ಹೆಚ್ಚುವರಿ S-400 ವಾಯು ಕ್ಷಿಪಣಿ ಕಳುಹಿಸುವಂತೆ ರಷ್ಯಾಗೆ ಭಾರತ ಮನವಿ!

ಪಾಕಿಸ್ತಾನ ವಿರುದ್ಧ ಆಪರೇಷನ್​ ಸಿಂಧೂರ ಸೇನಾ ಕಾರ್ಯಚರಣೆ ಯಶಸ್ವಿಯಾದ ಬೆನ್ನಲ್ಲೇ ಹೆಚ್ಚುವರಿ S-400 ವಾಯು ಕ್ಷಿಪಣಿ ಕಳುಹಿಸುವಂತೆ ಭಾರತ ರಷ್ಯಾಗೆ ಮನವಿ ಮಾಡಿದೆ ಎಂದು ಮಂಗಳವಾರ ವರದಿಯಾಗಿದೆ.

ಇದನ್ನೂ ಓದಿ:PM Narendra Modi | ಭಾರತೀಯ ಸೈನಿಕರ ಧೈರ್ಯ ಶೌರ್ಯವನ್ನು ಕೊಂಡಾಡಿದ ಪ್ರಧಾನಿ ಮೋದಿ

ಭಾರತೀಯ ಸೇನೆಯೊಂದಿಗೆ ಈಗಾಗಲೇ ಕಾರ್ಯನಿರ್ವಹಿಸುತ್ತಿರುವ ರಷ್ಯಾ ನಿರ್ಮಿತ S-400 ವ್ಯವಸ್ಥೆಗಳು, ಇತ್ತೀಚಿನ ಪಾಕ್​ ಸಂಘರ್ಷದ ಸಮಯದಲ್ಲಿ ಪಾಕಿಸ್ತಾನ ಹಾರಿಸಿದ ಕ್ಷಿಪಣಿಗಳು ಮತ್ತು ಡ್ರೋನ್‌ಗಳನ್ನು ಪ್ರತಿಬಂಧಿಸುವ(ಹೊಡೆದುರುಳಿಸುವ) ಮತ್ತು ತಟಸ್ಥಗೊಳಿಸುವಲ್ಲಿ ನಿರ್ಣಾಯಕ ಪಾತ್ರ ವಹಿಸಿವೆ. ಹೀಗಾಗಿ, ಹೆಚ್ಚುವರಿ S-400 ವಾಯು ಕ್ಷಿಪಣಿ ಕಳುಹಿಸುವಂತೆ ಭಾರತ ರಷ್ಯಾಗೆ ಮನವಿ ಮಾಡಿದೆ ವರದಿ ಉಲ್ಲೇಖಿಸಿದೆ.

ಈ ಕಾರ್ಯಕ್ಷಮತೆಯಿಂದ ಉತ್ತೇಜಿತರಾದ ಭಾರತವು ಮಾಸ್ಕೋದಿಂದ ಹೆಚ್ಚಿನ ವಿತರಣೆಗಳನ್ನು ಪಡೆಯುವ ಮೂಲಕ ತನ್ನ ವಾಯು ರಕ್ಷಣಾ ಸಾಮರ್ಥ್ಯಗಳನ್ನು ವಿಸ್ತರಿಸಲು ಮುಂದಾಗಿದೆ. ರಷ್ಯಾ ಮುಂದಿನ ದಿನಗಳಲ್ಲಿ ಈ ವಿನಂತಿಯನ್ನು ಅನುಮೋದಿಸುವ ಸಾಧ್ಯತೆಯಿದೆ ಎಂದು ಮೂಲಗಳು ತಿಳಿಸಿವೆ.

ಇದನ್ನೂ ಓದಿ:Krishna Byre Gowda | ಅಮೇರಿಕಾದವರು ಹೇಳಿದ ತಕ್ಷಣ ಕದನವಿರಾಮ ಘೋಷಣೆ ಮಾಡಿದ್ದು ‌ಸರಿಯಲ್ಲ..!

ರಷ್ಯಾ ನಿರ್ಮಿತ S-400 ವಾಯು ರಕ್ಷಣಾ ವ್ಯವಸ್ಥೆಗಳು - ಭಾರತದಲ್ಲಿ 'ಸುದರ್ಶನ ಚಕ್ರ' ಎಂದು ಕರೆಯಲ್ಪಡುತ್ತವೆ - ವಿಶ್ವದಲ್ಲೇ ಅತ್ಯಂತ ಮುಂದುವರಿದವುಗಳಲ್ಲಿ ಒಂದಾಗಿದ್ದು, 600 ಕಿಮೀ ದೂರದವರೆಗಿನ ಗುರಿಗಳನ್ನು ಪತ್ತೆಹಚ್ಚುವ ಮತ್ತು 400 ಕಿಮೀ ವ್ಯಾಪ್ತಿಯಲ್ಲಿ ಅವುಗಳನ್ನು ಪ್ರತಿಬಂಧಿಸುವ ಸಾಮರ್ಥ್ಯವನ್ನು ಹೊಂದಿವೆ.(ಏಜೆನ್ಸೀಸ್​)

https://www.vijayavani.net/this-is-the-new-india-war-is-inevitable-to-save-human-lives-modi-warns-pakistan

https://www.vijayavani.net/pakistan-is-yet-to-give-up-pok-there-has-been-no-change-in-this-mea-spokesperson-randhir-jaiswal