. ಸದ್ಯ, ಈ ಟಿಕೆಟ್ ಬೆಲೆ ಕಂಡರೆ ನಟ ಯಶ್ ಅಭಿಮಾನಿಗಳಿಗೆ ಈ ಚಿತ್ರದ ಮೇಲಿರುವ ಕುತೂಹಲ ಹಾಗೂ ನಿರೀಕ್ಷೆ ಎಷ್ಟು ಎಂಬುದು ಕಂಡುಬರುತ್ತಿದೆ. 

https://www.vijayavani.net/rashmika-gets-brutally-trolled-and-faces-the-anger-of-puneeth-rajkumar-fans-for-not-wishing-appu-on-his-birthday-and-for-wishing-allu-arjun-on-his-birthday/

https://www.vijayavani.net/yash-visits-kukke-subramanya-temple-in-dakshin-kannada-ahead-of-kgf-chapter-2-movie-release/

https://www.vijayavani.net/hombale-films-joins-hands-with-rcb-to-give-more-entertainment-to-people/

https://www.vijayavani.net/jothe-jotheyali-serial-star-actress-megha-shetty-meets-tollywood-prince-mahesh-babu-and-pictures-go-viral/