ಸಿಎಸ್​ಕೆ ವಿರುದ್ಧ ಹೀನಾಯ ಸೋಲು: ಜಿಟಿ ಕ್ಯಾಪ್ಟನ್​ ಶುಭಮನ್​ ಗಿಲ್​ ಕಾಮೆಂಟ್ಸ್​ ವೈರಲ್​! Shubman Gill

Shubman Gill: ಪ್ರಸ್ತುತ ನಡೆಯುತ್ತಿರುವ 18ನೇ ಆವೃತ್ತಿಯ ಐಪಿಎಲ್​ ಟೂರ್ನಿಯಲ್ಲಿ ಪ್ಲೇಆಫ್‌ಗೆ ಅರ್ಹತೆ ಪಡೆಯದ ಚೆನ್ನೈ ಸೂಪರ್ ಕಿಂಗ್ಸ್ ತಂಡವು ಗುಜರಾತ್ ಟೈಟಾನ್ಸ್ ತಂಡಕ್ಕೆ ಅಂತಿಮ ಹಂತದಲ್ಲಿ ಭಾರೀ ಹೊಡೆತ ನೀಡಿದೆ. ಇದರ ಪರಿಣಾಮ, ಪ್ರಸ್ತುತ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವ ಗುಜರಾತ್ ತಂಡವು ಟಾಪ್ -2 ರಲ್ಲಿ ತನ್ನ ಸ್ಥಾನವನ್ನು ಕಳೆದುಕೊಳ್ಳುವ ಪರಿಸ್ಥಿತಿ ಎದುರಿಸುತ್ತಿದೆ. ಭಾನುವಾರ ನಡೆದ ಲೀಗ್​ ಪಂದ್ಯದಲ್ಲಿ ಸಿಎಸ್​ಕೆ ತಂಡ ಗುಜರಾತ್​ ಟೈಟಾನ್ಸ್ ವಿರುದ್ಧ 83 ರನ್‌ಗಳ ಭರ್ಜರಿ ಜಯ ಸಾಧಿಸಿತು.

ಮೊದಲು ಬ್ಯಾಟಿಂಗ್ ಮಾಡಿದ ಧೋನಿ ಪಡೆ ನಿಗದಿತ ಓವರ್‌ಗಳಲ್ಲಿ ಐದು ವಿಕೆಟ್ ನಷ್ಟಕ್ಕೆ 230 ರನ್ ಗಳಿಸಿತು. ಬೃಹತ್ ಗುರಿಯನ್ನು ಬೆನ್ನಟ್ಟಲು ಬ್ಯಾಟಿಂಗ್ ಆರಂಭಿಸಿದ ಗುಜರಾತ್ ತಂಡ ಆರಂಭದಿಂದಲೇ ವಿಕೆಟ್ ಕಳೆದುಕೊಂಡಿತು. ಪರಿಣಾಮವಾಗಿ 18.3 ಓವರ್‌ಗಳಲ್ಲಿ 147 ರನ್‌ಗಳಿಗೆ ಆಲೌಟ್ ಆಯಿತು.

ಈ ಪಂದ್ಯದಲ್ಲಿ ಸೋಲಿನ ನಂತರವೂ ಗುಜರಾತ್ ತಂಡ ಪಾಯಿಂಟ್ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಆದರೆ, ಮೇ 27 ರಂದು ಲಖನೌ ಸೂಪರ್ ಜೈಂಟ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಡುವಿನ ಪಂದ್ಯದಲ್ಲಿ ಆರ್‌ಸಿಬಿ ಗೆದ್ದರೆ, ಗುಜರಾತ್ ಅಗ್ರ-2 ರಲ್ಲಿ ತನ್ನ ಸ್ಥಾನವನ್ನು ಕಳೆದುಕೊಳ್ಳುತ್ತದೆ.

ಇದನ್ನೂ ಓದಿ: ತೇಜ್ ಪ್ರತಾಪ್ ಗೆಳತಿ ಲಾಲು ಕುಟುಂಬದಲ್ಲೇ ಒಂದು ನಿಗೂಢ! ಯಾರು ಈ ಅನುಷ್ಕಾ ಯಾದವ್? Anushka Yadav

ಚೆನ್ನೈ ವಿರುದ್ಧದ ಸೋಲಿನ ನಂತರ, ಶುಭಮನ್ ಗಿಲ್ ಕೆಲವು ಪ್ರಮುಖ ಹೇಳಿಕೆಗಳನ್ನು ನೀಡಿದರು. ಪವರ್ ಪ್ಲೇನಲ್ಲಿ ಪಂದ್ಯವು ನಮ್ಮಿಂದ ದೂರವಾಗಲಿದೆ ಎಂದು ನಮಗೆ ತಿಳಿದಿತ್ತು. ಆ ಕ್ಷಣದಿಂದ ನಾವು ಪಂದ್ಯಕ್ಕೆ ಹಿಂತಿರುಗಲು ಸಾಧ್ಯವಿಲ್ಲ ಎಂದು ನಮಗೆ ಅನಿಸಿತು. 230 ರನ್‌ಗಳ ಬೃಹತ್ ಗುರಿಯನ್ನು ಬೆನ್ನಟ್ಟುವುದು ಯಾವಾಗಲೂ ಕಷ್ಟ. ಈಗಾಗಲೇ ಐಪಿಎಲ್​ನಿಂದ ಹೊರಬಿದ್ದಿರುವ ತಂಡಗಳಿಗೆ ಕಳೆದುಕೊಳ್ಳಲು ಏನೂ ಇಲ್ಲ. ಇದೇ ಅವರನ್ನು ಬಲಿಷ್ಠವಾಗಿ ಮತ್ತು ಯಾವುದೇ ಒತ್ತಡವಿಲ್ಲದೆ ಆಡುವಂತೆ ಮಾಡುತ್ತದೆ. ಒತ್ತಡದಲ್ಲಿ ನಾವು ಶಾಂತವಾಗಿ ಆಡಲು ಸಾಧ್ಯವಾಗಲಿಲ್ಲ. ಕಳೆದ ಎರಡು ಪಂದ್ಯಗಳಲ್ಲಿ ನಾವು ಅದನ್ನು ತಪ್ಪಿಸಿಕೊಂಡಿದ್ದೇವೆ ಎಂದು ಗಿಲ್ ಹೇಳಿದರು.

ಆರ್​ಸಿಬಿ ಫ್ಯಾನ್ಸ್​ಗೆ ಖುಷಿ

ಅಂದಹಾಗೆ, ಇದೊಂದು ಪಂದ್ಯ ಗುಜರಾತ್​ ಟೈಟನ್ಸ್​ ಅಭಿಮಾನಿಗಳಿಗಿಂತ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಫ್ಯಾನ್ಸ್​ ಬಳಗಕ್ಕೆ ಕುತೂಹಲಕಾರಿ ಪಂದ್ಯವಾಗಿತ್ತು. ಕಾರಣ, ಈ ನಿರ್ಣಾಯಕ ಪಂದ್ಯದಲ್ಲಿ ಗುಜರಾತ್​ ಟೈಟನ್ಸ್ ಸೋತರೆ ಆರ್​ಸಿಬಿಗೆ ಐಪಿಎಲ್​ ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನ ಗಿಟ್ಟಿಸಿಕೊಳ್ಳುವ ಅವಕಾಶ ಇನ್ನೂ ಜೀವಂತವಾಗಲಿದೆ. ಇದು ಆರ್​ಸಿಬಿ ಫ್ಯಾನ್ಸ್​ಗಳ ಹಪಾಹಪಿಯಾಗಿತ್ತು. ಸಿಎಸ್​ಕೆ ಹೇಗಾದರೂ ಮಾಡಿ ಜಿಟಿ ತಂಡವನ್ನು ಮಣಿಸಲಿ ಎಂದು ಕುಳಿತಲ್ಲೇ ಬೇಡಿಕೊಳ್ಳುತ್ತಿದ್ದರು. ಅಂತೆಯೇ ಸಿಎಸ್​ಕೆ 83 ರನ್​ಗಳ ಜಯ ಸಾಧಿಸಿ, ಆರ್​ಸಿಬಿ ಅಭಿಮಾನಿಗಳ ಆಸೆಯನ್ನು ಗೆಲುವಿನ ಜೊತೆಯಲ್ಲೇ ಈಡೇರಿಸಿದೆ. (ಏಜೆನ್ಸೀಸ್​)

https://www.vijayavani.net/shubman-gill-do-you-know-how-much-is-the-net-worth-of-team-indias-new-test-captain-shubman-gill

https://www.vijayavani.net/ayush-mathre-hits-powerful-shots-in-against-gt