ಕಂಗನಾ ರಣಾವತ್ ಚಿತ್ರರಂಗಕ್ಕೆ ಬಂದ ಸಂದರ್ಭದಲ್ಲಿ, ಜನಪ್ರಿಯರಾಗುವುದಕ್ಕೆ ಏನೇನೋ ಮಾಡಿದ್ದರಂತೆ. ಆದರೆ, ಜನ ಮಾತ್ರ ತನ್ನನ್ನು ಏನು ಮಾಡಿದರೂ ಒಪ್ಪಿಕೊಳ್ಳಲಿಲ್ಲ ಎಂಬ ವಿಷಯವನ್ನು ಅವರು ಒಪ್ಪಿಕೊಂಡಿದ್ದಾರೆ.
ಇದನ್ನೂ ಓದಿ: ಬಾಕಿ ಸಂಬಳ ನೀಡದ ಧಾರಾವಾಹಿ ನಿರ್ಮಾಪಕನ ಮನೆ ಮುಂದೆ ಕಲಾವಿದರ ಮೌನ ಧರಣಿ!
ಈ ಕುರಿತು ಸಂದರ್ಶನವೊಂದರಲ್ಲಿ ಮಾತನಾಡಿರುವ ಅವರು, ‘ನಾನು ಚಿತ್ರರಂಗಕ್ಕೆ ಬಂದ ಹೊಸದರಲ್ಲಿ ಎಲ್ಲರೂ ನನ್ನನ್ನು ಗುರುತಿಸಬೇಕು, ನಾನು ಜನಪ್ರಿಯಳಾಗಬೇಕು ಎಂದು ಏನೇನೋ ಮಾಡಿದೆ. ನನ್ನ ಕೂದಲನ್ನು ಸ್ಟ್ರೇಟನ್ ಮಾಡಿಸಿಕೊಂಡೆ. ‘ರಾಸ್ಕಲ್ಸ್’ ಎಂಬ ಚಿತ್ರ ಮಾಡಿದೆ. ಬಿಕಿನಿಯಲ್ಲಿ ಕಾಣಿಸಿಕೊಂಡೆ. ಒಟ್ಟಾರೆ ಜನ ನನ್ನ ಗುರುತಿಸಿಬೇಕು ಎಂದು ಅದೆಷ್ಟೋ ಒದ್ದಾಡಿದೆ’ ಎಂದು ಹೇಳಿಕೊಂಡಿದ್ದಾರೆ ಕಂಗನಾ.
ಕಂಗನಾಗೆ ಮ್ಯಾಗಜೀನ್ನ ಕವರ್ಪೇಜ್ ಮೇಲೆ ಕಾಣಿಸಿಕೊಳ್ಳುವ ಆಸೆ ಇತ್ತಂತೆ. ಪ್ರಶಸ್ತಿ ಪಡೆಯಬೇಕೆಂಬ ಹಪಾಹಪಿ ಇತ್ತಂತೆ. ಆದರೆ, ಏನೂ ವರ್ಕೌಟ್ ಆಗಲಿಲ್ಲ ಎಂದು ಅವರೇ ಹೇಳಿದ್ದಾರೆ. ‘ನಾನು ಬಿ-ಗ್ರೇಡ್ ನಟಿಯಾಗಿ ಉಳಿದೆ ಮತ್ತು ಜನ ನನ್ನನ್ನು ಒಪ್ಪಿಕೊಳ್ಳಲಿಲ್ಲ. ಆ ನಂತರ ಒಂದಿಷ್ಟು ಒಳ್ಳೆಯ ಕಥೆಗಳನ್ನು ಆಯ್ಕೆ ಮಾಡಿಕೊಂಡಿದ್ದು, ಎಲ್ಲವನ್ನೂ ಬದಲಿಸಿತು. ಯಾವುದಕ್ಕಾಗಿ ನಾನು ಹುಡುಕಾಡುತ್ತಿದ್ದೆನೋ, ಅವೆಲ್ಲ ಕ್ರಮೇಣ ಸಿಗುತ್ತಾ ಹೋಯಿತು’ ಎಂದು ಹೇಳಿಕೊಂಡಿದ್ದಾರೆ ಕಂಗನಾ.
ಕಂಗನಾ ಇಷ್ಟಕ್ಕೂ ಯಾಕೆ ಇವೆಲ್ಲಾ ಮಾತಾಡಿದ್ದಾರೆ ಎಂದರೆ ಅದಕ್ಕೂ ಕಾರಣವಿದೆ. ಸುಶಾಂತ್ ಸಿಂಗ್ ರಜಪೂತ್ ಆತ್ಯಹತ್ಯೆಯ ನಂತರ, ಅವರ ಮಾಜಿ ಪ್ರೇಯಸಿ ಅಂಕಿತಾ ಲೋಖಂಡೆ ಜತೆಗೆ ಕಂಗನಾ ಒಮ್ಮೆ ಮಾತನಾಡಿದರಂತೆ. ಅಂಕಿತಾ ಮತ್ತು ಕಂಗನಾ ಹಳೆಯ ಗೆಳತಿಯರಾಗಿದ್ದು, ಬಹಳ ದಿನಗಳ ನಂತರ ಮನಬಿಚ್ಚಿ ಮಾತಾಡಿಕೊಂಡರಂತೆ.
ಇದನ್ನೂ ಓದಿ: ಕತ್ತಲಲ್ಲಿ ಟಾರ್ಚ್ ಹಿಡಿದು ಹುಡುಕಾಟಕ್ಕಿಳಿದ ವಿಕ್ರಾಂತ್ ರೋಣ
ಆ ಸಂದರ್ಭದಲ್ಲಿ, ಸುಶಾಂತ್ಗೆ ದಿಢೀರ್ ಜನಪ್ರಿಯನಾಗಬೇಕು, ಎಲ್ಲರೂ ತಮ್ಮನ್ನು ಗುರುತಿಸಬೇಕು ಎಂಬ ಆಸೆ ಬಹಳವಾಗಿತ್ತು ಎಂದು ಅಂಕಿತಾ, ಕಂಗನಾ ಎದುರು ಹೇಳಿಕೊಂಡಿದ್ದಾರೆ. ‘ಅಂಕಿತಾ, ಸುಶಾಂತ್ರನ್ನು ನನ್ನ ಜತೆಗೆ ಹೋಲಿಸಿದಳು. ನಾನು ಹಿಂದೊಮ್ಮೆ ಇದೇ ತರಹ ಇದ್ದೆ ನೆನಪಿಸಿದಳು. ನೀನೇನೋ ಅದರಿಂದ ಆಚೆ ಬಂದೆ, ಸುಶಾಂತ್ಗೆ ಅದರಿಂದ ಆಚೆ ಬರಲಿಕ್ಕಾಗಲಿಲ್ಲ ಎಂದು ಹೇಳಿಕೊಂಡಳು’ ಎಂದು ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ ಕಂಗನಾ.
ಸಿಲ್ವರ್ ಜ್ಯೂಬಿಲಿ ಆಫ್ ಸಿಲ್ವರ್ ಜ್ಯೂಬಿಲಿ … ಪುಟ್ನಂಜ ಚಿತ್ರವನ್ನು ನೆನಪಿಸಿಕೊಂಡ ರವಿಚಂದ್ರನ್