ಮುಂಬೈ: ಬಾಲಿವುಡ್ ಚೆಲುವೆ ಕತ್ರೀನಾ ಕೈಫ್ ಮತ್ತು ನಟ ವಿಕಿ ಕೌಶಲ್ರ ಮದುವೆ ಡಿಸೆಂಬರ್ ತಿಂಗಳಲ್ಲಿ ರಾಜಸ್ಥಾನದ ಐಷಾರಾಮಿ ಫೋರ್ಟ್ ರೆಸಾರ್ಟ್ನಲ್ಲಿ ನಡೆಯಲಿದೆ ಎಂದು ಸುದ್ದಿ ಹರಡಿದೆ. ಈವರೆಗೂ ಇಬ್ಬರೂ ಈ ಬಗ್ಗೆ ಯಾವುದೇ ಸುಳಿವು ಬಿಟ್ಟುಕೊಟ್ಟಿಲ್ಲವಾದರೂ, ಈ ಜೋಡಿಗೆ ಹತ್ತಿರವಾದವರು, ಮದುವೆ ಸಮಾರಂಭದ ಹಲವು ತಯಾರಿಗಳು ಗೌಪ್ಯವಾಗಿ ನಡೆಯುತ್ತಿರುವ ಬಗ್ಗೆ ತಿಳಿಸಿರುವುದಾಗಿ ಇಂಡಿಯ ಟುಡೇ ವರದಿ ಮಾಡಿದೆ.
ತಮ್ಮ ಪ್ರೈವೆಸಿಗೆ ಧಕ್ಕೆಯಾಗದಂತೆ ತಮ್ಮ ವೆಡ್ಡಿಂಗ್ ಫೋಟೋ ವಿಡಿಯೋಗಳು ತಮಗೆ ಅರಿವಿಲ್ಲದೆ ಸಾಮಾಜಿಕ ಮಾಧ್ಯಮದಲ್ಲಿ ಜಾಹೀರಾಗದಂತೆ ಈ ಜೋಡಿ ಸಿದ್ಧತೆ ನಡೆಸಿದ್ದಾರೆ ಎನ್ನಲಾಗಿದೆ. ಅದಕ್ಕಾಗಿ ವೆಡ್ಡಿಂಗ್ ಪ್ಲಾನರ್ಗಳಿಗೆ ತಮ್ಮ ಅನುಮತಿಯಿಲ್ಲದೆ ಯಾವುದೇ ಫೋಟೋ-ವಿಡಿಯೋ ಬಿಡುಗಡೆಯಾಗಬಾರದು ಎಂದು ತಾಕೀತು ಮಾಡಿದ್ದಾರೆ. ಜೊತೆಗೆ, ಪಾಲ್ಗೊಳ್ಳಲಿರುವ ಅತಿಥಿಗಳಿಗೆ ನಿರ್ದಿಷ್ಟ ಸ್ಥಳಗಳಿಗೆ ಮೊಬೈಲ್ ಫೋನ್ ತೆಗೆದುಕೊಂಡು ಹೋಗದಂತೆ ಮನವಿ ಮಾಡಲಿದ್ದಾರೆ ಎಂದು ವರದಿ ತಿಳಿಸಿದೆ.
ಇದನ್ನೂ ಓದಿ: ಕೆರೆಗೆ ಬಿದ್ದು ಯುವತಿ ಸಾವು: ಫಾರ್ಮ್ ಮಾಲಿಕರ ಮೇಲೆ ಪೊಲೀಸ್ ಕೇಸ್
ಈ ರೀತಿಯಾಗಿ ಮದುವೆಯ ದೃಶ್ಯಗಳು ಲೀಕ್ ಆಗದಂತೆ ಎಚ್ಚರ ವಹಿಸಲು ‘ನೋ ಫೋನ್’ ನೀತಿ ಅನುಸರಿಸಿದವರಲ್ಲಿ ಇವರು ಮೊದಲಿಗರೇನಲ್ಲ. ಹಲವು ಸೆಲೆಬ್ರಿಟಿ ವೆಡ್ಡಿಂಗ್ಗಳಲ್ಲಿ ಈ ನಿಯಮ ಜಾರಿಯಾಗಿರುವುದು ಕಂಡುಬಂದಿದೆ. ಬಾಲಿವುಡ್ ದಿವಾ ಪ್ರಿಯಾಂಕಾ ಚೋಪ್ರ ಮತ್ತು ರಾಕ್ ಸ್ಟಾರ್ ನಿಕ್ ಜೋನಸ್ ವಿವಾಹದ ಸಂದರ್ಭದಲ್ಲಿ ಅತಿಥಿಗಳ ಫೋನ್ಗಳನ್ನು ಸಂಗ್ರಹಿಸಿಟ್ಟುಕೊಳ್ಳಲಾಗಿತ್ತು. ಬಾಲಿವುಡ್ನ ಮತ್ತೊಂದು ಜೋಡಿ ದೀಪಿಕಾ ಪಡುಕೋಣೆ-ರಣವೀರ್ ಸಿಂಗ್ ಕೂಡ ಲೇಕ್ ಕೋಮೊದಲ್ಲಿ ನಡೆದ ತಮ್ಮ ಮದುವೆಯ ಸಂದರ್ಭದಲ್ಲಿ ಬಂಧುಮಿತ್ರರಿಗೆ ಫೋನ್ ಬಳಸದಂತೆ ಮನವಿ ಮಾಡಿದ್ದರು ಎನ್ನಲಾಗಿದೆ. (ಏಜೆನ್ಸೀಸ್)