ಹೈದರಾಬಾದ್: ಟಾಲಿವುಡ್ ಸ್ಟಾರ್ ಬಾಲಕೃಷ್ಣ ಪುತ್ರ ಮೋಕ್ಷಜ್ಞ ತೇಜ ನಟನೆಗೆ ಪದಾರ್ಪಣೆ ಮಾಡುತ್ತಿದ್ದಾರೆ. ಬಾಲಯ್ಯ ಅವರ ಉತ್ತರಾಧಿಕಾರಿ ನಂದಮೂರಿ ಮೋಕ್ಷಜ್ಞ ತೇಜ ಹುಟ್ಟುಹಬ್ಬದಂದು ಅವರ ಮೊದಲ ಚಿತ್ರದ ಫಸ್ಟ್ಲುಕ್ ರಿವೀಲ್ ಮಾಡಲಾಗಿದೆ. ಇದನ್ನು ಕಂಡ ನಂದಮೂರಿ ಫ್ಯಾನ್ಸ್ ಫುಲ್ ಖುಷ್ ಆಗಿದ್ದಾರೆ.
ಇದನ್ನು ಓದಿ: ‘IC 814- ದಿ ಕಂದಹಾರ್ ಹೈಜಾಕ್’ ಸಿರೀಸ್ನಲ್ಲಿ ಮಹತ್ವದ ಬದಲಾವಣೆ; ಮೋನಿಕಾ ಶೆರ್ಗಿಲ್ ಸ್ಪಷ್ಟನೆ ಹೀಗಿದೆ..
ಮೋಕ್ಷಜ್ಞ ತೇಜ ಅವರ ಸಿನಿಮಾವನ್ನು ಹನುಮಾನ್ ಚಿತ್ರದ ಮೂಲಕ ಸೂಪರ್ ಹಿಟ್ ಗಳಿಸಿದ್ದ ಯುವ ನಿರ್ದೇಶಕ ಪ್ರಶಾಂತ್ ವರ್ಮಾ ನಿರ್ದೇಶಿಸಲಿದ್ದಾರೆ. ಈ ವಿಷಯದ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಪ್ರಶಾಂತ್ ವರ್ಮಾ ಮಾಹಿತಿ ಹಂಚಿಕೊಂಡಿದ್ದಾರೆ.
ಸಿನಿ ಸೆಲಿಬ್ರಿಟಿಗಳು ಮೋಕ್ಷಜ್ಞ ಹುಟ್ಟುಹಬ್ಬಕ್ಕೆ ಶುಭಹಾರೈಸುತ್ತಿದ್ದಾರೆ. ಇತ್ತೀಚೆಗಷ್ಟೇ ಮೋಕ್ಷಜ್ಞ ಸಿನಿಮಾ ಎಂಟ್ರಿ ಬಗ್ಗೆ ಜೂನಿಯರ್ ಎನ್ಟಿಆರ್ ಅವರು ಸಾಮಾಜಿಕ ಜಾಲತಾಣದಲ್ಲಿ ಅಭಿನಂದಿಸಿದ್ದಾರೆ. ಸಿನಿಮಾ ಜಗತ್ತಿಗೆ ಪದಾರ್ಪಣೆ ಮಾಡುತ್ತಿರುವ ಮೋಕ್ಷಜ್ಞಗೆ ಅಭಿನಂದನೆಗಳು. ಜೀವನದಲ್ಲಿ ಹೊಸ ಅಧ್ಯಾಯ ಪಾರಂಭಿಸುತ್ತಿರುವ ನಿಮಗೆ ದೇವರು ಹಾಗೂ ತಾತಾನವರು ಆಶೀರ್ವಾದ ನೀಡಲಿ. ಹ್ಯಾಪಿ ಬರ್ತ್ಡೇ ಮೋಕ್ಷು ಎಂದು ಜೂನಿಯರ್ ಎನ್ಟಿಆರ್ ವಿಶ್ ಮಾಡಿದ್ದಾರೆ.
ಬಾಲಯ್ಯ ಅವರ ಸುವರ್ಣ ಮಹೋತ್ಸವ ಸಮಾರಂಭಕ್ಕೆ ಜೂ.ಎನ್ಟಿಆರ್ ಗೈರಾಗಿದ್ದು ಹಾಗೂ ಟ್ವೀಟ್ ಮಾಡಿ ಶುಭಾಶಯ ಕೋರದ ಕಾರಣ ನಂದಮೂರಿ ಕುಟುಂಬದಲ್ಲಿ ಬಿರುಕು ಮೂಡಿದೆ ಎಂಬ ಸುದ್ದಿ ಹರಿದಾಡುತಿತ್ತು. ಆದರೀಗ ಇದಕ್ಕೆ ಫುಲ್ಸ್ಟಾಪ್ ಇಡುವಂತೆ ಮೋಕ್ಷಜ್ಞ ಅವರ ಹುಟ್ಟುಹಬ್ಬದ ಸಮಯದಲ್ಲಿ ಅನೌನ್ಸ್ ಮಾಡಲಾದ ಅವರ ಮೊದಲ ಸಿನಿಮಾಕ್ಕೆ ಎನ್ಟಿಆರ್ ಅಭಿನಂದಿಸಿದ್ದಾರೆ. ಈ ಒಂದು ಟ್ವೀಟ್ ಎನ್ಟಿಆರ್ ಮತ್ತು ನಂದಮೂರಿ ಕುಟುಂಬದ ನಡುವೆ ಏನೋ ಸರಿಯಿಲ್ಲ ಎಂದು ಭಾವಿಸುತ್ತಿದ್ದವರ ಲೆಕ್ಕಾಚಾರವನ್ನು ತಲೆಕೆಳಗಾಗಿಸಿದೆ. (ಏಜೆನ್ಸೀಸ್)
ಅಭ್ಯರ್ಥಿ ಪಟ್ಟಿಯಲ್ಲಿ ಹೆಸರು ಇಲ್ಲದಿದ್ದಕ್ಕೆ ಗಳಗಳನೆ ಅತ್ತ ಮಾಜಿ ಶಾಸಕ
