ವಂದೇ ಭಾರತ ಯೋಜನೆಯಡಿ ಜು.22ರಿಂದ ಅಮೆರಿಕಕ್ಕೆ ವಿಮಾನ ಸೌಲಭ್ಯ

ನವದೆಹಲಿ: ವಂದೇ ಭಾರತ ಯೋಜನೆಯ 4ನೇ ಹಂತದ ಭಾಗವಾಗಿ ಭಾರತದಿಂದ ಅಮೆರಿಕಕ್ಕೆ ಅಂತಾರಾಷ್ಟ್ರೀಯ ವೈಮಾನಿಕ ಸೇವೆ ಒದಗಿಸಲು ಏರ್​ ಇಂಡಿಯಾ ಸಜ್ಜಾಗಿದೆ. ಈ ಸೇವೆಗಾಗಿ ಬುಕ್ಕಿಂಗ್​ ಈಗಾಗಲೆ ಆರಂಭವಾಗಿದ್ದು, ಜು.22ರಿಂದ ವಿಮಾನ ಸಂಚಾರ ಆರಂಭವಾಗಲಿದೆ ಎಂದು ಸಂಸ್ಥೆ ಘೋಷಿಸಿದೆ.

ಈ ಬಗ್ಗೆ ಟ್ವಿಟ್ಟರ್​ನಲ್ಲಿ ಹೇಳಿಕೆ ನೀಡಿರುವ ಏರ್​ ಇಂಡಿಯಾ, ಜು.22ರಿಂದ ಆರಂಭವಾಗಿ ಆಗಸ್ಟ್​ 31ರವರೆಗೆ ಅಮೆರಿಕಕ್ಕೆ 180 ವಿಮಾನಗಳ ಸಂಚಾರ ಏರ್ಪಡಿಸಲಾಗುವುದು. ಹೈದರಾಬಾದ್​, ಚೆನ್ನೈ, ಬೆಂಗಳೂರು, ಕೊಚ್ಚಿ, ಮುಂಬೈ ಮತ್ತು ಅಹಮದಾಬಾದ್​ನಿಂದ ಅಮೆರಿಕಕ್ಕೆ ಹೋಗಲು ಈ ಸೌಲಭ್ಯ ಬಳಸಿಕೊಳ್ಳಬಹುದು ಎಂದು ಹೇಳಿದೆ.

ಇದನ್ನೂ ಓದಿ: ಟಿ20 ವಿಶ್ವಕಪ್ ಮುಂದೂಡಿದ ಐಸಿಸಿ; ಐಪಿಎಲ್ ಹಾದಿ ಸುಗಮ…

ಈ ಬಗ್ಗೆ ಪ್ರತಿಕ್ರಿಯಿಸಿರುವ ನಾಗರಿಕ ವಿಮಾನಯಾನ ಸಚಿವಾಲಯ, ವಿದೇಶದಲ್ಲಿರುವ ಭಾರತೀಯರನ್ನು ಸ್ವದೇಶಕ್ಕೆ ಕರೆತರಲು ಭಾರತ ಸರ್ಕಾರ ಏರ್ಪಡಿಸಿರುವ ವಂದೇ ಭಾರತ ಯೋಜನೆಯ ರೀತಿಯಲ್ಲಿ ತಮ್ಮ ವಿಮಾನಗಳನ್ನು ಭಾರತಕ್ಕೆ ಕಳುಹಿಸಲು ಅವಕಾಶ ನೀಡುವಂತೆ ಅಮೆರಿಕ, ಫ್ರಾನ್ಸ್​ ಮತ್ತು ಜರ್ಮನಿಗಳಿಂದ ಬೇಡಿಕೆ ಬಂದಿದೆ. ಸದ್ಯಕ್ಕೆ ಈ ಬೇಡಿಕೆಯನ್ನು ಪರಿಶೀಲಿಸಲಾಗುತ್ತಿದೆ ಎಂದು ತಿಳಿಸಿದೆ.

ವಿದೇಶದಲ್ಲಿ ಸಿಲುಕಿಕೊಂಡಿರುವ ಭಾರತೀಯರನ್ನು ಭಾರತಕ್ಕೆ ಕರೆತರಲು ನಾಲ್ಕನೇ ಹಂತದ ವಂದೇ ಭಾರತ್​ ಯೋಜನೆ ಜು.3ರಿಂದ ಜಾರಿಯಲ್ಲಿದೆ. ಈ ಸೌಲಭ್ಯವನ್ನು ಬಳಸಿಕೊಳ್ಳಲು ಜನರು ಪೂರ್ವನಿಗಿದಿತ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ.

https://www.vijayavani.net/https-www-vijayavani-net-oxford-scientists-mull-vaccine-as-nasal-spray-ready-by-october/