ಇನ್ಸ್ಟಾಗ್ರಾಂನಲ್ಲಿ ರಾಕಿಭಾಯ್ ಹವಾ! ಇದು ಕೆಜಿಎಫ್ ಎಫೆಕ್ಟ್

Published on:

15 Mar 2021, 2:15 am

ಬೆಂಗಳೂರು: ಚಂದನವನದ ‘ರಾಕಿಂಗ್ ಸ್ಟಾರ್’ ಯಶ್ ಇದೀಗ ಸೋಷಿಯಲ್ ಮೀಡಿಯಾದಲ್ಲಿಯೂ ಹವಾ ಸೃಷ್ಟಿಸುತ್ತಿದ್ದಾರೆ. ಜಾಲತಾಣವಾದ ಇನ್ಸ್ಟಾಗ್ರಾಂನಲ್ಲಿ ದಾಖಲೆಯ ಹಿಂಬಾಲಕರನ್ನು ಹೊಂದಿದ ಸ್ಯಾಂಡಲ್ವುಡ್ನ ಮೊದಲ ನಟನಾಗಿ ಹೊರಹೊಮ್ಮಿದ್ದಾರೆ! ‘ಕೆಜಿಎಫ್ -ಚಾಪ್ಟರ್1’ ಸಿನಿಮಾ ಮೂಲಕ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಗುರುತಿಸಿಕೊಂಡ ಯಶ್ ಅವರನ್ನು ಇನ್ಸ್ಟಾಗ್ರಾಂನಲ್ಲಿ ಬರೋಬ್ಬರಿ 50 ಲಕ್ಷ (5 ಮಿಲಿಯನ್) ಮಂದಿ ಹಿಂಬಾಲಿಸುತ್ತಿದ್ದಾರೆ. ಇಲ್ಲಿಯವರೆಗೂ ಕನ್ನಡದ ನಾಯಕ ನಟರ ಪೈಕಿ ಯಾರೂ ಮಾಡದ ಸಾಧನೆಯನ್ನು ಯಶ್ ಮಾಡಿದ್ದಾರೆ.

ಯಾರ್ಯಾರಿಗೆ ಎಷ್ಟೆಷ್ಟು ಫಾಲೋವರ್ಸ್: ಕನ್ನಡದಲ್ಲಿ ಇನ್ಸ್ಟಾಗ್ರಾಂ ಬಳಕೆ ಮಾಡುವ ಸಾಕಷ್ಟು ನಾಯಕ ನಟರಿದ್ದಾರೆ. ಆ ಪೈಕಿ ಮೊದಲ ಸ್ಥಾನದಲ್ಲಿ ಯಶ್ 50 ಲಕ್ಷ ಹಿಂಬಾಲಕರನ್ನು ಹೊಂದಿದ್ದಾರೆ. ಎರಡನೇ ಸ್ಥಾನದಲ್ಲಿ ಪವರ್ಸ್ಟಾರ್ ಪುನೀತ್ ರಾಜಕುಮಾರ್ 13 ಲಕ್ಷ ಫಾಲೋವರ್ಸ್ ಇದ್ದರೆ, ಕಿಚ್ಚ ಸುದೀಪ್ ಅವರನ್ನು 11 ಲಕ್ಷ ಮಂದಿ ಇನ್ಸ್ಟಾಗ್ರಾಂನಲ್ಲಿ ಫಾಲೋ ಮಾಡುತ್ತಿದ್ದಾರೆ. ಇನ್ನುಳಿದಂತೆ ಧ್ರುವ ಸರ್ಜಾ 11 ಲಕ್ಷ, ಶ್ರೀಮುರಳಿ 9 ಲಕ್ಷ, ‘ಚಾಲೆಂಜಿಂಗ್ ಸ್ಟಾರ್’ ದರ್ಶನ್ 8ಲಕ್ಷ 67 ಸಾವಿರ, ನಟ ರಕ್ಷಿತ್ ಶೆಟ್ಟಿ 8 ಲಕ್ಷ, ರಮೇಶ್, ಗಣೇಶ್, ಧನಂಜಯ್ 6 ಲಕ್ಷ, ಉಪೇಂದ್ರ 5 ಲಕ್ಷ ಫಾಲೋವರ್ಸ್ ಹೊಂದಿದ ಚಂದನವನದ ಕಲಾವಿದರಾಗಿದ್ದಾರೆ.

https://www.vijayavani.net/challenging-star-darshan-remembered-her-mothers-sacrifice/

https://www.vijayavani.net/chitrapatha-website-launched-by-girish-kasaravalli/

Sudeep