ಬೆಂಗಳೂರು: ಸ್ಯಾಂಡಲ್ವುಡ್ ಡ್ರಗ್ಸ್ ಮಾಫಿಯಾದ ಬೆನ್ನು ಬಿದ್ದಿರುವ ಸಿಸಿಬಿ ಪೊಲೀಸರು ನಟಿ ರಾಗಿಣಿ ದ್ವಿವೇದಿ ಅವರ ಆಪ್ತ ರವಿಶಂಕರನನ್ನು ಬಲೆಗೆ ಬೀಳಿಸಿದ್ದು ಹೇಗೆ? ಇನ್ಯಾರಿಗೆಲ್ಲ ಸಿಸಿಬಿ ಬಲೆ ಬೀಸುತ್ತಿದೆ?
ನಿನ್ನೆ ಬೆಳಗ್ಗೆಯೇ ರವಿಶಂಕರ್ ಬಂಧನಕ್ಕೆ ಸಿದ್ಧತೆ ನಡೆದಿತ್ತು. ಸಿಕ್ಕ ಖಚಿತ ಮಾಹಿತಿ ಆಧರಿಸಿ ರವಿಶಂಕರ್ಗೆ ಸಂಬಂಧಿಸಿದ ಸಾಕ್ಷ್ಯಗಳನ್ನು ಕಲೆ ಹಾಕಿದ್ದರು ಪೊಲೀಸರು. ಬೆಳಗ್ಗೆ ಹನ್ನೊಂದು ಘಂಟೆಗೆ ಸಿಸಿಬಿ ಮುಖ್ಯಸ್ಥ ಸಂದೀಪ್ ಪಾಟೀಲ್ ನಾರ್ಕೊಟಿಕ್ಸ್ ವಿಭಾಗದ ಅಧಿಕಾರಿಗಳ ಜತೆ ಸಭೆ ಮಾಡಿದ್ರು. ನಗರ ಪೊಲೀಸ್ ಆಯುಕ್ತರ ಕಚೇರಿಯಲ್ಲಿ ಈ ಸಭೆ ನಡೆಯಿತು. ಈ ಸಭೆಯಲ್ಲಿ ರವಿಶಂಕರ್ ಪಾತ್ರದ ಬಗ್ಗೆ ಚರ್ಚೆ ನಡೆಯಿತು. ಡ್ರಗ್ಸ್ ದಂಧೆಯಲ್ಲಿ ಆತನ ಪಾತ್ರವೇನು ಅನ್ನೋದಕ್ಕೆ ಸಾಕ್ಷಿ ಮತ್ತು ಮಾಹಿತಿಗಳನ್ನು ಪಡೆದುಕೊಂಡ ಸಿಸಿಬಿ ಪೊಲೀಸರು ಸಂಜೆ ವೇಳೆಗೆ ರವಿಶಂಕರ್ ನನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ.
ಇದನ್ನೂ ಓದಿ: ನಟಿ ಶರ್ಮಿಳಾ ಮಾಂಡ್ರೆಗೆ ಕರೊನಾ ಪಾಸಿಟಿವ್!
ವಶಕ್ಕೆ ಪಡೆಯುವ ಮೊದಲು ಗ್ರೌಂಡ್ ವರ್ಕ್ ಮಾಡಿದ್ದ ಸಿಸಿಬಿ. ಕಳೆದ ಕೆಲ ದಿನಗಳ ಹಿಂದೆ ಸಿಸಿಬಿ ಡ್ರಗ್ಸ್ ಪೆಡ್ಲರ್ ಗಳನ್ನ ಅರೆಸ್ಟ್ ಮಾಡಿತ್ತು ಪೆಟ್ಲರ್ ಗಳಿಂದ ಡ್ರಗ್ಸ್ ಎಲ್ಲಿ ಎಲ್ಲಿ ಹೇಗೆಲ್ಲಾ ಡೀಲ್ ಮಾಡಲಾಗುತ್ತೆ ಎನ್ನುವ ಮಾಹಿತಿ ಕಲೆ ಹಾಕಲಾಗಿತ್ತು. ಈ ರೀತಿಯಾಗೂ ಸಿಸಿಬಿ ಪೊಲೀಸರು ಮಾಹಿತಿಯನ್ನು ಕಲೆಹಾಕಿದ್ದರು. ನಂತರ ಅನ್ವಯ ಹಲವು ದಿನಗಳ ಕಾಲ ಸಿಸಿಬಿ ತನಿಖೆ ಮಾಡಿ ಪೂರ್ವ ಪರ ವಿಚಾರಣೆ ನಡೆಸಿ , ಸಾಕ್ಷಿಗಳು ಪಕ್ಕ ಆದ ಬಳಿಕ ನಟಿ ರಾಗಿಣಿಯ ಗೆಳೆಯ ರವಿಶಂಕರ್ ನನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ. (ದಿಗ್ವಿಜಯ ನ್ಯೂಸ್)