ಬಾಕಿ ಸಂಬಳ ನೀಡದ ಧಾರಾವಾಹಿ ನಿರ್ಮಾಪಕನ ಮನೆ ಮುಂದೆ ಕಲಾವಿದರ ಮೌನ ಧರಣಿ!

ಲಾಕ್​ಡೌನ್​ ಹಿನ್ನೆಲೆಯಲ್ಲಿ ಸಿನಿಮಾ ಇಂಡಸ್ಟ್ರಿ ಜತೆಗೆ ಕಿರುತೆರೆ ಕ್ಷೇತ್ರಕ್ಕೂ ಹೊಡೆತ ಬಿದ್ದಿದೆ. ಈಗಾಗಲೇ ಸಾಕಷ್ಟು ಕಲಾವಿದರು ಕೆಲಸ ಇಲ್ಲದೆ, ಪರ್ಯಾಯ ಬೇರೆ ಬೇರೆ ಕೆಲಸಗಳಲ್ಲಿ ನಿರತರಾಗಿದ್ದಾರೆ. ಒಂದಷ್ಟು ಸೀರಿಯಲ್​ ತಂಡಗಳು ಕಲಾವಿದರಿಗೆ ಸಂಬಳವನ್ನೂ ನೀಡದೆ, ಕರೊನಾ ನೆಪದಲ್ಲಿ ದಿನಗಳನ್ನು ಮುಂದೂಡುತ್ತಲೇ ಬಂದಿವೆ. ಇದೀಗ ಹಾಗೆ ಸಂಬಳ ಮತ್ತು ನೀಡಬೇಕಿದ್ದ ಬಾಕಿ ಮೊತ್ತ ಸಿಗದೆ ಪರದಾಡುತ್ತಿದ್ದ ಕಲಾವಿದರೆಲ್ಲ, ನಿರ್ಮಾಪಕನ ಮನೆ ಮುಂದೆ ಮೌನ ಧರಣಿಗೆ ಕರೆಕೊಟ್ಟಿವೆ.

ಇದನ್ನೂ ಓದಿ: ಸ್ಟೀವ್​​ ಹಫ್​​ ಯಾರು? ಸುಶಾಂತ್​ ಆತ್ಮದ ಜತೆ ಸಂಪರ್ಕ ಸಾಧಿಸಿದ್ಹೇಗೆ?: ಇಲ್ಲಿದೆ ಕುತೂಹಲಕರ ಸಂಗತಿ!

ಹೌದು, ಹಿಂದಿಯ ‘ಹಮಾರಿ ಬಹು ಸಿಲ್ಕ್’ ಧಾರಾವಾಹಿಯ ನಟ ಜಾನ್​ ಖಾನ್​ ಮತ್ತು ಧಾರಾವಾಹಿಯ ಇನ್ನೂ ಕೆಲಸವರು ಸೇರಿ ಮಾಸ್ಕ್​ ಧರಿಸಿ ನಮ್ಮ ಸಂಬಳ ನಮಗೆ ನೀಡಿ ಎಂಬ ಫಲಕ ಹಿಡಿದುಕೊಂಡು ಧರಣಿ ಮಾಡುತ್ತಿದ್ದಾರೆ. ದೇವಯಾನಿ ರಾಲೆ, ಸುಧಾಂಶು ತ್ರಿಪಾಠಿ, ಜ್ಯೋತಿ ಗುಪ್ತಾ ಈ ಧಾರಾವಾಹಿಯನ್ನು ಜಂಟಿಯಾಗಿ ನಿರ್ಮಾಣ ಮಾಡಿದ್ದು, ದೇವಯಾನಿ ಮನೆ ಬಳಿ ಕಲಾವಿದರು ಮತ್ತು ತಾಂತ್ರಿಕ ವರ್ಗದ ಕೆಲವರು ಪ್ರತಿಭಟನೆ ಮಾಡುತ್ತಿದ್ದಾರೆ.

ಇದನ್ನೂ ಓದಿ: ಸಿಲ್ವರ್​ ಜ್ಯೂಬಿಲಿ ಆಫ್​ ಸಿಲ್ವರ್​ ಜ್ಯೂಬಿಲಿ … ಪುಟ್ನಂಜ ಚಿತ್ರವನ್ನು ನೆನಪಿಸಿಕೊಂಡ ರವಿಚಂದ್ರನ್​

ಸದ್ಯ ಫೋನ್​ ಸ್ವಿಚ್​ ಆಫ್​ ಮಾಡಿ ಮನೆಯಲ್ಲಿಯೇ ಇರುವ ದೇವಯಾನಿ, ಕಲಾವಿದರ ಬೇಡಿಕೆಗೆ ಸ್ಪಂದಿಸಿಲ್ಲ. ಇನ್ನೊಂದು ಅಚ್ಚರಿಯ ಸಂಗತಿ ಏನೆಂದರೆ, ಕಲಾವಿದರಿಗೆ ಆದಾಯ ಇಲ್ಲದಕ್ಕೆ, ಇದೇ ಧಾರಾವಾಹಿಯ ಇನ್ನೋರ್ವ ನಟಿ ವಿಟ್ಲಾನಿ ರಾಕಿ ಹಬ್ಬದ ಪ್ರಯುಕ್ತ ರಾಕಿ ಮಾಡಿ ಹಣಕಾಸಿನ ಕೊರತೆಯನ್ನು ನೀಗಿಸಿಕೊಳ್ಳುತ್ತಿದ್ದಾರೆ.

https://www.vijayavani.net/phantom-new-video-released/