ಕಾಡು ಪ್ರಾಣಿಗಳ ಬೇಟೆಯಾಡುತ್ತಿದ್ದ ಮೂವರ ಬಂಧನ, 3 ನಾಡ ಬಂದೂಕು ವಶ

ಕೊಳ್ಳೇಗಾಲ: ಮಲೆ‌ ಮಹದೇಶ್ವರ ವನ್ಯಜೀವಿ ಧಾಮ ಮೀಸಲು ಅರಣ್ಯ ಪ್ರದೇಶದ ವ್ಯಾಪ್ತಿಯಲ್ಲಿರುವ ತಾಲೂಕಿನ ಜಾಗೇರಿ ಗ್ರಾಮದಲ್ಲಿ ನಾಡಬಂದೂಕು ಹೊಂದಿದ್ದ ಮೂವರನ್ನು ಗ್ರಾಮಾಂತರ ಠಾಣೆ ಪೊಲೀಸರು ಮಂಗಳವಾರ ಬಂಧಿಸಿದ್ದಾರೆ.

ಜಾಗೇರಿಯ ಗೋವಿಂದರಾಜು (42), ಜಪಮಾಲೆ (48), ಸೇತುರಾಜ್ (42) ಬಂಧಿತ ಆರೋಪಿಗಳು. ಇವರಿಂದ 3 ನಾಡಬಂದೂಕುಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

ಈ ಮೂವರು ಆರೋಪಿಗಳು ಜಮೀನಿನಲ್ಲಿ ನಾಡಬಂದೂಕು ಅಡಗಿಸಿಟ್ಟು ರಾತ್ರಿ ವೇಳೆ ಕಾಡು ಪ್ರಾಣಿಗಳನ್ನು ಬೇಟೆಯಾಡುತ್ತಿದ್ದಾರೆ ಎಂದು ಗ್ರಾಮಸ್ಥರು ಮಾಹಿತಿ ನೀಡಿದ್ದಾರೆ. ಖಚಿತ ಮಾಹಿತಿ ಮೇರೆಗೆ ಗ್ರಾಮಕ್ಕೆ ತೆರಳಿದ ಪೊಲೀಸರು ಆರೋಪಿಗಳ ಬಳಿ ನಾಡಬಂದೂಕು ಇರುವುದನ್ನು ಪತ್ತೆ ಹಚ್ಚಿ ಬಂಧಿಸಿದ್ದಾರೆ.

https://www.vijayavani.net/ksrtc-driver-commited-sucide-in-shimogga/

https://www.vijayavani.net/r-asked-about-sex-life-in-interview-neeraj-chopra-kept-calm-and-carried-on/