ಹುಲಿಗಳ ವಿಶೇಷ ಗುಣವೆಂದರೆ, ತನ್ನ ಬೇಟೆಯ ಜನಸಂಖ್ಯೆಯನ್ನು ನಿಯಂತ್ರಿಸುತ್ತವೆ. ಅಂದರೆ, ಅಗತ್ಯಕ್ಕೆ ತಕ್ಕಂತೆ ಮಾತ್ರ ಬೇಟೆಯಾಡುತ್ತವೆ. ಕಾಡುಗಳಾದ್ಯಂತ ಇತರೆ ಜಾತಿಯ ಪ್ರಾಣಿಗಳ ಸಮತೋಲನವನ್ನು ಖಚಿತಪಡಿಸಿಕೊಂಡು ಪರಿಸರ ವ್ಯವಸ್ಥೆಯಲ್ಲಿ ಯಾವುದೇ ಅಸಮತೋಲನ ಆಗದಂತೆ ಬೇಟೆಯಾಡುತ್ತದೆ. ಇನ್ನು ಸುಲಭವಾಗಿ ಹೇಳಬೇಕೆಂದರೆ ಹುಲಿಗಳು ತನಗೆ ಬೇಕಾದಾಗ ಅಂದರೆ, ಹಸಿವಾದಾಗ ಮಾತ್ರ ಬೇಟೆಯಾಡುತ್ತವೆ. ಉಳಿದ ಸಯಮದಲ್ಲಿ ಯಾವುದೇ ಪ್ರಾಣಿಗಳಿಗೆ ಇದು ಹಾನಿ ಮಾಡುವುದಿಲ್ಲ. ಒಟ್ಟಾರೆ ಕಾಡಿನ ವ್ಯವಸ್ಥೆಯನ್ನು ಹಾಳು ಮಾಡದೇ ಸಮತೋಲನ ಕಾಯ್ದುಕೊಳ್ಳುತ್ತದೆ. ಆದರೆ, ಮನುಷ್ಯನ ವಿಚಾರದಲ್ಲಿ ಇದು ತದ್ವಿರುದ್ಧವಾಗಿದೆ. ದುರಾಸೆ ತುಂಬಿದ ಮನಷ್ಯನಿಗೂ ಹುಲಿಗೂ ಬಹಳ ವ್ಯತ್ಯಾಸವಿದೆ.
