ಕಿರಿಯರ ವಿಶ್ವಕಪ್​ನಲ್ಲಿ ಭಾರತದ ಕನಸು ಭಗ್ನ; ನಾಲ್ಕನೇ ಬಾರಿಗೆ ಚಾಂಪಿಯನ್​ ಪಟ್ಟ ಅಲಂಕರಿಸಿದ ಆಸೀಸ್​

ಬೆನೋನಿ: ಇಲ್ಲಿನ ವಿಲೋಮೂರ್ ಪಾರ್ಕ್ನಲ್ಲಿ ನಡೆದ ಕಿರಿಯರ ಏಕದಿನ ವಿಶ್ವಕಪ್​ ಫಿನಾಲೆಯಲ್ಲಿ ಟೀಂ ಇಂಡಿಯಾ ಸೋತಿದ್ದು, ಆಸ್ಟ್ರೇಲಿಯಾ ಕಪ್​ಅನ್ನು ನಾಲ್ಕನೇ ಬಾರಿಗೆ ಮುಡಿಗೇರಿಸಿಕೊಂಡಿದೆ. ಈ ಮೂಲಕ ಒಂದೇ ವರ್ಷದ ಅವಧಿಯಲ್ಲಿ ಎರಡು ಬಾರಿ ವಿಶ್ವಕಪ್​ ಗೆದ್ದ ಸಾಧನೆ ಮಾಡಿದೆ.

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಮಾಡಿದ ಆಸ್ಟ್ರೇಲಿಯಾ ಹರ್ಜಾಸ್​ ಸಿಂಗ್​ (55 ರನ್, 64 ಎಸೆತ, 3 ಬೌಂಡರಿ, 3 ಸಿಕ್ಸರ್​), ಆಲಿವರ್​ ಪೀಕ್​ (46 ರನ್, 43 ಎಸೆತ, 2 ಬೌಂಡರಿ, 1 ಸಿಕ್ಸರ್​) ಬಿರುಸಿನ ಬ್ಯಾಡಿಂಗ್​ ಫಲವಾಗಿ 50 ಓವರ್​ಗಳಲ್ಲಿ 7 ವಿಕೆಟ್​ ನಷ್ಟಕ್ಕೆ 253 ರನ್​ ಗಳಿಸಿತ್ತು. ಟೀಂ ಇಂಡಿಯಾ ಪರ ರಾಜ್​ ಲಿಂಬಾನಿ (10-0-38-3), ನಮನ್​ ತಿವಾರಿ (9-0-63-2), ಸೌಮಿ ಪಾಂಡೆ (10-0-41-1), ಮುಶೀರ್​ ಖಾನ್​ (9-0-46-1) ರನ್​ ನೀಡಿ ವಿಕೆಟ್​ ಪಡೆದಿದ್ದಾರೆ.

254 ರನ್​ಗಳ ಗುರಿ ಬೆನ್ನತ್ತಿದ್ದ ಟೀಂ ಇಂಡಿಯಾ ಆದರ್ಶ್​ ಸಿಂಗ್ (47 ರನ್, 77 ಎಸೆತ, 4 ಬೌಂಡರಿ, 1 ಸಿಕ್ಸರ್​), ಮುರುಗನ್​ ಅಭಿಷೇಕ್​ (42 ರನ್, 46 ಎಸೆತ, 5 ಬೌಂಡರಿ, 1 ಸಿಕ್ಸರ್) ನೆರವಿನ ಫಲವಾಗಿ 43.5 ಓವರ್​ಗಳಲ್ಲಿ 174 ರನ್​ಗಳಿಗೆ ಆಲೌಟ್​ ಆಯಿತು. ಆಸ್ಟ್ರೇಲಿಯಾ ಪರ ಮಹ್ಲಿ ಬಿಯರ್ಡ್​ಮ್ಯಾನ್​ (7-2-15-3), ರ‍್ಯಾಫ್​ ಮ್ಯಾಕ್​ಮಿಲ್ಲನ್​ (10-0-43-3), ಕ್ಯಾಲೂಮ್​ ವೈಡ್ಲರ್ (10-2-35-2), ಚಾರ್ಲಿ ಆ್ಯಂಡರ್​ಸನ್​ (9-0-42-1), ಟಾಮ್​ ಸ್ಟ್ರೇಕರ್ (7.5-1-32-1) ರನ್​ ನೀಡಿ ವಿಕೆಟ್​ ಪಡೆಯುವ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ.

https://www.vijayavani.net/bjp-releases-it-candiate-list-for-upcoming-rajyasabha-elections

https://www.vijayavani.net/scooter-rider-in-bengaluru-fined-rs-3-20-lakhs-for-violating-traffic-laws

https://www.vijayavani.net/haldwani-violence-mastermind-held-in-delhi-internet-back-in-town-after-4-days