ಬೆಂಗಳೂರು: ಕಲೆಕ್ಷನ್ ವಿಷಯದಲ್ಲಿ ಅಲ್ಲು ಅರ್ಜುನ್ (Allu Arjun) ನಟನೆಯ ಪುಷ್ಪ ಸಿನಿಮಾವನ್ನು ಕೂಡ ಇದೀಗ ರಿಷಭ್ ಶೆಟ್ಟಿ (Rishab Shetty) ನಟನೆಯ ಕಾಂತಾರ (Kantara) ಸಿನಿಮಾ ಹಿಂದಿಕ್ಕಿದೆ. ಪುಷ್ಪರಾಜ್ ಎದುರು “ಮೈ ಝುಕೂಂಗಾ ನಹಿ” ಎಂದು ಬೀಗಿದ್ದಾನೆ ಡಿವೈನ್ ಸ್ಟಾರ್!
ಪುಷ್ಪ (Pushpa) ಚಿತ್ರ ಬಿಡುಗಡೆಯಾದಾಗಿನಿಂದ ಕೊನೆಯ ಪ್ರದರ್ಶನದವರೆಗೆ ಲೈಫ್ ಟೈಮ್ ಗಳಿಸಿದ್ದು 355ರಿಂದ 365 ಕೋಟಿ ರೂಪಾಯಿ. ಆದರೆ ಕಾಂತಾರ ಚಿತ್ರ ನಲವತ್ತೆರಡೇ ದಿನಗಳಲ್ಲಿ 355 ಕೋಟಿ 19 ಲಕ್ಷ ರೂಪಾಯಿ ಗಳಿಸಿ, ಪುಷ್ಪದ ಕಲೆಕ್ಷನ್ ರೆಕಾರ್ಡನ್ನು ಬ್ರೇಕ್ ಮಾಡಿದೆ.
ವಿಕಿಪೀಡಿಯ ಮಾಹಿತಿ ಪ್ರಕಾರ ಕಾಂತಾರ ಇದುವರೆಗೆ 355 ಕೋಟಿ 19 ಲಕ್ಷ ಕಲೆಕ್ಷನ್ ಮಾಡಿದೆ. ಈಗಾಗಲೇ ಕೆಜಿಎಫ್ ಚಿತ್ರದ ದಾಖಲೆಯನ್ನು ಮುರಿದಿರುವ ಕಾಂತಾರ ಈಗ ಪುಷ್ಪ ಚಿತ್ರದ ದಾಖಲೆಯನ್ನೂ ಉಡೀಸ್ ಮಾಡಿದೆ.
ಕೆಜಿಎಫ್-1 (KGF Chapter 1) ಸಿನಿಮಾದ ಲೈಫ್ಟೈಮ್ ಕಲೆಕ್ಷನ್ 250 ಕೋಟಿ ರೂಪಾಯಿ ಆಗಿತ್ತು. ಆದರೆ ಅಖಾಡಕ್ಕಿಳಿದ ಮೂರೇ ವಾರದಲ್ಲಿ ಕೆಜಿಎಫ್ ರೆಕಾರ್ಡನ್ನು ಕಾಂತಾರ ಸರಿಗಟ್ಟಿತ್ತು.
ಅಂದಹಾಗೆ ಆ ಎಲ್ಲ ಚಿತ್ರಗಳ ನಿರ್ಮಾಣದ ಬಜೆಟ್‌ಗೆ ಹೋಲಿಸಿದರೆ ಕಾಂತಾರ ನಿರ್ಮಾಣಕ್ಕೆ ಮಾಡಿರುವ ಖರ್ಚು ಏನೇನೂ ಅಲ್ಲ. ಕೇವಲ 16 ಕೋಟಿ ರೂಪಾಯಿ ಬಜೆಟ್‌ನ ಕಾಂತಾರ, ಅತಿ ಅಲ್ಪ ಅವಧಿಯಲ್ಲಿ 365 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿ ಅಚ್ಚರಿ ಮೂಡಿಸಿದೆ.
ನ.18ಕ್ಕೆ ಅಮೇಜಾನ್ ಪ್ರೈಮ್ನಲ್ಲಿ ರಿಷಭ್ ಶೆಟ್ಟಿ ಅಭಿನಯದ ‘ಕಾಂತಾರ’?