ಒಂಟಿ ಕಾಲಿನ ಮೇಲೆ ನೀವು ಇಷ್ಟು ಸೆಕೆಂಡ್ ನಿಲ್ಲಲೇಬೇಕು! ಇಲ್ಲವಾದಲ್ಲಿ ಸಾವು ಸಮೀಪಿಸುತ್ತಿದೆ ಎಂದರ್ಥ

ನಿಮ್ಮ ಆರೋಗ್ಯಕ್ಕೆ ಇದೊಂದು ಪರೀಕ್ಷೆ. ನೀವು ಒಂಟಿ ಕಾಲಿನ ಮೇಲೆ ಎಷ್ಟು ಹೊತ್ತು ನಿಲ್ಲಬಹುದು ಎಂಬುದನ್ನು ಪರೀಕ್ಷಿಸಿ. ನಿಮಗೆ ಕನಿಷ್ಠ 10 ಸೆಕೆಂಡ್ ಕೂಡ ಇರಲು ಸಾಧ್ಯವಾಗದಿದ್ದರೆ ನಿಮ್ಮ ಆರೋಗ್ಯ ಸ್ಥಿತಿ ತೀವ್ರ ಹದಗೆಟ್ಟಿದೆ ಎಂದರ್ಥ ಮತ್ತು ಕೂಡಲೇ ಆರೋಗ್ಯ ತಜ್ಞರನ್ನು ಕಾಣಬೇಕಾಗುತ್ತದೆ.

ನಮ್ಮ ದೇಹದ ಚಲನಶೀಲತೆಯು ಆರೋಗ್ಯಕರ ವಯಸ್ಸಿನ ಕೀಲಿಗಳಲ್ಲಿ ಒಂದಾಗಿದೆ. ಅಂದರೆ, ದೇಹದ ನಿರಂತರ ಚಟುವಟಿಕೆ ತುಂಬಾ ಮುಖ್ಯ. ಯಾವಾಗ ದೇಹ ಜಡವಾಗುತ್ತದೋ ಆಗ ದೇಹವು ಸಮತೋಲನವನ್ನು ಕಳೆದುಕೊಳ್ಳುತ್ತದೆ. ದೇಹದ ಸಮತೋಲನವನ್ನು ಕಾಪಾಡಿಕೊಳ್ಳುವ ಸಾಮರ್ಥ್ಯವು ವಯಸ್ಕರಿಗೆ ದೀರ್ಘಾಯುಷ್ಯವನ್ನು ನೀಡುತ್ತದೆ ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ.

ಬ್ರಿಟಿಷ್ ಜರ್ನಲ್ ಆಫ್ ಸ್ಪೋರ್ಟ್ಸ್ ಮೆಡಿಸಿನ್‌ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, 10 ಸೆಕೆಂಡುಗಳ ಕಾಲ ಒಂಟಿ ಕಾಲಿನ ಮೇಲೆ ನಿಲ್ಲುವ ಸಮತೋಲನ ಪರೀಕ್ಷೆಯಲ್ಲಿ ವಿಫಲರಾದ ಜನರು ಮುಂದಿನ 10 ವರ್ಷಗಳಲ್ಲಿ ಸಾಯುವ ಸಾಧ್ಯತೆ ಎರಡು ಪಟ್ಟು ಹೆಚ್ಚು ಎಂದು ಹೇಳಿದೆ. ದೇಹದ ಸಮತೋಲನ ಕಾಪಾಡಿಕೊಳ್ಳಲು ಸಾಧ್ಯವಾಗಿದ್ದರೆ ಸಾವಿನ ಅಪಾಯವು ದ್ವಿಗುಣಗೊಳ್ಳುತ್ತದೆ ಎಂದು ಅಧ್ಯಯನ ತೀರ್ಮಾನಿಸಿದೆ.

ನೀವು ಚಿಂತಿಸುವ ಮೊದಲು ಈ ಸಮತೋಲನ ಪರೀಕ್ಷೆಯಲ್ಲಿ ಸತ್ಯವಿದೆಯೇ? ನೀವು 10 ಸೆಕೆಂಡುಗಳ ಕಾಲ ಒಂಟಿ ಕಾಲಿನ ಮೇಲೆ ನಿಂತು ಬ್ಯಾಲೆನ್ಸ್​ ಮಾಡಲು ಸಾಧ್ಯವಾಗದಿದ್ದರೆ ನೀವು ಏನು ಮಾಡಬೇಕು? ಎಂಬುದನ್ನು ನಾವೀಗ ತಿಳಿಯೋಣ.

ಅಂದಹಾಗೆ ವಯಸ್ಸಾದಂತೆ ಮನುಷ್ಯರಲ್ಲಿ ಸಮತೋಲನ ಸೇರಿದಂತೆ ದೇಹದ ಕಾರ್ಯಗಳು ಸ್ವಾಭಾವಿಕವಾಗಿ ಕುಸಿತ ಅನುಭವಿಸುತ್ತವೆ. ಬ್ಯಾಲೆನ್ಸ್​ ತಪ್ಪಿದರೆ, ಇದು ಎಚ್ಚರಿಕೆಯ ಸಂಕೇತ ಎನ್ನಬಹುದು. 65ನೇ ವಯಸ್ಸಿನಲ್ಲಿ ಸುಮಾರು 15% ಜನರು ದೇಹದ ಸಮತೋಲನದಲ್ಲಿ ತೊಂದರೆಗಳನ್ನು ಅನುಭವಿಸುತ್ತಾರೆಂದು ವರದಿಯಾಗಿದೆ. ಅಲ್ಲದೆ, ಆ ಸಂಖ್ಯೆಯು 85ನೇ ವಯಸ್ಸಿನಲ್ಲಿ ಅರ್ಧದಷ್ಟು ತಲುಪುತ್ತದೆ.

ನೀವು ದೇಹದ ಸಮತೋಲನದಲ್ಲಿ ತೊಂದರೆಯನ್ನು ಹೊಂದಿದ್ದರೆ, ಇದು ದೈನಂದಿನ ಜೀವನದ ಚಟುವಟಿಕೆಗಳನ್ನು ಪೂರ್ಣಗೊಳಿಸುವ ಸಾಮರ್ಥ್ಯ ಕಡಿಮೆಯಾಗಲು ಕಾರಣವಾಗಬಹುದು. ಅಲ್ಲದೆ, ಮಧುಮೇಹದಂತಹ ದೀರ್ಘಕಾಲದ ಆರೋಗ್ಯ ಸಮಸ್ಯೆಗಳನ್ನು ಪರಿಹರಿಸುವುದು ತುಂಬಾ ಕಷ್ಟವಾಗಬಹುದು.

ಕಳಪೆ ಸಮತೋಲನಕ್ಕೆ ಕಾರಣವೇನು?

ಔಷಧಿಗಳು, ಕಿವಿ ಸೋಂಕುಗಳು, ಕಡಿಮೆ ರಕ್ತದೊತ್ತಡ, ವಿಟಮಿನ್ ಬಿ 12 ಕೊರತೆ, ಆಲ್ಕೋಹಾಲ್​ ಸೇವನೆ, ಸ್ನಾಯುಗಳ ದೌರ್ಬಲ್ಯ, ನರ ವ್ಯವಸ್ಥೆ ಹಾನಿ, ತಲೆ ಗಾಯ ಹಾಗೂ ಇತರೆ ಆರೋಗ್ಯ ಪರಿಸ್ಥಿತಿಗಳು ದೇಹದ ಅಸಮತೋಲನಕ್ಕೆ ಕಾರಣವಾಗಬಹುದು. ಸ್ನಾನ ಮಾಡುವುದು, ಬಟ್ಟೆ ಧರಿಸುವುದು, ಶಾಪಿಂಗ್, ಔಷಧಿಗಳನ್ನು ತೆಗೆದುಕೊಳ್ಳುವುದು ಮತ್ತು ತಿನ್ನುವುದು ಮುಂತಾದ ದೈನಂದಿನ ಜೀವನದ ಚಟುವಟಿಕೆಗಳನ್ನು ಪೂರ್ಣಗೊಳಿಸುವ ನಿಮ್ಮ ಸಾಮರ್ಥ್ಯವನ್ನು ನೋಡುವ ಮೂಲಕ ನಿಮ್ಮ ದೇಹದ ದೌರ್ಬಲ್ಯ ಅಥವಾ ಅಸಮತೋಲನವನ್ನು ನಿರ್ಣಯಿಸಬಹುದು. ಮಧುಮೇಹ ಅಥವಾ ಅಧಿಕ ರಕ್ತದೊತ್ತಡದಂತಹ ದೀರ್ಘಕಾಲದ ಪರಿಸ್ಥಿತಿಗಳು ಕೂಡ ಇದಕ್ಕೆ ಕಾರಣವಾಗುತ್ತದೆ.

ಸಮತೋಲನವನ್ನು ಹೇಗೆ ಸುಧಾರಿಸುವುದು?

ವಯಸ್ಕರು ತಮ್ಮ ಜೀವನದುದ್ದಕ್ಕೂ ಕೆಲವು ಮಟ್ಟದ ದೈಹಿಕ ಚಟುವಟಿಕೆಯನ್ನು ಕಾಪಾಡಿಕೊಳ್ಳಲು ತಜ್ಞರು ಸಲಹೆ ನೀಡುತ್ತಾರೆ. ಚಲಿಸುವುದನ್ನು ನಿಲ್ಲಿಸಿದರೆ, ಕಾಲಾನಂತರದಲ್ಲಿ ಚಲಿಸುವ ಸಾಮರ್ಥ್ಯವನ್ನು ಕಳೆದುಕೊಳ್ಳಬೇಕಾಗುತ್ತದೆ. ಹೀಗಾಗಿ ಚಟುವಟಿಕೆ ನಿರಂತರವಾಗಿದ್ದರೆ ಮಾತ್ರ ದೇಹದ ಸಮತೋಲನ ಕಾಪಾಡಿಕೊಳ್ಳಬಹುದು. ದೇಹದ ಸಮತೋಲನವನ್ನು ಸುಧಾರಿಸಲು ಡೈನಾಮಿಕ್ ಬ್ಯಾಲೆನ್ಸ್ ವ್ಯಾಯಾಮಗಳು ಹೆಚ್ಚು ಸಹಾಯಕವಾಗಿವೆ. ಅವುಗಳು ಈ ಕೆಳಕಂಡಂತಿದೆ.

* ಮೆಟ್ಟಿಲುಗಳ ಮೇಲೆ ನಡೆಯುವುದು

* ನಡೆಯಲು ನಿಮ್ಮ ಕಾಲ್ಬೆರಳುಗಳು ಅಥವಾ ಹಿಮ್ಮಡಿಗಳನ್ನು ಬಳಸುವುದು

* ಯೋಗ ಅಥವಾ ನೃತ್ಯವನ್ನು ಅಭ್ಯಾಸ ಮಾಡುವುದು

* ಒಂದು ಪಾದದ ಮೇಲೆ ಸಮತೋಲನವನ್ನು ಅಭ್ಯಾಸ ಮಾಡುವುದು

* ಜಿಮ್‌ನಲ್ಲಿ ವ್ಯಾಯಾಮ ಮಾಡುವುದು.

ಹಕ್ಕು ನಿರಾಕರಣೆ: ಲೇಖನದಲ್ಲಿ ಉಲ್ಲೇಖಿಸಲಾದ ಸಲಹೆಗಳು ಸಾಮಾನ್ಯ ಮಾಹಿತಿಗಾಗಿ ಮಾತ್ರ. ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ ಯಾವಾಗಲೂ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.

https://www.vijayavani.net/do-you-know-that-these-mistakes-we-do-at-night-increase-weight

https://www.vijayavani.net/rice-will-you-gain-weight-if-you-eat-rice-is-this-true