ಮುಂಬೈ: ಬಾಲಿವುಡ್ನ ಖ್ಯಾತ ನಿರ್ಮಾಪಕ ಕರಣ್ ಜೋಹರ್ ಅವರು ಹಿಂದಿಯಲ್ಲಿ ಅನೇಕ ಸ್ಟಾರ್ ಮಕ್ಕಳನ್ನು ಸಿನಿಮಾರಂಗದಲ್ಲಿ ಲಾಂಚ್ ಮಾಡಿ ಅವರಿಗೆ ಗಾಡ್ ಫಾದರ್ ಆಗಿದ್ದಾರೆ ಎಂಬುದು ಬಹುತೇಕ ಎಲ್ಲರಿಗೂ ಗೊತ್ತೆ ಇದೆ. ಹೌದು, ಯಾವ ಸ್ಟಾರ್ ಕುಟುಂಬದ ಮಕ್ಕಳಾದರೂ ಚಿತ್ರರಂಗಕ್ಕೆ ಕಾಲಿಡುತ್ತಿದ್ದಾರೆ ಎಂದರೆ ಅವರನ್ನು ಬಹುತೇಕ ಪರಿಚಯಿಸೋದು ಕರಣ್ ಎಂಬುದು ಸಹಜ. ಡಿಂಪಲ್ ಬೆಡಗಿ ನಟಿ ಆಲಿಯಾ ಭಟ್, ನಟಿ ಅನನ್ಯಾ ಪಾಂಡೆ, ನಟ ವರುಣ್ ಧವನ್, ನಟಿ ಜಾನ್ವಿ ಕಪೂರ್ ಅಂತ ಹಲವು ಸ್ಟಾರ್ ಕಿಡ್ಗಳನ್ನು ಕರಣ್ ಜೋಹರ್ ಚಿತ್ರರಂಗದಲ್ಲಿ ಲಾಂಚ್ ಮಾಡಿದ್ದಾರೆ. ಇದೀಗ, ನಿರ್ಮಾಪಕ ಕರಣ್ ಜೋಹರ್ ಮತ್ತೋರ್ವ ಸ್ಟಾರ್ ನಟನ ಮಗಳನ್ನು ಚಿತ್ರರಂಗಕ್ಕೆ ಪರಿಚಯಿಸೋಕೆ ಎಲ್ಲಾ ತಯಾರಿಗಳನ್ನು ಮಾಡಿಕೊಂಡಿದ್ದಾರೆ. ಇನ್ನು, ಆ ಸಿನಿಮಾದ ಫಸ್ಟ್ ಲುಕ್ ಕೂಡ ರಿಲೀಸ್ ಆಗಿದ್ದು, ನಿರೀಕ್ಷೆ ಹೆಚ್ಚಿಸಿದೆ.
ಅಂದಹಾಗೆ, ಬಾಲಿವುಡ್ನ ಖ್ಯಾತ ನಟ ಸಂಜಯ್ ಕಪುರ್ ಅವರ ಪುತ್ರಿ ಶನಾಯಾ ಕಪೂರ್, ಲಕ್ಷ್ಯ ಲಲ್ವಾಣಿ, ಗುರ್ಫತೇ ಪಿರ್ಜಾದಾ ಅವರನ್ನು ಲಾಂಚ್ ಮಾಡಲಿದ್ದಾರೆ ಕರಣ್. ಮಗಳು ಶನಾಯಾ ಚಿತ್ರರಂಗಕ್ಕೆ ಕಾಲಿಡುತ್ತಿರುವ ಬಗ್ಗೆ ನಟ ಸಂಜಯ್ ಕಪೂರ್ ಕೂಡಾ ದಿಲ್ ಖುಷ್ ಆಗಿದ್ಧಾರೆ. ಶನಾಯಾ ‘ಬೇಧಡಕ್’ ಎಂಬ ಚಿತ್ರದ ಮೂಲಕ ಬಾಲಿವುಡ್ ಬಣ್ಣದ ಲೋಕಕ್ಕೆ ಪಾದಾರ್ಪಣೆ ಮಾಡಲಿದ್ದಾರೆ. ಹೌದು, ಸಾಮಾಜಿಕ ಜಾಲತಾಣದಲ್ಲಿ ಈ ಚಿತ್ರದ ಪೋಸ್ಟರ್ ರಿಲೀಸ್ ಮಾಡಿರುವ ನಿರ್ಮಾಪಕ ಕರಣ್ ಅವರು ಈ ಮೂವರನ್ನು ಲಾಂಚ್ ಮಾಡುವುದರ ಬಗ್ಗೆಯೂ ತಮ್ಮ ಪೋಸ್ಟ್ನಲ್ಲಿ ಬರೆದುಕೊಂಡಿದ್ದಾರೆ. ಶನಾಯಾಳ ಮೊದಲ ಸಿನಿಮಾದ ಮೊದಲ ಹಾಟ್ ಲುಕ್ ಎಲ್ಲರ ಹುಬ್ಬೇರಿಸಿದೆ.
ಕರಣ್ ಸಿನಿಮಾದ ಬಗ್ಗೆ ಮಾಹಿತಿ ಹಂಚಿಕೊಂಡ ಇನ್ಸ್ಟಾಗ್ರಾಂ ಪೋಸ್ಟ್ಗೆ ಸಾವಿರ ಸಾವಿರ ಲೈಕ್ಸ್ ಬರುತ್ತಿದ್ದು, ನಟಿ ಶನಾಯಾ ಹೊಸ ಲುಕ್ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಅಂದಹಾಗೆ, ನಟಿ ಜಾನ್ವಿ ಕಪೂರ್ ಹಾಗೂ ನಟ ಇಶಾನ್ ಖಟ್ಟರ್ ಅವರನ್ನು ಪರಿಚಯಿಸಿದ್ದ ‘ಧಡಕ್’ ಚಿತ್ರವನ್ನು ನಿರ್ದೇಶನ ಮಾಡಿದ ಶಂಶಾಕ್ ಖೈತಾನ್ ಅವರು ಈ ‘ಬೇಧಡಕ್’ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ‘ಬೇಧಡಕ್’ ರಿಮೇಕ್ ಆದರೂ ಕೆಲ ಬದಲಾವಣೆಗಳನ್ನು ಮಾಡಿಕೊಂಡು ಸಿನಿಮಾ ಮಾಡಲಿದ್ದಾರೆ ಶಶಾಂಕ್. ಇನ್ನು, ಲಕ್ಷ್ಯ ಲಲ್ವಾಣಿ ಅವರು ಈ ಮೊದಲು ಟಿವಿ ಶೋಗಳಲ್ಲಿ ಕಾಣಿಸಿಕೊಂಡಿದ್ದರು. ಈಗ ಅವರು ಈ ಸಿನಿಮಾದ ಮೂಲಕ ಹೀರೋ ಆಗುತ್ತಿದ್ದಾರೆ ಎನ್ನಲಾಗಿದೆ
ಸಮಂತಾರ ‘ಅರೇಬಿಕ್ ಕುತು’ ರೀಲ್ಸ್ ಹಿಂದಿನ ರಹಸ್ಯ ಬಯಲು: ಸಿನಿ ಇಂಡಸ್ಟ್ರಿಯಲ್ಲಿ ಇಷ್ಟೆಲ್ಲ ನಡೆಯುತ್ತಾ!?