ಟೀಮ್ ಇಂಡಿಯಾದ ರನ್ ಮೆಶಿನ್ ವಿರಾಟ್ ಕೊಹ್ಲಿ, ಯಾವುದೇ ಫಾರ್ಮೆಟ್ನಲ್ಲಿ ತನ್ನ ಬ್ಯಾಟ್ ಮೂಲಕ ಅಬ್ಬರಿಸುತ್ತಾರೆ. ಕಳೆದ ಐಪಿಎಲ್ ಸೀಸನ್ನಲ್ಲಿ ರನ್ ಮಳೆಯನ್ನೇ ಹರಿಸಿ, ಆರೆಂಜ್ ಕ್ಯಾಪ್ ತನ್ನದಾಗಿಸಿಕೊಂಡರು. ಆದರೆ, ತಮ್ಮ ತಂಡಕ್ಕೆ ಐಪಿಎಲ್ ಪ್ರಶಸ್ತಿ ನೀಡುವಲ್ಲಿ ಯಶಸ್ವಿಯಾಗುತ್ತಿಲ್ಲ. ಹೀಗಾಗಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದಿಂದ ಬೇರೊಂದು ತಂಡಕ್ಕೆ ಹೋಗಲು ಕೆಲ ಅಭಿಮಾನಿಗಳು ಬಯಸುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಐಪಿಎಲ್-2025 ಹರಾಜುದಾರ ಹಗ್ ಎಡ್ಮೀಡ್ಸ್ ಮಾಡಿರುವ ಕಾಮೆಂಟ್ ಇದೀಗ ಕುತೂಹಲ ಮೂಡಿಸಿದೆ. ಒಂದು ವೇಳೆ ಕೊಹ್ಲಿ ಮೆಗಾ ಹರಾಜಿಗೆ ಬಂದರೆ, ನಿಸ್ಸಂದೇಹವಾಗಿ 30 ಕೋಟಿ ರೂಪಾಯಿ ಪಡೆಯಲಿದ್ದಾರೆ ಎಂದು ಹೇಳಿದ್ದಾರೆ. ಎಡ್ಮೀಡ್ಸ್ ಅವರ ಮಾತು ಇದೀಗ ಜಾಲತಾಣದಲ್ಲಿ ವೈರಲ್ ಆಗಿದೆ.
