ಅಯ್ಯಪ್ಪ ಭಕ್ತರ ಬೆನ್ನಿಗೆ ಚೂರಿ... ಕೇರಳ ಸರ್ಕಾರದ ಪರವಾಗಿ ಬಾಹುಬಲಿ ಕಟ್ಟಪ್ಪ ಶೈಲಿಯಲ್ಲಿ ವಂಚನೆ ಆರೋಪ! Ayyappa Devotees

Ayyappa Devotees : ಕೇರಳದಲ್ಲಿ ಬಾಹುಬಲಿ ಕಟ್ಟಪ್ಪ ಶೈಲಿಯಲ್ಲಿ ವಂಚನೆಯೊಂದು ನಡೆದಿದೆ. ಇದಕ್ಕೆ ಸಂಬಂಧಿಸಿದ ಬ್ಯಾನರ್​ ಒಂದು ಪತ್ತನಂತಿಟ್ಟದಲ್ಲಿರುವ ವೆಟ್ಟಿಪ್ರಮ್ ಕರಯೋಗ ಕಟ್ಟಡದಲ್ಲಿ ರಾರಾಜಿಸಿದ್ದು, ಎಲ್ಲರ ಗಮನ ಸೆಳೆದಿದೆ. ಅಲ್ಲದೆ, ಸಾಮಾಜಿಕ ಜಾಲತಾಣದಲ್ಲೂ ವೈರಲ್​ ಆಗಿದೆ. ಅಷ್ಟಕ್ಕೂ ಏನಿದು ಪ್ರಕರಣ ಎಂಬುದನ್ನು ನಾವೀಗ ತಿಳಿದುಕೊಳ್ಳೋಣ.

ಕೇರಳದ ಎನ್​ಎಸ್​ಎಸ್​ (ನಾಯರ್​ ಸರ್ವೀಸ್​ ಸೊಸೈಟಿ) ಗೆ ಸಂಬಂಧಿಸಿದ ಟ್ರಸ್ಟ್ ವಿಚಾರದಲ್ಲಿ ಸರ್ಕಾರವನ್ನು ಬೆಂಬಲಿಸಿರುವ ಆರೋಪ ಎನ್ಎಸ್ಎಸ್ ಪ್ರಧಾನ ಕಾರ್ಯದರ್ಶಿ ಜಿ. ಸುಕುಮಾರನ್ ನಾಯರ್ ವಿರುದ್ಧ ಕೇಳಿಬಂದಿದೆ. ಇದಕ್ಕೆ ಸಂಬಂಧಿಸಿದ ಪ್ರತಿಭಟನಾ ಬ್ಯಾನರ್ ಪತ್ತನಂತಿಟ್ಟದಲ್ಲಿರುವ ವೆಟ್ಟಿಪ್ರಮ್ ಕರಯೋಗ ಕಟ್ಟಡದ ಮುಂದೆ ಕಟ್ಟಲಾಗಿದೆ. ಆ ಬ್ಯಾನರ್ ಮೇಲೆ ಸುಕುಮಾರನ್ ನಾಯರ್ ಎಂಬುವರನ್ನು ಕಟ್ಟಪ್ಪ ಎಂಬಂತೆ ಬಿಂಬಿಸಿ, ವ್ಯಂಗ್ಯವಾಡಲಾಗಿದೆ. ಟ್ರಸ್ಟ್ ವಿಷಯದಲ್ಲಿ ಸರ್ಕಾರದ ತೆಗೆದುಕೊಂಡ ನಿಲುವಿಗೆ ಸ್ವಾಗತಾರ್ಹ ಎಂದು ಸುಕುಮಾರನ್ ನಾಯರ್ ಹೇಳಿದ್ದರು. ಇದು ನಾಯರ್​ ಸಮುದಾಯದಿಂದಲೇ ಪ್ರತಿಭಟನೆಗೆ ಕಾರಣವಾಗಿತ್ತು.

ಸಮುದಾಯದ ವಿಷಯದಲ್ಲಿ ಅಯ್ಯಪ್ಪ ಭಕ್ತರ ಬೆನ್ನಿಗೆ ಚೂರಿ ಹಾಕಿ, ಸಿಎಂ ಪಿಣರಾಯಿ ಸೇವೆ ಮಾಡುವ ಕಟ್ಟಪ್ಪನಾಗಿ ಸುಕುಮಾರನ್ ನಾಯರ್ ಬದಲಾಗಿದ್ದಾರೆ. ಇದು ನಾಯರ್​ ಸಮುದಾಯಕ್ಕೆ ನಾಚಿಕೆಗೇಡು ಎಂದು ಬ್ಯಾನರ್‌ನಲ್ಲಿ ಬರೆಯಲಾಗಿದೆ. ಆದರೆ, ಈ ಬ್ಯಾನರ್ ಅನ್ನು ಯಾರು ಹಾಕಿದರು ಎಂಬುದು ಸ್ಪಷ್ಟವಾಗಿಲ್ಲ. ನಿನ್ನೆ ಬೆಳಗ್ಗೆ ಕರಯೋಗ ಕಟ್ಟಡದ ಮುಂದೆ ಬ್ಯಾನರ್ ಕಾಣಿಸಿಕೊಂಡಿದೆ.

ಇದನ್ನೂ ಓದಿ: 41 ವರ್ಷಗಳ ಏಷ್ಯಾಕಪ್ ಇತಿಹಾಸದಲ್ಲಿ ಇದೇ ಮೊದಲು! ಪಾಕ್​ ಬಗ್ಗುಬಡಿಯಲು ಟೀಮ್ ಇಂಡಿಯಾ ಸಜ್ಜು | IND vs PAK

ಸರ್ಕಾರದ ಮೇಲೆ ತಮ್ಮ ನಂಬಿಕೆಯನ್ನು ಬಹಿರಂಗವಾಗಿ ವ್ಯಕ್ತಪಡಿಸಿರುವ ಜಿ. ಸುಕುಮಾರನ್ ನಾಯರ್, ಶಬರಿಮಲೆ ವಿಷಯದಲ್ಲಿಯೂ ಸರ್ಕಾರವನ್ನು ಬೆಂಬಲಿಸಿದ್ದರು. ಅವರು ಈ ಕಾಂಗ್ರೆಸ್ ಮತ್ತು ಬಿಜೆಪಿಯನ್ನು ಕಠಿಣ ಭಾಷೆಯಲ್ಲಿ ಟೀಕಿಸಿದರು. ಇನ್ನು ಸರ್ಕಾರದ ಕಡೆಗೆ ಎನ್ಎಸ್ಎಸ್ ಒಲವು ತೋರುತ್ತಿರುವುದು ಸ್ಥಳೀಯ ಸಂಸ್ಥೆ ಮತ್ತು ವಿಧಾನಸಭಾ ಚುನಾವಣೆಗಳಲ್ಲಿ ಪ್ರತಿಫಲಿಸುತ್ತದೆ ಎಂದು ಅಂದಾಜಿಸಲಾಗಿದೆ. ಕಾಂಗ್ರೆಸ್​ ಪಕ್ಷದ ನಾಯಕ ವಿ.ಡಿ. ಸತೀಸನ್ ಮತ್ತು ಎನ್ಎಸ್ಎಸ್ ನಾಯಕತ್ವದೊಂದಿಗಿನ ಭಿನ್ನಾಭಿಪ್ರಾಯವೇ ಕಾಂಗ್ರೆಸ್ ಜೊತೆಗಿನ ಮೈತ್ರಿ ತಿರಸ್ಕರಿಸಲು ಕಾರಣ ಎಂದು ನಂಬುವವರಿದ್ದಾರೆ.

ಇದೇ ಸಂದರ್ಭದಲ್ಲಿ ಕಾಂಗ್ರೆಸ್ ಕೂಡ ಎನ್ಎಸ್ಎಸ್ ಮನವೊಲಿಸುವ ಪ್ರಯತ್ನಗಳನ್ನು ಪ್ರಾರಂಭಿಸಿದೆ. ಕೆಪಿಸಿಸಿ ನಾಯಕತ್ವ ಎನ್ಎಸ್ಎಸ್ ಜೊತೆ ಮಾತುಕತೆ ನಡೆಸಲಿದೆ. ಟ್ರಸ್ಟ್ ವಿಷಯದಲ್ಲಿ ಎನ್ಎಸ್ಎಸ್ ದೃಢ ನಿಲುವನ್ನು ತೆಗೆದುಕೊಂಡಿದೆ ಎಂದು ನೆನಪಿಸುವುದು ಈ ಪ್ರಯತ್ನವಾಗಿದೆ. ಎನ್ಎಸ್ಎಸ್ ನಾಯಕತ್ವವನ್ನು ಟೀಕಿಸುವುದಿಲ್ಲ ಮತ್ತು ಟ್ರಸ್ಟ್ ವಿಷಯದಲ್ಲಿ ಸಿಪಿಎಂ ಕಣ್ಣಾಮುಚ್ಚಾಲೆ ಆಡುತ್ತಿದೆ ಎಂಬ ಅಭಿಯಾನವನ್ನು ಮುಂದುವರಿಸುವುದಾಗಿ ಕಾಂಗ್ರೆಸ್ ಮೂಲಗಳು ಸ್ಪಷ್ಟಪಡಿಸಿವೆ. ಸದ್ಯಕ್ಕೆ ಬ್ಯಾನರ್​ ವಿಚಾರ ಹೆಚ್ಚು ಸದ್ದು ಮಾಡುತ್ತಿದೆ. (ಏಜೆನ್ಸೀಸ್​)

https://www.vijayavani.net/this-zodiac-signs-is-one-in-a-thousand-what-is-your-zodiac-sign

https://www.vijayavani.net/abhishek-sharma-avoid-night-parties-and-girlfriends-sleep-at-nine-bowlers-nightmare-today