ಗ್ರೇ ಮಾರುಕಟ್ಟೆಯಲ್ಲಿ ರೂ. 61 ರ ಷೇರಿಗೆ ರೂ. 115: ಐಪಿಒ ಆರಂಭವಾಗುವ ಮೊದಲೇ ಬೇಡಿಕೆ, ಹೂಡಿಕೆದಾರರಿಗೆ ಲಾಭ ಖಚಿತ

ಮುಂಬೈ: ಸಿಗ್ನೋರಿಯಾ ಕ್ರಿಯೇಷನ್ ​​(Signoria Creation) ಐಪಿಒ ಬೆಲೆಯನ್ನು 61 ರಿಂದ 65 ರೂಪಾಯಿ ನಡುವೆ ನಿಗದಿಪಡಿಸಲಾಗಿದೆ. ಈ ಕಂಪನಿಯ ಷೇರಿನ ಮುಖಬೆಲೆ 10 ರೂ. ಇದೆ.

ಈ ಐಪಿಒ ಮಂಗಳವಾರ, ಮಾರ್ಚ್ 12 ರಂದು ಚಂದಾದಾರಿಕೆಗಾಗಿ ತೆರೆದು, ಗುರುವಾರ, ಮಾರ್ಚ್ 14 ರಂದು ಮುಕ್ತಾಯಗೊಳ್ಳುತ್ತದೆ. ಈ ಐಪಿಒ ಲಾಟ್ ಗಾತ್ರ 2,000 ಷೇರುಗಳು. ಹೂಡಿಕೆದಾರರು ಕನಿಷ್ಠ 2,000 ಷೇರುಗಳಿಗೆ ಮತ್ತು ಅದರ ಗುಣಕಗಳಲ್ಲಿ ಬಿಡ್ ಮಾಡಬಹುದು. ಅಂದರೆ, ಕನಿಷ್ಠ 1,22,000 ರೂಪಾಯಿ ಹೂಡಿಕೆ ಅಗತ್ಯ.

ಇನ್ನೂ ಐಪಿಒ ಆರಂಭವಾಗುವ ಮೊದಲೇ ಗ್ರೇ ಮಾರುಕಟ್ಟೆಯಲ್ಲಿ ಷೇರುಗಳಿಗೆ ಭಾರೀ ಬೇಡಿಕೆ ಇದೆ. ಈ ಷೇರುಗಳ ಗ್ರೇ ಮಾರುಕಟ್ಟೆಯ ಪ್ರೀಮಿಯಂ 50 ರೂಪಾಯಿ ಇದೆ. ಈ ಮೂಲಕ 61 ರೂಪಾಯಿಯ ಷೇರಿನ ಬೆಲೆ ಗ್ರೇ ಮಾರುಕಟ್ಟೆಯಲ್ಲಿ ಈಗ ಅಂದಾಜು 115 ರೂಪಾಯಿ ಇದೆ. ಅಂದರೆ, ಐಪಿಒ ಷೇರು ಹಂಚಿಕೆಯಾಗುವ ಮೊದಲೇ ಬಹುತೇಕ ದುಪಟ್ಟು ಆಗುತ್ತಿದೆ. ಅಂದಾಜು ಶೇ. 80ರಷ್ಟು ಲಾಭ ನೀಡುತ್ತಿದೆ.

ಮಾರ್ಚ್ 31, 2022 ಮತ್ತು ಮಾರ್ಚ್ 31, 2023 ಕ್ಕೆ ಕೊನೆಗೊಳ್ಳುವ ಹಣಕಾಸು ವರ್ಷದಲ್ಲಿ, ಸಿಗ್ನೋರಿಯಾ ಕ್ರಿಯೇಷನ್ ​​ಲಿಮಿಟೆಡ್‌ನ ಆದಾಯವು 62.13% ರಷ್ಟು ಹೆಚ್ಚಾಗಿದೆ. ತೆರಿಗೆಯ ನಂತರದ ಲಾಭ (PAT) 242.14% ರಷ್ಟು ಹೆಚ್ಚಾಗಿದೆ. ಈ ಐಪಿಒ ಮೌಲ್ಯ ರೂ. 9.28 ಕೋಟಿ. ಇದು ಸಂಪೂರ್ಣವಾಗಿ ತಾಜಾ ಹಂಚಿಕೆಯಾಗಿದೆ.

ಕಂಪನಿಯ ವ್ಯವಹಾರ ಏನು?:

ರೆಡ್ ಹೆರಿಂಗ್ ಪ್ರಾಸ್ಪೆಕ್ಟಸ್ (RHP) ಕಂಪನಿಯು ಉಡುಪುಗಳು, ದುಪಟ್ಟಾಗಳು, ಕುರ್ತಿಗಳು, ಪ್ಯಾಂಟ್, ಟಾಪ್ಸ್ ಮತ್ತು ಕೋ-ಆರ್ಡ್ ಸೆಟ್‌ಗಳನ್ನು ಒಳಗೊಂಡಂತೆ ಮಹಿಳೆಯರ ಉಡುಪುಗಳನ್ನು ತಯಾರಿಸಿ, ಮಾರಾಟ ಮಾಡುತ್ತದೆ. ಈ ಬ್ರ್ಯಾಂಡ್ ತನ್ನ ಕ್ಲಾಸಿಕ್ ಕುರ್ತಿಗಳಿಗೆ ಹೆಸರುವಾಸಿಯಾಗಿದೆ. ಅವು ವಿಭಿನ್ನ ಬಣ್ಣಗಳು, ಮಾದರಿಗಳು ಮತ್ತು ಗಾತ್ರಗಳಲ್ಲಿ ಬರುತ್ತವೆ. ಬ್ರ್ಯಾಂಡ್ ಆಧುನಿಕ, ಫ್ಯಾಶನ್ ಮತ್ತು ಆರಾಮದಾಯಕವಾದ ಬಟ್ಟೆಗಳನ್ನು ನೀಡುತ್ತದೆ. ಜೂನ್ 30, 2023 ರಂದು ಕೊನೆಗೊಂಡ ಮೊದಲ ತ್ರೈಮಾಸಿಕದಲ್ಲಿ, ಸಂಸ್ಥೆಯು ತನ್ನ ಉತ್ಪನ್ನಗಳ ಶ್ರೇಣಿಗೆ ಮಹಿಳೆಯರಿಗಾಗಿ ಕೋ-ಆರ್ಡ್ ಸೆಟ್‌ಗಳನ್ನು ಸೇರಿಸಿದೆ.

https://www.vijayavani.net/shares-rise-from-rs-32-to-214-in-4-months-fall-to-146-in-a-single-month-rise-to-180-experts-say

https://www.vijayavani.net/shares-rise-from-rs-32-to-214-in-4-months-fall-to-146-in-a-single-month-rise-to-180-experts-say

https://www.vijayavani.net/stock-split-bonus-share-allotment-followed-by-20-upper-circuit-hit-investors-showered-with-cash