ಚಾಹಲ್​ ಪತ್ನಿ ಧನಶ್ರೀ-ಶ್ರೇಯಸ್​ ಅಯ್ಯರ್​ ನಡುವೆ ಇರುವ ಕನೆಕ್ಷನ್​ ಏನು? ಕೊನೆಗೂ ಸಿಕ್ತು ಉತ್ತರ... Dhanashree Verma

Dhanashree Verma : ಕಳೆದ ಕೆಲವು ದಿನಗಳಿಂದ ಟೀಮ್​​ ಇಂಡಿಯಾದ ಸ್ಟಾರ್ ಸ್ಪಿನ್ನರ್​ ಯುಜುವೇಂದ್ರ ಚಾಹಲ್ ಹಾಗೂ ಅವರ ಪತ್ನಿ ಹಾಗೂ ಸೋಶಿಯಲ್ ಮೀಡಿಯಾ ಇನ್ಫ್ಲುಯೆನ್ಸರ್​ ಧನಶ್ರೀ ವರ್ಮಾ ವಿಚ್ಛೇದನದ ಸುದ್ದಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಸದ್ಯದ ಮಾಹಿತಿ ಪ್ರಕಾರ ಈ ಜೋಡಿ ಸದ್ಯದಲ್ಲೇ ವಿಚ್ಛೇದನ ಪಡೆಯಲಿದೆಯಂತೆ. ಆದರೆ, ಈ ಸುದ್ದಿಗೆ ಚಾಹಲ್​ ಆಗಲಿ ಧನಶ್ರೀ ಆಗಲಿ ಇದುವರೆಗೂ ಅಧಿಕೃತವಾಗಿ ಪ್ರತಿಕ್ರಿಯೆ ನೀಡಿಲ್ಲ. ಆದರೂ ಇಬ್ಬರ ನಡೆ ಸಾಕಷ್ಟು ಅನುಮಾಗಳಿಗೆ ಎಡೆಮಾಡಿಕೊಟ್ಟಿದೆ.

ಚಾಹಲ್​-ಧನಶ್ರೀ ಡಿವೋರ್ಸ್​ ವದಂತಿ ಜೋರಾಗುತ್ತಿದ್ದಂತೆ ಟೀಮ್​ ಇಂಡಿಯಾ ಸ್ಟಾರ್​ ಕ್ರಿಕೆಟಿಗ ಶ್ರೇಯಸ್​ ಅಯ್ಯರ್​ ಹೆಸರು ಕೂಡ ಚರ್ಚೆಯಾಗುತ್ತಿದೆ. ಚಾಹಲ್​ ಮತ್ತು ಶ್ರೇಯಸ್​ ಇಬ್ಬರು ಯಶಸ್ವಿ ಕ್ರಿಕೆಟಿಗರು ಎಂಬುದು ಜಗತ್ತಿಗೆ ಗೊತ್ತಿದೆ. ಐಪಿಎಲ್​ ಮತ್ತು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಯಶಸ್ಸನ್ನು ಕಂಡಿದ್ದಾರೆ. ಭವಿಷ್ಯದಲ್ಲೂ ಯಶಸ್ಸನ್ನು ಎದುರು ನೋಡುತ್ತಿದ್ದಾರೆ. ಸದ್ಯ ಇಬ್ಬರು ಕ್ರಿಕೆಟ್​ನಲ್ಲಿ ಬಿಜಿಯಾಗಿದ್ದು, ಚಾಹಲ್​ ದಾಂಪತ್ಯ ಜೀವನದಲ್ಲಿ ಮೂಡಿದೆ ಎನ್ನಲಾದ ಬಿರುಕು ಶ್ರೇಯಸ್​ ಹೆಸರನ್ನು ಸಹ ಎಳೆದುತಂದಿದೆ.

ಚಾಹಲ್ ಮತ್ತು ಧನಶ್ರೀ ಇನ್‌ಸ್ಟಾಗ್ರಾಮ್‌ನಲ್ಲಿ ಒಬ್ಬರನ್ನೊಬ್ಬರು ಅನ್‌ಫಾಲೋ ಮಾಡಿದ್ದಾರೆ. ಚಾಹಲ್ ಅವರು ತಮ್ಮ ಪತ್ನಿಯೊಂದಿಗಿನ ಎಲ್ಲ ಫೋಟೋಗಳನ್ನು ಡಿಲೀಟ್​ ಮಾಡಿದ್ದಾರೆ. ಅಲ್ಲದೆ, ಇನ್​ಸ್ಟಾಗ್ರಾಂನಲ್ಲಿ ಶೇರ್​ ಮಾಡಿಕೊಂಡಿದ್ದ ಮಾರ್ಮಿಕ ಪೋಸ್ಟ್​ ಕೂಡ ವಿಚ್ಛೇದನ ಸುದ್ದಿಗೆ ಇನ್ನಷ್ಟು ಪುಷ್ಠಿ ನೀಡಿದೆ. ಕಠಿಣ ಪರಿಶ್ರಮವು ವ್ಯಕ್ತಿಯ ವ್ಯಕ್ತಿತ್ವವನ್ನು ಬಹಿರಂಗಪಡಿಸುತ್ತದೆ. ನಿಮ್ಮ ಜೀವನದ ಪ್ರಯಾಣ ನಿಮಗೆ ಮಾತ್ರ ಗೊತ್ತಿದೆ. ನಿನ್ನ ನೋವು ನಿನಗೆ ತಿಳಿದಿರುತ್ತದೆ. ಈ ಹಂತಕ್ಕೆ ತಲುಪಲು ನೀವು ಏನೆಲ್ಲ ಮಾಡಿದ್ದೀರಿ ಎಂಬುದು ನಿಮಗೆ ಮಾತ್ರ ಗೊತ್ತಿರುತ್ತದೆ. ನೀವೀಗ ಎತ್ತರದಲ್ಲಿದ್ದೀರಿ. ನಿಮ್ಮ ತಂದೆ-ತಾಯಿ ಹೆಮ್ಮೆ ಪಡುವಂತೆ ಶ್ರಮಿಸಿದ್ದೀರಿ. ಹೆಮ್ಮೆಯ ಮಗನಂತೆ ಯಾವಾಗಲೂ ಉಳಿಯಿರಿ ಎಂದು ಯಜುವೇಂದ್ರ ಚಾಹಲ್ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್​ ಮಾಡಿದ್ದಾರೆ. ಇದನ್ನು ನೋಡಿದರೆ, ವೈವಾಹಿಕ ಜೀವನದಲ್ಲಿ ಬಿರುಕು ಮೂಡಿರುವುದು ಸ್ಪಷ್ಟವಾಗುತ್ತದೆ.

ಇದನ್ನೂ ಓದಿ: ಈ ಹುಡುಗಿಯಿಂದಲೇ ಚಾಹಲ್-ಧನಶ್ರೀ ದೂರ..ದೂರ! ಯುವತಿಯೊಬ್ಬಳ ಜತೆ ಕ್ಯಾಮರಾ ಕಣ್ಣಿಗೆ ಬಿದ್ದ ಕ್ರಿಕೆಟಿಗ Yuzvendra Chahal

ಈ ಎಲ್ಲ ಬೆಳವಣಿಗೆ ನಡುವೆ ಶ್ರೇಯಸ್​ ಅಯ್ಯರ್​ ಹೆಸರು ಏಕೆ ಕೇಳಿಬರುತ್ತಿದೆ ಗೊತ್ತಾ? ಈ ಹಿಂದೆ ಧನಶ್ರೀ ವರ್ಮ ಜತೆ ಶ್ರೇಯಸ್​ ಹೆಸರು ತಳುಕು ಹಾಕಿಕೊಂಡಿತ್ತು. ಇಬ್ಬರು ಲವ್​ ಮಾಡುತ್ತಿದ್ದಾರೆ ಎಂಬ ವದಂತಿ ಹಬ್ಬಿತ್ತು. ಇಬ್ಬರು ಜತೆಯಾಗಿ ಡಾನ್ಸ್​ ಮಾಡುವ ವಿಡಿಯೋವೊಂದು ವೈರಲ್​ ಆದ ಬಳಿಕ ಇಬ್ಬರ ನಡುವಿನ ಆಪ್ತತೆಯ ಬಗ್ಗೆ ಅನೇಕ ಪ್ರಶ್ನೆಗಳು ಹುಟ್ಟಿಕೊಂಡವು. ಅನೇಕ ಸಂದರ್ಭಗಳಲ್ಲಿ ಇಬ್ಬರು ಒಟ್ಟಿಗೆ ಕಾಣಸಿಕೊಂಡಿದ್ದರಿಂದ ಇಬ್ಬರ ನಡುವೆ ಏನೋ ನಡೆಯುತ್ತಿದೆ ಎಂಬ ಚರ್ಚೆಗಳು ಶುರುವಾದವು. ಅಷ್ಟಕ್ಕೂ ಧನಶ್ರೀ ಮತ್ತು ಶ್ರೇಯಸ್​ ನಡುವೆ ಇರುವ ಕನೆಕ್ಷನ್​ ಏನು ಎಂದು ನೋಡಿದಾಗ ಶ್ರೇಯಸ್​ ಸಹೋದರಿ ಶ್ರೇಷ್ಠಾ ಅಯ್ಯರ್​ ಹೆಸರು ಕೇಳಿಬರುತ್ತದೆ.

ಶ್ರೇಷ್ಠಾ ಅಯ್ಯರ್​ ಮತ್ತು ಧನಶ್ರೀ ವರ್ಮಾ ಇಬ್ಬರು ಆಪ್ತ ಸ್ನೇಹಿತರು. ಇಬ್ಬರು ಕೂಡ ಡಾನ್ಸ್​ ಕೊರಿಯೋಗ್ರಾಫರ್ಸ್​. ಈ ಒಂದು ಕಾರಣಕ್ಕೆ ಧನಶ್ರೀ ಮತ್ತು ಶ್ರೇಯಸ್​ ನಡುವೆ ಪರಿಚಯವಿದೆ ಹೊರತು ಬೇರೆ ಯಾವುದೇ ಸಂಬಂಧವಿಲ್ಲ. ಇಬ್ಬರ ಬಗ್ಗೆ ಹರಿದಾಡುತ್ತಿರುವ ಡೇಟಿಂಗ್​ ಸುದ್ದಿ ಕೇವಲ ವದಂತಿಯಷ್ಟೇ. ಹೇಳಬೇಕೆಂದರೆ, ಚಾಹಲ್​ ಮತ್ತು ಶ್ರೇಯಸ್​ ಕೂಡ ಒಳ್ಳೆಯ ಸ್ನೇಹಿತರು.

2020ರ ಡಿಸೆಂಬರ್​ನಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಚಾಹಲ್ ಮತ್ತು ಧನಶ್ರೀ ತಮ್ಮ ಸಿಹಿ ಕ್ಷಣಗಳನ್ನು ಆಗಾಗ ತಮ್ಮ ಅಭಿಮಾನಿಗಳೊಂದಿಗೆ ಜಾಲತಾಣದ ಮೂಲಕ ಹಂಚಿಕೊಳ್ಳುತ್ತಿದ್ದರು. ಒಂದು ಸಮಯದಲ್ಲಿ ಜಾಲತಾಣದಲ್ಲಿ ಸಖತ್​ ಸದ್ದು ಮಾಡಿದ್ದ ಈ ಜೋಡಿ ಇದೀಗ ಬೇರೆಯಾಗುತ್ತಿರುವುದು ಅಭಿಮಾನಿಗಳಿಗೆ ಬೇಸರ ತರಿಸಿದೆ. ಶೀಘ್ರದಲ್ಲೇ ಇಬ್ಬರು ತಮ್ಮ ವಿಚ್ಛೇದನವನ್ನು ಅಧಿಕೃತವಾಗಿ ಪ್ರಕಟಿಸುವ ಸಾಧ್ಯತೆಗಳಿವೆ.

ಅಂದಹಾಗೆ ಟೀಮ್​ ಇಂಡಿಯಾದಲ್ಲಿ ಹಾರ್ದಿಕ್ ಪಾಂಡ್ಯ ಮತ್ತು ಮೊಹಮ್ಮದ್ ಶಮಿಯಂತಹ ಕ್ರಿಕೆಟಿಗರು ಇಂತಹ ಸಮಸ್ಯೆಗಳನ್ನು ಎದುರಿಸಿದ್ದಾರೆ. ಇದೀಗ ವಿಚ್ಛೇದನ ಪಡೆದರೆ ಚಾಹಲ್ ಕೂಡ ಆ ಪಟ್ಟಿಗೆ ಸೇರಲಿದ್ದಾರೆ. ಒಟ್ಟಿನಲ್ಲಿ ವೈಯಕ್ತಿಕ ಸಮಸ್ಯೆಗಳು ಚಾಹಲ್ ಜೀವನದ ಮೇಲೆ ಗಂಭೀರ ಪರಿಣಾಮ ಬೀರುತ್ತಿವೆ. ಸದ್ಯದಲ್ಲೇ ದಂಪತಿ ಸಮಸ್ಯೆ ಬಗೆಹರಿಸಿಕೊಳ್ಳುತ್ತಾರೆ ಎಂದು ಅಭಿಮಾನಿಗಳು ಆಶಿಸುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/actor-vishal-what-is-the-problem-with-actor-vishal-here-is-the-explanation-given-by-the-hospital

https://www.vijayavani.net/not-getting-enough-sleep-eat-these-foods-before-going-to-bed