ಅಮೆರಿಕ ವಿರುದ್ಧದ ಪಂದ್ಯದಲ್ಲಿ ಟೀಮ್ ಇಂಡಿಯಾ ಕೊಂಚ ಪ್ರಯಾಸಪಟ್ಟು ಗೆಲುವು ಸಾಧಿಸಿದೆ. ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿದ ಅಮೆರಿಕಕ್ಕೆ ಮೊದಲ ಎಸೆತದಲ್ಲೇ ಅರ್ಷದೀಪ್ ಸಿಂಗ್ ಆಘಾತ ನೀಡಿದರು. ಆರಂಭಿಕ ಆಟಗಾರ ಜಹಾಂಗೀರ್(0) ಎಲ್ ಬಿ ರೂಪದಲ್ಲಿ ಬಲಿಯಾದರು. ಅದೇ ಓವರ್ನ ಕೊನೆಯ ಎಸೆತದಲ್ಲಿ ವಿಕೆಟ್ ಕೀಪರ್ ಗೌಸ್ (2) ಅವರನ್ನು ಪೆವಿಲಿಯನ್ಗೆ ಕಳುಹಿಸಿದರು. ಆ ಬಳಿಕ ಭಾರತದ ಬೌಲರ್ಗಳನ್ನು ತಡೆಯಲು ಯಾವ ಬ್ಯಾಟ್ಸ್ಮನ್ಗಳಿಗೂ ಸಾಧ್ಯವಾಗಲಿಲ್ಲ. ಸ್ಟೀವ್ ಟೇಲರ್ (24) ರನ್ಗಳೊಂದಿಗೆ ಇನ್ನಿಂಗ್ಸ್ ಉಳಿಸಿಕೊಳ್ಳಲು ಪ್ರಯತ್ನಿಸಿದರೂ, ಅಕ್ಷರ್ ಅವರನ್ನು ಉರುಳಿಸಿದರು. ಆ ಬಳಿಕ ಅರ್ಷದೀಪ್ ಹಾಗೂ ಹಾರ್ದಿಕ್ ಪಾಂಡ್ಯ ಅಮೆರಿಕದ ಇನ್ನಿಂಗ್ಸ್ ಅನ್ನು ಹಾಳು ಮಾಡಿದರು. ಎನ್.ಆರ್.ಕುಮಾರ್ (27) ಅಗ್ರ ಸ್ಕೋರರ್ ಆಗಿದ್ದು, ಉಳಿದವರೆಲ್ಲರೂ ಕಡಿಮೆ ರನ್ಗಳಿಗೆ ಸೀಮಿತರಾದರು.
