ಸೋಂಕಿತರ ಗುಣಪ್ರಮಾಣದಲ್ಲಿ ದಾಖಲೆ.. ಜಗತ್ತಿನಲ್ಲೇ ಭಾರತ ಅತ್ಯಧಿಕ..

ನವದೆಹಲಿ: ಜಗತ್ತಿನಾದ್ಯಂತ ಕಾಡುತ್ತಿರುವ ಕೋವಿಡ್​​ 19 ಸೋಂಕಿನ ವಿಚಾರದಲ್ಲಿ ಭಾರತ ಈಗ ದಾಖಲೆಯೊಂದಕ್ಕೂ ಪಾತ್ರವಾಗಿದೆ. ದೇಶದಲ್ಲಿ ಈಗ ಗುಣವಾದವರ ಸಂಖ್ಯೆ 51 ಲಕ್ಷಕ್ಕೆ ತಲುಪಿದ್ದು, ಇದು ಜಗತ್ತಿನಲ್ಲೇ ಅತ್ಯಧಿಕ ಎಂಬ ಹೆಗ್ಗಳಿಕೆಯನ್ನು ತಂದಿದೆ.

ಕೇಂದ್ರ ಆರೋಗ್ಯ ಸಚಿವಾಲಯ ಇಂದು ಬಿಡುಗಡೆ ಮಾಡಿರುವ ಅಂಕಿ-ಅಂಶಗಳ ಪ್ರಕಾರ, ಕಳೆದ 24 ಗಂಟೆಗಳಲ್ಲಿ ಹೊಸದಾಗಿ 70,589 ಕರೊನಾ ಸೋಂಕಿತರು ಪತ್ತೆಯಾಗಿದ್ದು, ಒಟ್ಟು ಸೋಂಕಿತರ ಪ್ರಮಾಣ 61 ಲಕ್ಷವನ್ನು ದಾಟಿದೆ. ಆದರೆ ಕಳೆದ 14 ಗಂಟೆಗಳಲ್ಲಿ ದೇಶದಲ್ಲಿ 776 ಜನರು ಕೋವಿಡ್​ಗೆ ಬಲಿಯಾಗಿದ್ದು, ಇದುವರೆಗೆ ಒಟ್ಟು 96,318 ಮಂದಿ ಸೋಂಕಿನಿಂದಾಗಿ ಮೃತಪಟ್ಟಿದ್ದಾರೆ.

ಇದನ್ನು ಓದಿ: ಕರೊನಾ ಲಸಿಕೆ ಕಥೆ ಎಲ್ಲಿಗೆ ಬಂತು? ಇಲ್ಲಿ ನೋಡಿ ತಿಳಿದುಕೊಳ್ಳಿ..

ಸದ್ಯ ಭಾರತದಲ್ಲಿ 61.45 ಲಕ್ಷ ಕೋವಿಡ್​ ಸೋಂಕಿತರು ವರದಿಯಾಗಿದ್ದು, ಆ ಪೈಕಿ 9.45 ಲಕ್ಷ ಪ್ರಕರಣಗಳು ಸಕ್ರಿಯವಾಗಿವೆ ಎಂದು ಕೇಂದ್ರ ಸರ್ಕಾರದ ಅಂಕಿ-ಅಂಶಗಳು ತಿಳಿಸಿವೆ. (ಏಜೆನ್ಸೀಸ್​)