ಅರ್ಜೆಂಟಿನಾ: ಇತ್ತೀಚೆಗೆ ಅರ್ಜೆಂಟಿನಾದಲ್ಲಿ ಅಪರೂಪದ ಕಪ್ಪುಮಿಶ್ರಿತ ಬಿಳಿಯ ಚೆಂಡುಗಳಂಥ ಮಳೆಮೋಡಗಳು ಕಾಣಿಸಿಕೊಂಡಿದ್ದು, ಇದರ ವಿಡಿಯೋ ವೈರಲ್ ಆಗಿದೆ. ಆಕಾಶದಲ್ಲಿ ಹತ್ತಿಯ ಉಂಡೆಗಳನ್ನು ಜೋಡಿಸಿಟ್ಟ ಹಾಗೆ ತೋರುವ ಈ ದೃಶ್ಯ ನೆಟ್ಟಿಗರ ಗಮನ ಸೆಳೆದಿದೆ.
(ವಿಡಿಯೋ ಕೃಪೆ: ಮೀಟಿಯೊರೆಡ್)
ನವೆಂಬರ್ 13 ರಂದು ಕಾರ್ಡೋಬಾದ ಕ್ಯಾಸಾ ಗ್ರಾಂಡೆಯ ಆಕಾಶದಲ್ಲಿ ತುಂಬಿಕೊಂಡಿದ್ದ ಮಮ್ಮಾಟಸ್ ಕ್ಲೌಡ್ಸ್ ಎಂದು ಕರೆಯಲ್ಪಡುವ ಈ ಮೋಡಗಳು ಗುಡುಗು ಸಿಡಿಲುಸಹಿತ ಮಳೆಗಳನ್ನು ತರುವಂಥವು. ಈ ವಿಶೇಷ ರೀತಿಯ ಮೋಡಗಳನ್ನು ನೋಡಿ ಸ್ಥಳೀಯರು ಬೆರಗಾದರು. ನಂತರ ಈ ಪ್ರದೇಶದಲ್ಲಿ ಆಲಿಕಲ್ಲು ಸಮೇತ ಭಾರೀ ಮಳೆ ವರದಿಯಾಗಿದೆ. (ಏಜೆನ್ಸೀಸ್)