ಎಲಾನ್​ ಮಸ್ಕ್​ನ ಒಂದು ಸೆಕೆಂಡ್​ನ ಆದಾಯ ಎಷ್ಟು?; ಒಂದು ರಾತ್ರಿಯ ಸಂಪಾದನೆ!

ನವದೆಹಲಿ: ಎಕ್ಸ್ ಸೋಷಿಯಲ್ ಮೀಡಿಯಾ ಆ್ಯಪ್ ಮಾಲೀಕ ಎಲಾನ್ ಮಸ್ಕ್​ ಬಗ್ಗೆ ಬಹುತೇಕರಿಗೆ ಗೊತ್ತಿರುವಂಥದ್ದೇ. ದೊಡ್ಡ ಮೊತ್ತಕ್ಕೆ ಟ್ವಿಟರ್​​ ಮೈಕ್ರೊ ಬ್ಲಾಗಿಂಗ್ ಆ್ಯಪ್​ ಖರೀದಿಸಿ ಗಮನ ಸೆಳೆದಿದ್ದ ಎಲಾನ್ ಮಸ್ಕ್, ಬಳಿಕ ಅದರಲ್ಲಿ ಬಹಳಷ್ಟು ಬದಲಾವಣೆಗಳನ್ನು ತಂದಿದ್ದರು.

ಆ್ಯಪ್​ನಲ್ಲಿ ಹಲವಾರು ಬದಲಾವಣೆ-ಸುಧಾರಣೆಗಳನ್ನು ತಂದಿದ್ದಷ್ಟೇ ಅಲ್ಲದೆ, ಕೊನೆಗೆ ಅದರ ಹೆಸರನ್ನೇ ಬದಲಿಸಿ ಬಿಟ್ಟಿದ್ದರು. ಹೀಗಾಗಿ ಟ್ವಿಟರ್​ ಇದೀಗ ಎಕ್ಸ್ ಆಗಿ ಚಲಾವಣೆಯಲ್ಲಿದೆ. ಈ ಎಕ್ಸ್​ ಮೂಲಕವೇ ಎಲ್ಲವನ್ನೂ ಎಕ್ಸ್​​ಪ್ರೆಸ್ ಮಾಡುತ್ತಿರುವ ಎಲಾನ್ ಮಸ್ಕ್​ ದುಡಿಮೆ ಎಷ್ಟಿರಬಹುದು ಎಂಬ ಕುತೂಹಲ ಸಹಜವೇ. ಅಂತಹ ಕುತೂಹಲವನ್ನು ತಣಿಸುವಂಥ ಮಾಹಿತಿಯೊಂದು ಹೊರಬಿದ್ದಿದೆ.

ಇದನ್ನೂ ಓದಿ: ಎಲಾನ್ ಮಸ್ಕ್ ಬಚ್ಚಿಟ್ಟಿದ್ದ ‘ಆ ಮೂರನೇ ಮಗು’ವಿನ ವಿಷಯ ಕೊನೆಗೂ ಬಹಿರಂಗ!

ಮೂರು ವರ್ಷಗಳ ಹಿಂದೆ 24.6 ಬಿಲಿಯನ್ ಡಾಲರ್​ ಸಿರಿವಂತಿಕೆ ಹೊಂದಿದ್ದ ಮಸ್ಕ್ ಈಗ ಬರೋಬ್ಬರಿ 250 ಬಿಲಿಯನ್ ಡಾಲರ್ ಶ್ರೀಮಂತ. ಈತ 2022ರಲ್ಲಿ 44 ಬಿಲಿಯನ್ ಡಾಲರ್​ಗೆ ಟ್ವಿಟರನ್ನು ಖರೀದಿಸಿದ್ದಾಗ ಹಲವರು ಹುಬ್ಬೇರಿಸಿದ್ದರು.

ಅಂದರೆ ಕಳೆದ ಮೂರು ವರ್ಷಗಳಲ್ಲಿ ಎಲಾನ್​ ಮಸ್ಕ್​ನ ನೆಟ್​ ವರ್ಥ್​ ಸೆಕೆಂಡ್​ಗೆ ಸರಾಸರಿ 2,378 ಡಾಲರ್ ಹೆಚ್ಚಾಗಿದೆ. ಅರ್ಥಾತ್​, ನಿಮಿಷಕ್ಕೆ 1,42,680 ಡಾಲರ್​ನಂತೆ ಗಂಟೆಗೆ 85,60,800 ಡಾಲರ್. ಮಸ್ಕ್ ರಾತ್ರಿ 8 ಗಂಟೆ ನಿದ್ರೆ ಮಾಡುತ್ತಿದ್ದರು ಎಂದಿಟ್ಟುಕೊಂಡರೆ ಅವರು ಬೆಳಗ್ಗೆ ಏಳುವಷ್ಟರಲ್ಲಿ 6,84,86,400 ಡಾಲರ್​ನಷ್ಟು ಶ್ರೀಮಂತರಾಗಿದ್ದರು.

https://www.vijayavani.net/caste-matter-created-conflict-between-writer-and-director

https://www.vijayavani.net/5-year-old-student-dies-after-being-hit-by-teacher-for-not-doing-homework