India-Pakistan tension; ಭಾರತೀಯ ಸೈನಿಕರ ಶೌರ್ಯ ಕೊಂಡಾಡಿದ ರಷ್ಯಾ ಮಹಿಳೆ: ವಿಡಿಯೋ ವೈರಲ್​

India-Pakistan tension: ದೇಶವನ್ನು ಸುರಕ್ಷಿತವಾಗಿರಿಸಿದ್ದಕ್ಕಾಗಿ ಭಾರತೀಯ ಸೇನೆಗೆ ಧನ್ಯವಾದಗಳನ್ನು ಅರ್ಪಿಸುತ್ತೇನೆ ಎಂದು ಭಾರತದ ಗುರುಗ್ರಾಮ್​ನಲ್ಲಿ ವಾಸಿಸುತ್ತಿದ್ದ ರಷ್ಯಾನ್​ ಮಹಿಳೆ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹೃತ್ಪೂರ್ವಕ ಸಂದೇಶವನ್ನು ಹಂಚಿಕೊಂಡಿದ್ದಾರೆ.

ಭಾರತ-ಪಾಕಿಸ್ತಾನ ಉದ್ವಿಗ್ನತೆಯ ನಡುವೆ, ರಷ್ಯಾದ ಮಹಿಳೆ ಪೋಲಿನಾ ಅಗರವಾಲ್ ಅವರ ವಿಡಿಯೋ ಇದೀಗ ವೈರಲ್ ಆಗಿದೆ.

ಪೋಲಿನಾ ಇನ್‌ಸ್ಟಾಗ್ರಾಮ್‌ನಲ್ಲಿ ಸುಮಾರು 93,000 ಫಾಲೋವರ್ಸ್​ ಹೊಂದಿದ್ದಾರೆ. ಭಾರತೀಯರನ್ನು ವಿವಾಹವಾದ ಅವರು ತಮ್ಮನ್ನು ತಾವು "ರಷ್ಯನ್ ಬನಿಯಾ" ಎಂದು ಕರೆದುಕೊಳ್ಳುತ್ತಾರೆ. ಅವರ ವೀಡಿಯೊ ವೈರಲ್ ಆಗಿದ್ದು, 1.27 ಲಕ್ಷ ವೀಕ್ಷಣೆಗಳನ್ನು ಗಳಿಸಿದೆ.

ಇದನ್ನೂ ಓದಿ:ಸ್ಥಳೀಯಾಡಳಿತ ಮಳೆಗಾಲದ ಸಿದ್ಧತೆ : ಹೂಳೆತ್ತುವಿಕೆ, ಅಪಾಯಕಾರಿ ಮರಗಳ ತೆರವಿಗೆ ಆದ್ಯತೆ ಅನಾಹುತ ಎದುರಿಸಲೂ ರೆಡಿ

ರಷ್ಯಾದಲ್ಲಿರುವ ತನ್ನ ಅಜ್ಜಿ ಭಾರತ-ಪಾಕಿಸ್ತಾನ ಉದ್ವಿಗ್ನತೆಯ ಸುದ್ದಿ ನೋಡಿ ಮನೆಗೆ ಮರಳಲು ಹೇಳಿದರು. ಆದರೆ, "ಯಾವ ಮನೆ?, ನಾನು ಈಗ ಭಾರತದ ಗುರುಗ್ರಾಮ್‌ನಲ್ಲಿದ್ದೇನೆ ಎಂದ ಪೋಲಿನಾ ಭಾರತೀಯ ಸೈನಿಕರ ಶೌರ್ಯ, ವಿಶಾಲ ಹೃದಯ ಮತ್ತು ಬಲವಾದ ವಾಯು ರಕ್ಷಣಾ ವ್ಯವಸ್ಥೆಗಳನ್ನು ಶ್ಲಾಘಿಸಿದರು. ಅಲ್ಲದೆ, ರಷ್ಯಾ ಒದಗಿಸಿದ ವ್ಯವಸ್ಥೆಗಳನ್ನೂ ಸಹ ಅವರು ಶ್ಲಾಘಿಸಿದ್ದಾರೆ.

ಇದನ್ನೂ ಓದಿ:ಮನೆಯಲ್ಲಿದ್ದ ಆ ಒಂದು ವಸ್ತುಗಾಗಿ ಹೋಯಿತು ಇಬ್ಬರ ಜೀವ! ಕೊಲೆಗೈದ ಆರೋಪಿ ಅರೆಸ್ಟ್​ | Elderly Couple

ಪೋಲಿನಾ ಹೇಳಿದ್ದೇನು..?

ಭಾರತೀಯ ಸೇನೆಯು ರಷ್ಯಾ ಸ್ವತಃ ಒದಗಿಸಿರುವ ಅತ್ಯಾಧುನಿಕ ಶಸ್ತ್ರಾಸ್ತ್ರಗಳು ಮತ್ತು ವಾಯು ರಕ್ಷಣಾ ವ್ಯವಸ್ಥೆಗಳನ್ನು ಹೊಂದಿದೆ. ಎಲ್ಲಾ ಡ್ರೋನ್‌ಗಳು ಅಥವಾ ಜೆಟ್‌ಗಳು ಅಥವಾ ವಿಮಾನಗಳು ಅಥವಾ ಹಾರಲು ಪ್ರಯತ್ನಿಸುವ ಯಾವುದನ್ನಾದರೂ ವಿರೋಧಿಸಲು ಅದು ಬಲಿಷ್ಠವಾಗಿದೆ" ಎಂದು ಅವರು ವೀಡಿಯೊದಲ್ಲಿ ಹೇಳಿದ್ದಾರೆ.

ಇಲ್ಲಿದೆ ನೋಡಿ ವಿಡಿಯೋ..

ಭಾರತೀಯ ಸೈನಿಕರು ಅಪಾರ ಸಮರ್ಪಣೆಯಿಂದ ನಾವು ರಾತ್ರಿಯಲ್ಲಿ ಶಾಂತಿಯುತವಾಗಿ ಮಲಗಬಹುದು. ಅವರು ತಮ್ಮ ಪ್ರಾಣವನ್ನು ಪಣಕ್ಕಿಡುತ್ತಾರೆ, ಆದ್ದರಿಂದ ನಾವು ಜೀವನವನ್ನು ನಾವು ನಡೆಸುತ್ತೇವೆ ಎಂದು ರಷ್ಯಾದ ಮಹಿಳೆ ಹೇಳುತ್ತಾರೆ.

ಕೊನೆಯದಾಗಿ ಭಾರತವನ್ನು ನನ್ನ ಶಾಂತಿಯುತ ಮನೆ ಎಂದು ಕರೆಯಲು ನಾನು ಅವರಿಗೆ ತುಂಬಾ ಕೃತಜ್ಞನಾಗಿದ್ದೇನೆ ಎಂದಿದ್ದಾರೆ. (ಏಜೆನ್ಸೀಸ್​)

https://www.vijayavani.net/pakistan-is-yet-to-give-up-pok-there-has-been-no-change-in-this-mea-spokesperson-randhir-jaiswal

https://www.vijayavani.net/india-requests-russia-to-send-additional-s-400-air-missiles