ಟಾಲಿವುಡ್ ನಟ ವಿಜಯ್ ದೇವರಕೊಂಡ ‘ಅರ್ಜುನ್ ರೆಡ್ಡಿ’ ಹಿಟ್ ಆದ ಬಳಿಕ ಅವರ ಚಹರೆಯೇ ಬದಲಾಗಿದೆ. ಸಿನಿಮಾ ಆಯ್ದುಕೊಳ್ಳುವ ರೀತಿಯಲ್ಲಿಯೂ ಹೊಸ ಪ್ರಯೋಗಗಳನ್ನು ಮಾಡುತ್ತಿದ್ದಾರೆ. ಅದರಂತೆ ಸದ್ಯ ಅವರ ಬತ್ತಳಿಕೆಯಲ್ಲಿ ಬಹುಭಾಷಾ ಸಿನಿಮಾಗಳೇ ಇವೆ ಎಂಬುದು ಮತ್ತೊಂದು ವಿಶೇಷತೆ. ಇದೀಗ ಅಂಥದ್ದೇ ಮತ್ತೊಂದು ಸಿನಿಮಾಕ್ಕೆ ವಿಜಯ್ ಆಯ್ಕೆಯಾಗಿದ್ದು, ಆ ಚಿತ್ರದಲ್ಲಿ ಅವರಿಗೆ ಬಾಲಿವುಡ್ ಬೆಡಗಿ ಕತ್ರಿನಾ ಕೈಫ್ ನಾಯಕಿಯಂತೆ! ಸದ್ಯ ಪುರಿ ಜಗನ್ನಾಥ್ ನಿರ್ದೇಶನದ ‘ಲೈಗರ್’ ಸಿನಿಮಾ ತೆಲುಗು, ತಮಿಳು, ಕನ್ನಡ ಮತ್ತು ಹಿಂದಿಯಲ್ಲಿಯೂ ಸಿದ್ಧವಾಗುತ್ತಿದೆ. ಅದರಂತೆ ಶಿವ ನಿರ್ವಾಣ ಮತ್ತು ಕೊರಟಾಲ ಶಿವ ನಿರ್ದೇಶನದ ಸಿನಿಮಾಗಳಿಗೂ ವಿಜಯ್ ಸಹಿ ಮಾಡಿದ್ದಾರೆ.
