VIDEO| ಬಾಲಿವುಡ್​ ಸಿನಿಮಾದಿಂದ ಉತ್ತೇಜನಗೊಂಡು ಬಾಲ್ಕನಿಯಿಂದ ಜಿಗಿದ ವಿದ್ಯಾರ್ಥಿ

ಕಾನ್ಪುರ: ಮೂರನೇ ತರಗತಿ ವಿದ್ಯಾರ್ಥಿಯೋರ್ವ ಸಿನಿಮಾದಿಂದ ಉತ್ತೇಜನಗೊಂಡು ಶಾಲೆಯ ಮಹಡಿಯಿಂದ ಬಿದ್ದು ಗಂಭೀರವಾಗಿ ಗಾಯಮಾಡಿಕೊಂಡಿರುವ ಘಟನೆ ಉತ್ತರಪ್ರದೇಶದ ಕಾನ್ಪುರದ ಖಾಸಗಿ ಶಾಲೆಯೊಂದರಲ್ಲಿ ನಡೆದಿದೆ.

ಕಾನ್ಪುರದ ವೀರೇನ್​ ಸ್ವರೂಪ್​ ಶಾಲೆಯಲ್ಲಿ ಘಟನೆ ನಡೆದಿದ್ದು, ಬಾಲಕನ ದುಸಾಹಸದ ದೃಶ್ಯ ಎಲ್ಲೆಡೆ ವೈರಲ್​ ಆಗಿದೆ. ಬಾಲಕನ ಸ್ಥಿತಿ ಚಿಂತಾಜನಕವಾಗಿದ್ದು, ತೀವ್ರ ನಿಗಾ ಘಟಕದಲ್ಲಿ ಇರಿಸಿ ಚಿಕಿತ್ಸೆ ಕೊಡಲಾಗುತ್ತಿದೆ.

ಸಿನಿಮಾದಿಂದ ಉತ್ತೇಜನ

ಘಟನೆಯ ಕುರಿತು ಪ್ರತಿಕ್ರಿಯಿಸಿರುವ ಶಾಲೆಯ ಪ್ರಾಂಶುಪಾಲರಾದ ನಂದಿತ ಮಾಲಿ ಗಾಯಗೊಂಡಿರುವ ಬಾಲಕ ಉದ್ಯಮಿಯೊಬ್ಬರ ಪುತ್ರನಾಗಿದ್ದು, ಕಳೆದ ವಾರ ಆತ ಬಾಲಿವುಡ್​ನ ಹಿಟ್​ ಸಿನಿಮಾ ಕ್ರಿಶ್​ನನ್ನು ನೋಡಿ ಚಿತ್ರದಲ್ಲಿ ಮಾಡಲಾದ ಸಾಹಸ ದೃಶ್ಯಗಳಿಂದ ಉತ್ತೇಜನಗೊಂಡಿದ್ದಾಗಿ ಆತನ ತಾಯಿ ಬಳಿ ಹೇಳಿಕೊಂಡಿದ್ದಾನೆ.

ಇದನ್ನೂ ಓದಿ: ಸಾರಿಗೆ ಸಿಬ್ಬಂದಿ ಸಮಯಪ್ರಜ್ಞೆಯಿಂದ ಪಾರಾದ ರೋಗಿ; ವ್ಯಾಪಕ ಮೆಚ್ಚುಗೆ

ಬಳಿಕ ಶಾಲೆಯಲ್ಲಿ ತನ್ನ ಸ್ನೇಹಿತರ ಬಳಿ ಈ ವಿಚಾರವನ್ನು ಹಂಚಿಕೊಂಡಿದ್ದು, ನೀರು ಕುಡಿಯುವ ನೆಪದಲ್ಲಿ ಸಹಪಾಠಿಗಳ ಜೊತೆ ತರಗತಿಯಿಂದ ಹೊರ ಬಂದಿದ್ದಾನೆ. ಬಳಿಕ ತನ್ನ ಜೊತೆ ಧುಮ್ಮುಕುವಂತೆ ತನ್ನ ಸ್ನೇಹಿತರಿಗೆ ಹೇಳಿದ್ದಾನೆ. ಬಾಲಕನ ಮಾತನ್ನು ಲೆಕ್ಕಿಸದೆ ಆತನ ಸ್ನೇಹಿತರು ತಮ್ಮ ಪಾಡಿಗೆ ತಾವು ಹೊರಟು ಹೋಗಿದ್ದಾರೆ.

ಈ ವೇಳೆ ಬಾಲಕ ಮೊದಲನೇ ಮಹಡಿಯಿಂದ ಧುಮುಕ್ಕಿದ್ದು ಘಟನೆಯ ಸಂಪೂರ್ಣ ದೃಶ್ಯ ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಗಾಯಾಳುವನ್ನು ಆಸ್ಪತ್ರೆಗೆ ದಾಖಲಿಸಿ ಆತನ ಪೋಷಕರಿಗೆ ಮಾಹಿತಿ ನೀಡಲಾಗಿದೆ ಎಂದು ಶಾಲೆಯ ಪ್ರಾಂಶುಪಾಲರಾದ ನಂದಿತ ಮಾಲಿ ತಿಳಿಸಿದ್ದಾರೆ.

https://www.vijayavani.net/china-is-drilling-another-10000-meter-hole

https://www.vijayavani.net/bajarangdal-condemns-government-order