ಅಪ್ರತಿಮ ಸಾಹಸ ಮೆರೆದ ರೈಲ್ವೆ ಪಾಯಿಂಟ್​​ಮನ್ ಮಯೂರ್ ಶೆಳಕೆಗೆ ಜಾವಾ ಬೈಕ್ ಉಡುಗೊರೆ!

ಮುಂಬೈ: ವೇಗವಾಗಿ ರೈಲು ಬರುತ್ತಿದ್ದರೂ ಲೆಕ್ಕಿಸದೇ ಹಳಿ ಮೇಲೆ ಸಿಲುಕಿದ್ದ ಮಗುವನ್ನು ತನ್ನ ಅಪ್ರತಿಮ ಸಾಹಸದಿಂದ ಬದುಕಿಸಿದ್ದ ಮುಂಬೈ ರೈಲ್ವೆ ವಲಯದ ಪಾಯಿಂಟ್​ಮನ್ ಮಯೂರ್ ಶೆಳಕೆ ಬಗ್ಗೆ ಇದೀಗ ಎಲ್ಲೆಡೆ ಪ್ರಶಂಸೆಯ ಮಹಾಪೂರ ಹರಿದು ಬರುತ್ತಿದೆ. ಅದರಲ್ಲೂ ಮಯೂರ್ ಶೆಳಕೆ ಮಗುವನ್ನು ಬದುಕಿಸಿದ್ದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ.

ಈ ರೀತಿ ನಿಜವಾದ ಹೀರೋ ಆಗಿರುವ ಮಯೂರ್ ಶೆಳಕೆ ಮಾನವೀಯತೆಗೆ ಹಾಗೂ ದೈರ್ಯ ಸಾಹಸಕ್ಕೆ ಜಾವಾ ಕ್ಲಾಸಿಕ್ ಬೈಕ್ ಉಡುಗೊರೆಯಾಗಿ ದೊರೆತಿದೆ. ಮಹಿಂದ್ರಾ ಕಂಪನಿ ಒಡೆತನದ ಜಾವಾ ಬೈಕ್ಸ್​ ಸಿಇಓ ಅನುಪಮ್ ಥರೇಜಾ ಅವರು ಮಯೂರ್ ಶೆಳಕೆ ಸಾಹಸಕ್ಕೆ ತಲೆಬಾಗಿದ್ದಲ್ಲದೇ, ಅವರ ಕೆಲಸವನ್ನು ಮನಸಾರೆ ಹೊಗಳಿ ಅವರಿಗೆ ಸಂಸ್ಥೆ ವತಿಯಿಂದ ಜಾವಾ ಕ್ಲಾಸಿಕ್ ಬೈಕ್ ಉಡುಗೊರೆ ನೀಡುವುದಾಗಿ ಟ್ವಿಟ್ಟರ್​ನಲ್ಲಿ ತಿಳಿಸಿದ್ದಾರೆ.

ರೈಲ್ವೆ ಪಾಯಿಂಟ್​ಮನ್ ಮಯೂರ್ ಶೆಳಕೆ ಸಾಹಸ ನಮ್ಮೆಲ್ಲರನ್ನೂ ವಿಷ್ಮಯಗೊಳಿಸಿದೆ. ಅವರ ಸಾಹಸಕ್ಕೆ ನಾವು ವಿನಮ್ರವಾಗಿ ತಲೆ ಬಾಗುತ್ತವೆ. ಮಯೂರ್ ಶೆಳಕೆಯನ್ನು ನಾವು ಜಾವಾ ಕ್ಲಾಸಿಕ್ ಬೈಕ್ ಉಡುಗೊರೆ ನೀಡುವ ಮೂಲಕ ಸನ್ಮಾನಿಸುತ್ತೇವೆ ಎಂದು ಅನುಪಮ್ ತರೇಜಾ ಅವರು ಟ್ವಿಟ್​ನಲ್ಲಿ ತಿಳಿಸಿದ್ದಾರೆ. ಅಲ್ಲದೇ ಮಹಿಂದ್ರಾ ಸಂಸ್ಥೆ ಎಂಡಿ ಆನಂದ ಮಹಿಂದ್ರಾ ಕೂಡ ಶಳಕೆ ಸಾಹಸ ಕೊಂಡಾಡಿದ್ದಾರೆ.

ಇದನ್ನೂ ಓದಿ: ಸರ್ವಪಕ್ಷ ಸಭೆ: ರಾಜ್ಯಪಾಲರ ಪ್ರವೇಶಕ್ಕೆ ಸಿದ್ದರಾಮಯ್ಯ ಸಿಡಿಮಿಡಿ…

ಏಪ್ರಿಲ್ 17 ರಂದು ಮಧ್ಯಾಹ್ನ ಮುಂಬೈ ಬಳಿಯ ವಾಂಗನಿ ರೈಲ್ವೆ ನಿಲ್ದಾಣದಲ್ಲಿ ಎರಡು ಮಕ್ಕಳು ರೈಲು ಹಳಿ ದಾಟುತ್ತಿದ್ದವು. ಅದರಲ್ಲಿ ಒಂದು ಸಣ್ಣ ಮಗು ಪ್ಲಾಟ್​ಪಾರ್ಮ್​ ಹತ್ತಲಾಗದೇ ಪರಿತಪಿಸುತ್ತಿತ್ತು. ಇದೇ ವೇಳೆ ರೈಲು ವೇಗವಾಗಿ ಬರುತ್ತಿದ್ದನ್ನು ಗಮನಿಸಿದ ಪಾಯಿಂಟ್​ಮನ್ ಶೆಳಕೆ ಅವರು, ಮಿಂಚಿನಂತೆ ಹೋಗಿ ಮಗುವನ್ನು ಕಾಪಾಡಿದ್ದಲ್ಲದೇ ತಾವು ಸಾವಿನ ದವಡೆಯಿಂದ ಕ್ಷಣಾರ್ಧದಲ್ಲೇ ಪಾರಾಗಿದ್ದರು. ಈ ಕುರಿತು ಶೆಳಕೆ ಅವರಿಗೆ ಮೆಚ್ಚುಗೆಯ ಮಹಾಪೂರವೇ ಹರಿದು ಬಂದಿತ್ತು. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಶೆಳಕೆ ಅವರು, ಮಗುವನ್ನು ಕಾಪಾಡಿದ ನಂತರ ನಾನು ಸುಮಾರು 20 ನಿಮಿಷ ಸ್ತಬ್ದನಾಗಿ ನಿಂತಿದ್ದೇ ಎಂದು ಹೇಳಿದ್ದಾರೆ. ಅವರ ಸಾಹಸ ಹಾಗೂ ಮಾನವೀಯ ಗುಣ ಬೆರಗು ಮೂಡಿಸಿದೆ.

https://www.vijayavani.net/corona-vaccine-waste-in-india/

https://www.vijayavani.net/a-corona-patient-in-vijayapura-hospital-door/