ರೈತರ ಕೆಂಗಣ್ಣಿಗೆ ಜಾಹ್ನವಿ ಕಪೂರ್​ ಗುರಿಯಾಗಿದ್ದು ಯಾಕೆ?

ಬಸ್ಸಿ ಪಠಾಣಾ: ಲಾಕ್​ಡೌನ್​ನಿಂದ ಮನೆಯಲ್ಲೇ ಕೂತಿದ್ದ ಬೋನಿ ಕಪೂರ್​ ಮತ್ತು ಶ್ರೀದೇವಿ ಅವರ ಮಗಳು ಜಾಹ್ನವಿ ಕಪೂರ್​, ಇದೀಗ ಮನೆಯಿಂದ ಹೊರಬಂದಿರುವುದಷ್ಟೇ ಅಲ್ಲ, ಚಿತ್ರೀಕರಣದಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ. 'ಗುಡ್​ಲಕ್​ ಜೆರ್ರಿ' ಎಂಬ ಚಿತ್ರಕ್ಕಾಗಿ ಪಂಜಾಬ್​ನ ಬಸ್ಸಿ ಪಠಾಣಾ ನಗರದಲ್ಲಿ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದಾರೆ. ಈ ಮಧ್ಯೆ, ರೈತರ ಕೆಂಗಣ್ಣಿಗೆ ಗುರಿಯಾಗಿದ್ದರಿಂದ ಅವರು ಚಿತ್ರೀಕರಣ ನಿಲ್ಲಿಸುವ ಪ್ರಸಂಗ ಇತ್ತೀಚೆಗೆ ನಡೆದಿದೆ.

ಇದನ್ನೂ ಓದಿ: ‘ಸಲಾರ್ ಚಿತ್ರತಂಡದಿಂದ ಬಂತು ಇನ್ನೊಂದು ಸುದ್ದಿ …

ಕಳೆದ ಕೆಲವು ದಿನಗಳಿಂದ ಪಂಜಾಬ್​ನಲ್ಲಿ ರೈತರ ಚಳವಳಿ ನಡೆಯುತ್ತಿರುವುದು ಗೊತ್ತೇ ಇದೆ. ಆದರೆ, ಇದೆಲ್ಲದರಿಂದ ದೂರವೇ ಇರುವ ಜಾಹ್ನವಿ, ತಮ್ಮ ಪಾಡಿಗೆ ತಾವು ಚಿತ್ರೀಕರಣದಲ್ಲಿ ನಿರತರಾಗಿದ್ದಾರೆ. ಈ ಸಂದರ್ಭದಲ್ಲಿ ಚಿತ್ರೀಕರಣ ಸ್ಥಳಕ್ಕೆ ಭೇಟಿ ನೀಡಿದ ಒಂದಿಷ್ಟು ರೈತರ ಗುಂಪು, ತಮ್ಮ ಚಳವಳಿಗೆ ಸಹಕಾರ ನೀಡಬೇಕು ಎಂದು ಕೇಳಿದ್ದಾರೆ. ಇದರಿಂದ ಒಂದಿಷ್ಟು ಸಮಯ ಚಿತ್ರೀಕರಣ ನಿಂತಿದೆ. ಹಾಗಂತ ಯಾರಿಗೂ, ಏನೂ ಸಮಸ್ಯೆಯಾಗಲಿಲ್ಲವಂತೆ.

ಈ ಕುರಿತು ಮಾತನಾಡಿರುವ ಅಲ್ಲಿನ ಪೊಲೀಸ್​ ವರಿಷ್ಠರು, 'ಯಾವುದೇ ಅಹಿತಕರ ಘಟನೆಯೂ ನಡೆದಿಲ್ಲ. ಅವರೆಲ್ಲ ಶಾಂತರೀತಿಯಲ್ಲಿ ನಡೆದುಕೊಂಡರು. ಅವರಿಗೆ ಬೇಕಾಗಿದ್ದು, ಸಹಕಾರವಷ್ಟೇ. ಸಿನಿಮಾದವರು ಸಹಕಾರ ಕೊಡುತ್ತೀನಿ ಎಂದು ಭರವಸೆ ಕೊಟ್ಟ ನಂತರ ಎಲ್ಲವೂ ಬಗೆಹರಿಯಿತು. ಅಲ್ಲಿ ಯಾವುದೇ ಸಮಸ್ಯೆ ಆಗಿಲ್ಲ' ಎಂದು ಹೇಳಿಕೊಂಡಿದ್ದಾರೆ.

ಅದಕ್ಕೆ ಸರಿಯಾಗಿ ಜಾಹ್ನವಿ ಕಪೂರ್​ ಸಹ ತಮ್ಮ ಇನ್​ಸ್ಟಾಗ್ರಾಂ ಖಾತೆಯ ಮೂಲಕ ರೈತರೇ ಈ ದೇಶದ ಬೆನ್ನೆಲುಬು ಎಂದು ಹೇಳಿಕೊಂಡಿದ್ದಾರೆ. ಈ ಕುರಿತು ಬರೆದುಕೊಂಡಿರುವ ಅವರು, 'ರೈತರು ಈ ದೇಶದ ಆತ್ಮ. ಜನರ ಹೊಟ್ಟೆ ತುಂಬಿಸುವಲ್ಲಿ ಅವರ ಪಾತ್ರ ಮಹತ್ವದ್ದು. ರೈತರಿಗೆ ಅನುಕೂಲವಾಗುವಂತ ನಿರ್ಣಯಗಳು ಆದಷ್ಟು ಬೇಗ ತೆಗೆದುಕೊಳ್ಳಲಾಗುತ್ತದೆ ಎಂಬ ನಿರೀಕ್ಷೆಯಲ್ಲಿ' ಎಂದು ಅವರು ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: ‘ಕಬ್ಜ’ ಚಿತ್ರಕ್ಕೆ ಸುದೀಪ್​ ಸೇರ್ಪಡೆ; ಸಂತಸ ಹಂಚಿಕೊಂಡ ಕಿಚ್ಚ …

ಈ ಹಿಂದೆ 'ತನು ವೆಡ್ಸ್​ ಮನು', 'ರಾಂಜಾನ್ಹಾ' ಮುಂತಾದ ಚಿತ್ರಗಳನ್ನು ನಿರ್ದೇಶಿಸುತ್ತಿರುವ ಆನಂದ್​ ಎಲ್​ ರೈ, ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ.

https://www.vijayavani.net/jayanth-seeges-attempt-to-meet-shahrukh-khan/