ನವದೆಹಲಿ: ಕಳೆದ ಐಪಿಎಲ್ 16ನೇ ಆವೃತ್ತಿಯ ವೇಳೆ ಜಾಹೀರಾತುಗಳಿಂದಲೇ ಬರೋಬ್ಬರಿ 10,120 ಕೋಟಿ ರೂ. ಆದಾಯ ಹರಿದು ಬಂದಿದೆ. ‘ರೆಡ್ಸೀರ್ ಸ್ಟ್ರಾಟಜಿ ಕನ್ಸಲ್ಟಟಂಟ್ಸ್’ ಎಂಬ ವಾಣಿಜ್ಯ ಸಲಹಾ ಸಂಸ್ಥೆ ನಡೆಸಿದ ಅಧ್ಯಾಯನದ ಪ್ರಕಾರ, ಈ ಪೈಕಿ ಶೇ. 65ರಷ್ಟು ಮೊತ್ತ ಬಿಸಿಸಿಐ, ಐಪಿಎಲ್ ಫ್ರಾಂಚೈಸಿಗಳು ಮತ್ತು ಪ್ರಸಾರ ಸಂಸ್ಥೆಗಳಿಗೆ ನೇರ ಆದಾಯದ ರೂಪದಲ್ಲಿ ಬಂದಿದ್ದರೆ, ಉಳಿದ ಮೊತ್ತವನ್ನು ಪರೋಕ್ಷವಾಗಿ ಗಳಿಸಿದೆ.
ಸಾಮಾಜಿಕ ಜಾಲತಾಣ ಮತ್ತು ಇತರ ಇಂಟರ್ನೆಟ್ ಪ್ಲಾಟ್ಫಾರ್ಮ್ಗಳಿಂದ ಈ ಪರೋಕ್ಷ ಜಾಹೀರಾತು ಆದಾಯ ಲಭಿಸಿದೆ. ಪ್ರಸಾರ ಸಂಸ್ಥೆಗಳಾದ ಸ್ಟಾರ್ ಸ್ಪೋರ್ಟ್ಸ್ ಮತ್ತು ಜಿಯೋ ಸಿನಿಮಾ, ಜಾಹೀರಾತುಗಳಿಂದ 4,700 ಕೋಟಿ ರೂ. ಆದಾಯ ಗಳಿಸಿದ್ದರೆ, ಫ್ರಾಂಚೈಸಿಗಳು 1,450 ಕೋಟಿ ರೂ. ಮತ್ತು ಬಿಸಿಸಿಐ 430 ಕೋಟಿ ರೂ. ಆದಾಯ ಗಳಿಸಿದೆ.
ಫ್ಯಾಂಟಸಿ ಕ್ರೀಡಾ ಫ್ಲಾಟ್ಫಾರ್ಮ್ಗಳು ಐಪಿಎಲ್ ವೇಳೆ 2,800 ಕೋಟಿ ರೂ. ಆದಾಯ ಗಳಿಸಿವೆ ಎಂದು ‘ರೆಡ್ಸೀರ್’ ವರದಿ ತಿಳಿಸಿದೆ.
ಭಾರತ-ವಿಂಡೀಸ್ ಕ್ರಿಕೆಟ್ ಸರಣಿಯನ್ನು ಯಾವ ಆ್ಯಪ್ನಲ್ಲಿ ಉಚಿತವಾಗಿ ವೀಕ್ಷಿಸಬಹುದು ಗೊತ್ತೇ?
ವಿಂಬಲ್ಡನ್ನಲ್ಲಿ ಒಳಉಡುಪಿನ ನಿಯಮ ಸಡಿಲ; ಟೆನಿಸ್ ಆಟಗಾರ್ತಿಯರು ಈಗ ನಿರಾಳ!