ನನ್ನ ಕ್ಯಾಪ್ಟನ್ಸಿಯಲ್ಲಿ ಈತನ ಪ್ರತಿಭೆ ಅಂದೇ ಗುರುತಿಸಬೇಕಿತ್ತು! ತಪ್ಪು ಮಾಡಿದೆ; ಗೌತಮ್ ಗಂಭೀರ್​ ಪಶ್ಚಾತಾಪ

ನವದೆಹಲಿ: 2011ರಲ್ಲಿ ವಿಶ್ವಕಪ್​ ಗೆದ್ದ ಟೀಂ ಇಂಡಿಯಾ ಪರ ಅದ್ಭುತ ಬ್ಯಾಟ್​ ಮಾಡಿ, ಫೈನಲ್​ನಲ್ಲಿ 97 ರನ್​ ಕೊಡುಗೆ ನೀಡುವ ಮೂಲಕ ತಂಡದ ಗೆಲುವಿಗೆ ಪ್ರಮುಖ ಕಾರಣರಾದ ಗೌತಮ್ ಗಂಭೀರ್ ಕಂಡರೆ ಕ್ರಿಕೆಟ್ ಅಭಿಮಾನಿಗಳಿಗೆ ಅದೇನೋ ಹೆಚ್ಚಿನ ಪ್ರೀತಿ, ಉತ್ಸಾಹ. ಅದರಲ್ಲೂ ವಿಶೇಷ ಎಂದರೆ 2008ರಲ್ಲಿ ಶುರುವಾದ ಐಪಿಎಲ್​ ಆವೃತ್ತಿಯಲ್ಲಿ ಭಾಗಿಯಾದ ಗೌತಮ್​, ಕೊಲ್ಕತ್ತಾ ನೈಟ್​ ರೈಡರ್ಸ್​ ತಂಡದ ಕ್ಯಾಪ್ಟನ್ ಆಗಿ ಎರಡು ಬಾರಿ ಟ್ರೋಫಿಯನ್ನು ಎತ್ತಿಹಿಡಿದಿದ್ದಾರೆ.

ಇದನ್ನೂ ಓದಿ: ಕುಟುಂಬಕ್ಕಾಗಿ ಬೀದಿಯಲ್ಲಿ​ ವ್ಯಾಪಾರಕ್ಕಿಳಿದಿದ್ದ ಬಾಲಕನಿಗೆ ಈಗ ಮತ್ತೊಂದು ಶಾಕ್! ಬಿಟ್ಟುಹೋದ ತಾಯಿ ವಾಪಾಸ್​

ಇನ್ನೂ ತಮ್ಮ ಐಪಿಎಲ್ ವೃತ್ತಿಯಲ್ಲಿ ಪ್ರಸ್ತುತ ಕೆಕೆಆರ್​ ಮೆಂಟರ್​ ಆಗಿ ತಂಡವನ್ನು ಗೆಲುವಿನೆಡೆಗೆ ಕೊಂಡೊಯ್ದಿರುವ ಗೌತಮ್ ಗಂಭೀರ್, ಕಳೆದ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್​ ಕಂಡ ಹೀನಾಯ ಸೋಲಿನಲ್ಲಿ ಮುಂಬೈ ಪರ ಆಡಿದ ಸ್ಪೋಟಕ ಬ್ಯಾಟ್ಸ್​ಮನ್​ ಸೂರ್ಯಕುಮಾರ್​ರನ್ನು ನೋಡಿ ಅತೀವ ಬೇಸರವನ್ನು ಹೊರಹಾಕಿದರು. ಐಪಿಎಲ್​ ಲೀಗ್​ನಲ್ಲಿ ಐದು ಬಾರಿ ಚಾಂಪಿಯನ್ಸ್ ಆಗಿ ಮಿಂಚಿರುವ ತಂಡದ ಪರ ಸ್ಟಾರ್​ ಬ್ಯಾಟ್ಸ್​ಮನ್​ ಆಗಿರುವ ಸೂರ್ಯ ಪ್ರತಿಭೆಗೆ ಗೌತಿ ಮನಸೋತಿದ್ದಾರೆ.

ಮುಂಬರುವ ಟಿ20 ವಿಶ್ವಕಪ್​ನಲ್ಲಿ ಟೀಂ ಇಂಡಿಯಾದಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿರುವ ಸೂರ್ಯಕುಮಾರ್​ ಬಗ್ಗೆ ಎಲ್ಲಿಯೂ ಹೇಳದ ಸಂಗತಿಯನ್ನು ಮುಕ್ತವಾಗಿ ಹಂಚಿಕೊಂಡ ಗೌತಿ, 2014ರಿಂದ 2017 ರವರೆಗೂ ಸೂರ್ಯ ನಮ್ಮ ಕೆಕೆಆರ್​ ತಂಡದಲ್ಲಿಯೇ ಆಡಿದ್ದರು. ಕೆಕೆಆರ್​ಗೆ ಸಹಿ ಹಾಕುವ ಮುನ್ನ 2012ರಲ್ಲಿ ಸ್ಕೈ ಒಂದೇ ಒಂದು ವರ್ಷ ಮಾತ್ರ ಮುಂಬೈ ಪರ ಆಡಿದ್ದರು. ಅಂದು ನನ್ನ ತಂಡದಲ್ಲಿಯೇ ಇದ್ದ ಸೂರ್ಯರನ್ನು ನಾನು ಗುರುತಿಸಲೇ ಇಲ್ಲ ಎಂದಿದ್ದಾರೆ.

ಇದನ್ನೂ ಓದಿ: ಅಮೇರಿಕಾದ ಮೇರಿಲ್ಯಾಂಡ್​ನಲ್ಲಿ 11ನೇ ವಸಂತ ಸಾಹಿತ್ಯೋತ್ಸವ: ಮೇ 17-19, 2024

"ಟೀಮ್​ನ ಕ್ಯಾಪ್ಟನ್ ಆಗಿ ಸೂರ್ಯರನ್ನು ಗುರುತಿಸದೆ ಹೋಗಿದ್ದು, ನನಗೆ ಬಹಳ ಪಶ್ಚಾತಾಪ ಕಾಡುತ್ತದೆ. ಸೂರ್ಯರ ತಾಕತ್ತು, ಅತ್ಯುತ್ತಮ ಬ್ಯಾಟಿಂಗ್ ಲೈನ್​ನಪ್​ ಅನ್ನು ಅಂದೇ ಗಮನಿಸಬೇಕಿತ್ತು. ನಾಯಕನಾಗಿ ಸೂರ್ಯಕುಮಾರ್ ಯಾದವ್​ರನ್ನು ಸಂಪೂರ್ಣವಾಗಿ ಉಪಯೋಗಿಸಿಕೊಳ್ಳಲಿಲ್ಲ ಎಂಬುದೇ ಬೇಸರ. 7ನೇ ಕ್ರಮಾಂಕದಲ್ಲಿಯೇ ಉತ್ತಮರಾಗಿದ್ದ ಸೂರ್ಯ, ಮೂರನೇ ಆರ್ಡರ್​ನಲ್ಲಿ ಸಖತ್ ಡೆಂಜರೆಸ್ ಬ್ಯಾಟ್ಸ್​ಮನ್​ ಆಗಿದ್ದಾರೆ" ಎಂದು ಹೇಳಿದ್ದಾರೆ,(ಏಜೆನ್ಸೀಸ್).

https://www.vijayavani.net/will-jacks-prediction-about-rcb-playoffs

https://www.vijayavani.net/check-out-this-report-regarding-rcb-playoffs