60 ಸೆಕೆಂಡ್‌ಗಳಲ್ಲಿ ತನ್ನ ನಾಲಿಗೆಯಿಂದ 57 ಫ್ಯಾನ್‌ಗಳ ರೆಕ್ಕೆ ನಿಲ್ಲಿಸಿ ಗಿನ್ನಿಸ್ ವಿಶ್ವ ದಾಖಲೆ ಬರೆದ ಭಾರತೀಯ

ನವದೆಹಲಿ: ತೆಲಂಗಾಣದ ಸೂರ್ಯಪೇಟ್‌ನ ವ್ಯಕ್ತಿಯೊಬ್ಬ 60 ಸೆಕೆಂಡ್‌ಗಳಲ್ಲಿ ತನ್ನ ನಾಲಿಗೆಯಿಂದ 57 ಎಲೆಕ್ಟ್ರಿಕ್ ಫ್ಯಾನ್‌ಗಳನ್ನು ನಿಲ್ಲಿಸುವ ಮೂಲಕ ಗಿನ್ನಿಸ್ ವಿಶ್ವ ದಾಖಲೆ ಮಾಡಿದ್ದಾನೆ. ಇದೀಗ ಇತನ ವಿಡಿಯೋ ಸಾಮಾಜಿಕ ಜಾಲತಾಣಲ್ಲಿ ಭಾರಿ ವೈರಲ್​ ಆಗಿದೆ.

ಭಾರತದ ಕ್ರಾಂತಿ ಕುಮಾರ್ ಪಣಿಕೇರ ಎಂಬುವರ ಈ ಸಾಧನೆ ಮಾಡಿದವರು. ಇತನ ಈ ಕೌಶಲದ ಅದ್ಭುತ ಪ್ರದರ್ಶನದಿಂದ ಪ್ರೇಕ್ಷಕರು ಆಶ್ಚರ್ಯಚಕಿತರಾಗುತ್ತಿದ್ದಾರೆ. ಗಿನ್ನಿಸ್​ ವರ್ಲ್ಡ್ ರೆಕಾರ್ಡ್ಸ್ (ಜಿಡಬ್ಲ್ಯೂಆರ್) ಹಂಚಿಕೊಂಡಿರುವ ವೈರಲ್ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

ಇದನ್ನೂ ಓದಿ: ಪ್ರೇಮಿಗಳ ದಿನಕ್ಕೆ ಭುವನಂ ಗಗನಂ; ಪೃಥ್ವಿ ಅಂಬರ್​, ಪ್ರಮೋದ್​ ನಟಿಸಿರುವ ಫ್ಯಾಮಿಲಿ ಡ್ರಾಮಾ

ವಿಡಿಯೋದಲ್ಲಿ ಏನಿದೆ?

ಒಂದು ನಿಮಿಷದ ಮೂವತ್ತೊಂಬತ್ತು ಸೆಕೆಂಡುಗಳ ವೀಡಿಯೋದಲ್ಲಿ 60 ಸೆಕೆಂಡ್‌ಗಳಲ್ಲಿ ತನ್ನ ನಾಲಿಗೆಯಿಂದ 57 ಎಲೆಕ್ಟ್ರಿಕ್ ಫ್ಯಾನ್‌ಗಳನ್ನು ದೇಹದ ಅತ್ಯಂತ ಶಕ್ತಿಶಾಲಿ ಸ್ನಾಯುಗಳಲ್ಲಿ ಒಂದಾದ ನಾಲಿಗೆಯೊಂದಿಗೆ ನಿಲ್ಲಿಸಿದಂತೆ ತೋರಿಸುತ್ತದೆ. ಈ ಸಾಧನೆಯು ನೋಡುಗರನ್ನು ಆಚ್ಚರಿಗೊಳಿಸುವುದರ ಜತೆಗೆ ಎಲ್ಲರ ಹುಬ್ಬೆರಿಸುವಂತೆ ಮಾಡಿದ್ದಾನೆ.

ವೈರಲ್ ವೀಡಿಯೊ 14.7 ಮಿಲಿಯನ್ ವೀಕ್ಷಣೆಗಳು, 23 ಸಾವಿರ ಇಷ್ಟಗಳು ಮತ್ತು ಹಲವಾರು ಕಾಮೆಂಟ್‌ಗಳನ್ನು ಸಂಗ್ರಹಿಸಿದೆ. ಸಾಮಾಜಿಕ ಮಾಧ್ಯಮ ಬಳಕೆದಾರರು ಪಣಿಕೇರಾ ಅವರ ಸಾಧನೆಗೆ ಸ್ವಾಗತಿಸಿ, ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.(ಏಜೆನ್ಸೀಸ್​)

https://www.vijayavani.net/a-grandmother-is-willing-to-receive-her-sons-blood-cells-to-stay-young-forever-is-this-an-experiment-for-a-47-year-old-woman