ಟನ್​ಗಳಷ್ಟು ಅನುಭವ ಇದ್ದರೆ ಸಾಲದು; ಟೀಮ್​ ಇಂಡಿಯಾ ಆಟಗಾರನನ್ನು ಉಲ್ಲೇಖಿಸಿ ಕಿಡಿಕಾರಿದ ಸುನಿಲ್​ ಗವಾಸ್ಕರ್​

ನವದೆಹಲಿ: ಯುಎಸ್​ಎ ಹಾಗೂ ವೆಸ್ಟ್​ ಇಂಡೀಸ್​ ಆತಿಥ್ಯದಲ್ಲಿ ನಡೆಯುತ್ತಿರುವ ಟಿ-20 ವಿಶ್ವಕಪ್​ ಒಂದಿಲ್ಲೊಂದು ಕಾರಣಕ್ಕೆ ಸದ್ದು ಮಾಡುತ್ತಿದ್ದು, ಸೂಪರ್​ 08 ಹಂತ ಬಮದು ತಲುಪಿದೆ. ಹಾಲಿ ಟೂರ್ನಿಯಲ್ಲಿ ಟೀಮ್​ ಇಂಡಿಯಾ ಉತ್ತಮ ಪ್ರದರ್ಶನ ನೀಡುತ್ತಿದ್ದು, ಆಡಿರುವ ಅಷ್ಟು ಪಂದ್ಯಗಳಲ್ಲಿ ಗೆಲ್ಲುವ ಮೂಲಕ ಪ್ರಶಸ್ತಿ ಗೆಲ್ಲುವ ತಂಡಗಳ ಪೈಕಿ ಒಂದಾಗಿದೆ.

ಇನ್ನೂ ಜೂನ್​ 20ರಂದು ಅಫ್ಘಾನಿಸ್ತಾನ ವಿರುದ್ಧ ನಡೆದ ಸೂಪರ್​ 08 ಹಂತದ ಪಂದ್ಯದಲ್ಲಿ ಟೀಮ್​ ಇಂಡಿಯಾ ಗೆದ್ದು ಬೀಗಿದ್ದು, ತಂಡದ ಉತ್ತಮ ಪ್ರದರ್ಶನದ ಹೊರತ್ತಾಗಿಯೂ ಮಾಜಿ ಆಟಗಾರನ ಕೆಂಗಣ್ಣಿಗೆ ಗುರಿಯಾಗಿರುವ ನಾಯಕ ರೋಹಿತ್​ ಶರ್ಮಾ ತಮ್ಮ ವೈಫಲ್ಯದ ಕುರಿತಾದಂತೆ ಟೀಕೆಗೆ ಗುರಿಯಾಗಿದ್ದಾರೆ.

ಇದನ್ನೂ ಓದಿ: ಚನ್ನಪಟ್ಟಣ ಉಪಚುನಾವಣೆಗೆ ಡಿಕೆಶಿ ಕ್ಯಾಂಡಿಡೇಟ್​?​; ಒಂದೂವರೆ ವರ್ಷದಿಂದ ಇಲ್ಲದ ಮಮತೆ ಈಗ ಬಂದಿದೆ ಎಂದು ಟೀಕಿಸಿದ ಎಚ್​ಡಿಕೆ

ರೋಹಿತ್​ ಪ್ರದರ್ಶನದ ಕುರಿತಾಗಿ ಮಾತನಾಡಿರುವ ಮಾಜಿ ಕ್ರಿಕೆಟಿಗ ಸುನಿಲ್​ ಗವಾಸ್ಕರ್, ರೋಹಿತ್​ ಅನುಭವಿ ಬ್ಯಾಟರ್​ ಆಗಿದ್ದು, ಯಾವ ಸಮಯದಲ್ಲಿ ಏನು ಮಾಡಬೇಕೆಂಬುದು ಚೆನ್ನಾಗಿ ತಿಳಿದುಕೊಂಡಿದ್ದಾರೆ. ಬೌಲರ್ಸ್​ ದೃಷ್ಠಿಕೋನದಿಂದ ರೋಹಿತ್​ ಶರ್ಮಾಗೆ ಆಟವನ್ನು ಬದಲಾಯಿಸು ಎಂದು ಹೇಳಲು ಸಾಧ್ಯವಿಲ್ಲ. ಅವರು ಏನ ಮಾಡಬೇಕು ಎಂಬುದು ಅವರಿಗೆ ಚೆನ್ನಾಗಿ ತಿಳಿದಿದೆ. ನಾವು ಹೊಸದಾಗಿ ಏನು ಹೇಳುವ ಅವಶ್ಯಕತೆಯಿಲ್ಲ.

ಸೀಮಿತ ಓವರ್​ಗಳ ಕ್ರಿಕೆಟ್​ನಲ್ಲಿ ಟನ್​ಗಳಷ್ಟು ಅನುಭವ ಹೊಂದಿರುವ ವ್ಯಕ್ತಿಗೆ ನಾವು ಹೊಸದಾಗಿ ಸಲಹೆ ನೀಡುವ ಅವಶ್ಯಕತೆಯಿಲ್ಲ. ನೀವು 10-15 ಸಾವಿರ ಗಳಿಸಿದರು ಏನು ಪ್ರಯೋಜನವಾಗುವುದಿಲ್ಲ. ನೀವು ಆಫ್​ ಸ್ಟಂಪ್​ನ ಹೊರಗೆ 40ಕ್ಕೂ ಹೆಚ್ಚು ಬಾರಿ ಔಟಾಗಿದ್ದರೆ ಅದು ನಿಮ್ಮ ದೌರ್ಬಲ್ಯ ಎಂದು ಹೇಳಲು ಸಾಧ್ಯವಿಲ್ಲ ಮೊದಲು ಅದರ ಬಗ್ಗೆ ಚಿಂತಿಸಿ ಎಂದು ಮಾಜಿ ಕ್ರಿಕೆಟಿಗ ಸುನಿಲ್​ ಗವಾಸ್ಕರ್​ ಟೀಮ್​ ಇಂಡಿಯಾ ನಾಯಕ ರೋಹಿತ್​ ಶರ್ಮಾಗೆ ಸಲಹೆ ನೀಡಿದ್ದಾರೆ.

https://www.vijayavani.net/duniya-vijay-gives-major-update-related-to-bheema-movie-release

https://www.vijayavani.net/thats-critical-rohit-sharmas-blunt-take-after-indias-t20-world-cup-super-8-win-vs-afghanistan