ರಾತ್ರಿಯಿಡೀ ಒಟ್ಟಿಗೆ ಕಳೆದು ಬೆಳಗ್ಗೆ ಓಯೋ ರೂಮ್​ನಲ್ಲೇ ಕಿತ್ತಾಡಿಕೊಂಡ ಲವರ್ಸ್! ಮರುಕ್ಷಣವೇ ಕಾದಿತ್ತು ಆಘಾತ | Oyo Room

Oyo Room : ಪ್ರೇಯಸಿಯೊಂದಿಗೆ ಓಯೋ ರೂಮ್​ನಲ್ಲಿ ಉಳಿದುಕೊಂಡಿದ್ದ ಯುವಕನೊಬ್ಬ ಆತ್ಮಹತ್ಯೆಗೆ ಯತ್ನಿಸಿದ ಘಟನೆ ಹೈದರಾಬಾದ್​ನ ರಾಮನಾಥಪುರದಲ್ಲಿ ನಡೆದಿದೆ.

ಆತ್ಮಹತ್ಯೆಗೆ ಯತ್ನಿಸಿರುವ ಸುದ್ದಿ ಕಿವಿಗೆ ಬೀಳುತ್ತಿದ್ದಂತೆ ಯುವಕನನ್ನು ಓಯೋ ಸಿಬ್ಬಂದಿ ಕೂಡಲೇ ಆಸ್ಪತ್ರೆಗೆ ದಾಖಲಿಸಿದ್ದು, ಆತನ ಸ್ಥಿತಿಗೆ ಗಂಭೀರವಾಗಿದೆ ಎಂದು ತಿಳಿದುಬಂದಿದೆ. ಯುವಕನನ್ನು ಹೈದರಾಬಾದ್​ನ ಬೇಗುಂಬಜಾರ್​ನ ನಿವಾಸಿ ಎಂದು ಗುರುತಿಸಲಾಗಿದೆ. ಪ್ರಿಯಕರನ ನಡೆಯಿಂದ ಪ್ರೇಯಸಿಗೆ ಆಘಾತವಾಗಿದೆ.

ಇದನ್ನೂ ಓದಿ: ನೀನು ಐಪಿಎಲ್​ಗೆ ಮಾತ್ರ ಲಾಯಕ್​! ಟೀಮ್​ ಇಂಡಿಯಾ ಆಟಗಾರನ ವಿರುದ್ಧ ಕ್ರೀಡಾಭಿಮಾನಿಗಳ ಆಕ್ರೋಶ | Team India

ಪ್ರೇಮಿಗಳಾದ ಸೌಮ್ಯ ಮತ್ತು ಓಂಕಾರ್ ರಾಮನಾಥಪುರದಲ್ಲಿರುವ ಓಯೋ ರೂಮ್​ನಲ್ಲಿ ನಿನ್ನೆ​ ಉಳಿದುಕೊಂಡಿದ್ದರು. ರಾತ್ರಿಯಿಡೀ ರೂಮ್​ನಲ್ಲೇ ತಂಗಿದ್ದರು. ಇಂದು ಮುಂಜಾನೆ ಇಬ್ಬರ ನಡುವೆ ಯಾವುದೋ ವಿಚಾರಕ್ಕೆ ಜಗಳ ನಡೆದಿದೆ. ಈ ವೇಳೆ ಪ್ರೇಯಿಸಿಯ ಮಾತುಗಳಿಂದ ಬೇಸತ್ತ ಓಂಕಾರ್​, ಓಯೋ ರೂಮ್​ನಲ್ಲೇ ಆತ್ಮಹತ್ಯೆಗೆ ಯತ್ನಿಸಿದ್ದಾನೆ.

ಯಾವ ಕಾರಣಕ್ಕೆ ಪ್ರೇಮಿಗಳ ನಡುವೆ ಜಳವಾಯಿತೋ ತಿಳಿದುಬಂದಿಲ್ಲ. ಆದರೆ, ಓಂಕಾರ್​ ಸ್ಥಿತಿ ಗಂಭೀರವಾಗಿದ್ದು, ಸಾವು-ಬದುಕಿನ ನಡುವೆ ಹೋರಾಡುತ್ತಿದ್ದಾನೆ. ಈ ಸಂಬಂಧ ಸ್ಥಳೀಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ವಿಚಾರಣೆ ನಡೆಸುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/rohit-sharma-dhoni-ruined-his-vital-10-years-sanjus-father-with-shocking-revelation

https://www.vijayavani.net/numerology-dont-get-married-on-these-dates-it-may-cause-a-rift-in-the-relationship