ಕನ್ನಡಿಗನಿಗೆ ಐಪಿಎಲ್​ನಲ್ಲಿ ಡಿಮ್ಯಾಂಡ್; 8.25 ಕೋಟಿ ರೂ.ಗೆ ಹೈದರಾಬಾದ್ ಪಾಲಾದ ಮಯಾಂಕ್ ಅಗರ್ವಾಲ್

ಕೊಚ್ಚಿ: ಐಪಿಎಲ್​ 16ನೇ ಆವೃತ್ತಿಯ ಪೂರ್ವಭಾವಿಯಾಗಿ ನಡೆದ ಆಟಗಾರರ ಹರಾಜು ಪ್ರಕ್ರಿಯೆಯಲ್ಲಿ ಮೊದಲ ದಿನವೇ ಕನ್ನಡಿಗ ಮಯಾಂಕ್ ಅಗರ್ವಾಲ್ ಸನ್​ರೈಸರ್ಸ್​ ಹೈದರಾಬಾದ್ ಪಾಲಾಗಿದ್ದಾರೆ. 8.25 ಕೋಟಿ ರೂ. ಬಿಡ್ ಮೊತ್ತದೊಂದಿಗೆ ಮಯಾಂಕ್ ಹೈದರಾಬಾದ್ ಪ್ರಾಂಚೈಸಿ ಸೇರಿಕೊಂಡಿದ್ದಾರೆ.

ಕಳೆದ ಸೀಸನ್​ನಲ್ಲಿ ಪಂಜಾಬ್ ತಂಡವನ್ನು ನಾಯಕನಾಗಿ ಮುನ್ನಡೆಸಿದ್ದ ಮಯಾಂಕ್​​ ಈ ಬಾರಿ ಹರಾಜಿನಲ್ಲಿ ಕಾಣಿಸಿಕೊಂಡಿದ್ದರು. ಮೂಲ ಬೆಲೆ 1 ಕೋಟಿ ರೂ. ಹೊಂದಿದ್ದರು. ಹರಾಜಿನಲ್ಲಿ ಮಯಾಂಕ್ ಹೆಸರು ಕಾಣಿಸಿಕೊಳ್ಳುತ್ತಿದ್ದಂತೆ ಆರ್​​ಸಿಬಿ ಹಾಗೂ ಪಂಜಾಬ್ ತಂಡಗಳು ಮಯಾಂಕ್​ ಅಗರ್ವಾಗಲ್ ಖರೀದಿಸಲು ಪೈಪೋಟಿ ನಡೆಸಿದವು.

ಬಿಡ್​ನಲ್ಲಿ ಮಯಾಂಕ್ ಬೆಲೆ 3 ಕೋಟಿ ರೂ. ದಾಟುತ್ತಿದ್ದಂತೆ ಆರ್​​ಸಿಬಿ ಹಿಂದೆ ಸರಿಯಿತು. ಈ ವೇಳೆ ಚೆನ್ನೈ ಸೂಪರ್​ ಕಿಂಗ್ಸ್​ ಹಾಗೂ ಪಂಜಾಬ್ ನಡುವೆ ಮತ್ತೆ ಪೈಪೋಟಿ ಏರ್ಪಟ್ಟಿತು. ಚೆನ್ನೈ ಮಯಾಂಕ್​ಗೆ 5.50 ಕೋಟಿ ರೂ. ಬಿಡ್ ಮಾಡಿದರೆ, ಪಂಜಾಬ್ 5.75 ಕೋಟಿ ರೂ. ಬಿಡ್ ಮಾಡಿತು. ಈ ವೇಳೆ ಒಮ್ಮಿಂದೊಮ್ಮೆಲೆ ಚೆನ್ನೈ ಮೊತ್ತವನ್ನು ಹಿಗ್ಗಿಸಿ ಮಯಾಂಕ್​ಗೆ 7.50 ಕೋಟಿ ಬಿಡ್ ಮಾಡಿತು. ಈ ವೇಳೆ ಹೈದರಾಬಾದ್ 7.75 ಕೋಟಿ ರೂ. ಬಿಡ್ ಮಾಡಿತು. ಅಂತಿಮವಾಗಿ 8.25 ಕೋಟಿ ರೂ. ಗೆ ಕನ್ನಡಿಗ ಮಯಾಂಕ್ ಅಗರ್ವಾಲ್ ಸನ್​ರೈಸರ್ಸ್​ ಹೈದರಾಬಾದ್ ತಂಡದ ಪಾಲಾದರು.

https://www.vijayavani.net/arrest-of-those-who-looted-valuable-liquor-in-a-cinematic-manner/

https://www.vijayavani.net/psycho-who-killed-a-young-woman-in-the-middle-of-the-road-and-poisoned-her-died-in-the-hospital/

https://www.vijayavani.net/haveri-district-police-have-arrested-the-robbers-who-were-robbing-vehicles-on-the-highway/